Բնական պատմության թանգարան (Ուլան Բատոր)

Բնական պատմության թանգարան
Տեսակ	բնագիտական թանգարան
Երկիր	Մոնղոլիա
Տեղագրություն	Ուլան Բատոր
Վայր	Ուլան Բատոր
Հիմնադրվել է	1924
Այցելուներ	80 000 մարդ
Կայք	naturemuseum.mn

Բնական պատմության թանգարան (մոնղ.՝ Монголын байгалийн түүхийн музей, նաև՝ Բնագիտության թանգարան կամ Բնության թանգարան^[1]), Մոնղոլիայի պետական թանգարաններից մեկը։ Գտնվում է Մոնղոլիայի մայրաքաղաք Ուլան Բատորում։

Թանգարանի հավաքածու[խմբագրել | խմբագրել կոդը]

Թանգարանի հավաքածուները սկսել են ստեղծվել 1924 թվականից։ Թանգարանը տեղակայված է 40 դահլիճ ունեցող ժամանակակից շենքում, որը կառուցվել է ստալինյան ամպիր ոճով 1954 թվականին։ Թանգարանի մուտքը զարդարված է 1860 թվականին թողարկված երկու քարե առյուծներով, որոնք ժամանակին հսկում էին Բոգդո-գեգենի պալատի մուտքը^[2]։

Չնայած ցուցանմուշների որոշ քայքայվածությանը, տարեկան թանգարան է այցելում առնվազն 50 հազար մարդ։ Թանգարանում կա ավելի քան 12 հազար ցուցանմուշ, այդ թվում՝ դինոզավրերի մնացորդներ^[3] և նրանց քարացած ձվեր^[4], այնպիսի հազվագյուտ կաթնասունների խրտվիլակներ, ինչպիսին են ձյունահովազը կամ մազալայ անապատային արջը, անհետացած մամոնտների կմախքներ։ Թանգարանի ամենահայտնի ցուցանմուշն է տիրանոզավրի 3-մետրանոց ամբողջական կմախքը, որն այցելուներին թույլ չեն տալիս լուսանկարել, ինչպես նաև դիպլոդոկի կմախքը։ Մոտ 65 միլիոն տարի առաջ ապրած երկու կենդանիներն էլ 20-րդ դարի 40-ական թվականներին խորհրդային գիտնականների կողմից հայտնաբերվել էին Գոբի անապատում (Նեմեգետինի իջվածքում)^[5]։