Բեգլար Հովհաննիսյան
| Բեգլար Հովհաննիսյան | |
|---|---|
| Ծնվել է | 1920 |
| Ծննդավայր | Գանձակ, Նոր Բայազետի գավառ |
| Մահացել է | անհայտ |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Պարգևներ և մրցանակներ |  |
Բեգլար Սարիբեկի Հովհաննիսյան (1920, Գանձակ, Նոր Բայազետի գավառ - անհայտ), հայ մանկավարժ։ Հայրենական մեծ պատերազմի մասնակից։
Կենսագրություն[խմբագրել | խմբագրել կոդը]
Բեգլար Հովհաննիսյանը ծնվել է 1920 թվականին, Կամոյի շրջանի Բատիկյան գյուղում։ Ավարտել է տեղի դպրոցը։ 1941 թվականին ավարտել է Կամոյի մանկավարժական ուսումնարանը, նշանակվել ուսուցչական աշխատանքի[1]։
Զորակոչվել է բանակ, ավարտել է Չելյաբինսկի ավիադպրոցը, 1943 թվականի աշնանը հրաձիգ-ռադիստի մասնագիտությամբ նշանակվել է 388-րդ ավիաէսկադրիլիայում։ Կատարել է 98 մարտական թռիչք։ Մասնակցել է Մոսկվայի մոտ գերմանացիների ջախջախմանը, Լենինգրադի, Խարկովի, Ստալինգրադի մատույցներում, Կուրսկ-Օրյոլի աղեղում մղված օդային մարտերին, Կալինինգրադի գրավմանը։ Պարգևատրվել է Կարմիր աստղի շքանշանով, «Արիության համար» և ուրիշ մարտական մեդալներով[1]։
1945 թվականի դեկտեմբերին Հովհաննիսյանն ավագ լեյտենանտի կոչումով զորացրվել է։ Ավարտել է Երևանի հեռակա մանկավարժական ինստիտուտի լեզվագրական ֆակուլտետը։ Երկար տարիներ դասավանդել է Կամոյի շրջանի դպրոցներում, եղել Բատիկյանի միջնակարգ դպրոցի տնօրենի ուսումնադաստիարակչական աշխատանքների գծով տեղակալ[1]։
Պարգևներ[խմբագրել | խմբագրել կոդը]
- Կարմիր աստղի շքանշան
- «Արիության համար» մեդալ