Բաշշար ալ-Ասադ

Վիքիպեդիայից՝ ազատ հանրագիտարանից
(Վերահղված է Բաշար ալ-Ասադից)


Բաշշար Հաֆեզի ալ-Ասադ
արաբ․՝ بشار حافظ الأسد‎‎
Bashar al-Assad.jpg
Սիրիայի Արաբական Հանրապետության 16-րդ նախագահ
Ստանձնեց պաշտոնը՝ 2000 թ. հուլիսի 17
Կուսակցություն՝ Բաաս
Նախորդող՝ Հաֆեզ ալ-Ասադ
Ծննդյան օր՝ սեպտեմբերի 11, 1965({{padleft:1965|4|0}}-{{padleft:9|2|0}}-{{padleft:11|2|0}})[1] (51 տարեկան)
Ծննդավայր՝ Դամասկոս
Ամուսին ՝ Ասմա ալ-Ասադ
Երեխաներ՝ որդի։ Հաֆեզ, Կարիմ
դուստր։ Զեյն
Դինաստիա՝ Al-Assad family
Հայր՝ Հաֆեզ ալ-Ասադ
Մայր՝ Անիսա ալ-Ասադ
Պարգևներ՝ Knight Grand Cross with Collar of the Order of Merit of the Italian Republic, Իշխան Յարոսլավ Իմաստունի շքանշան, Royal Order of Francis I, Ֆինլանդական Սպիտակ Վարդի շքանշան, Order of the Liberator, Հարավային Խաչի շքանշան, National Order of the Cedar և Order of Islamic Republic

Բաշշար Հաֆեզի ալ-Ասադ (արաբ․՝ بشار حافظ الأسد‎‎, սեպտեմբերի 11, 1965[1], Դամասկոս), սիրիական քաղաքական և պետական գործիչ, Սիրիայի նախագահ, Բաաս կուսակցության սիրիական ճյուղի նախագահ։

Կենսագրություն[խմբագրել | խմբագրել կոդը]

Երիտասարդական տարիներ[խմբագրել | խմբագրել կոդը]

Բաշշար ալ-Ասադը ծնվել է 1965 թ.-ի սեպտեմբերի 11-ին Դամասկոսում՝ երկրի ռազմաօդային ուժերի հրամանատար, բրիգադի գեներալ Հաֆեզ ալ-Ասադի ընտանիքում, որը պատկանում է մուսուլման փոքրամասնություն համարվող ալավիտներին։[2] Երբ Բաշշարը 5 տարեկան էր, նրա հայրը դարձավ Սիրիայի նախագահ, իսկ ավելի ուշ սկսեց գլխավորել Բաաս կուսակցությունը։

Ասադների ընտանիքը (ձախից աջ)՝ Հաֆեզ ալ-Ասադ (հայր), Անիսա Մահլուֆ (մայր), Բաշշար, Մահար (եղբայր), Մաջիդ (եղբայր), Բուշրա (քույր) և Բասիլ (եղբայր), 1970-ական թթ.

Նախնական կրթությունը Բաշշար ալ-Ասադը ստացել է Դամասկոսում գտնվող արաբա-ֆրանսիական «Հուրիա» քոլեջում։ 1982 թ.-ին նա ավարտել ուսուցումը և ստացել բակալավրի կոչում։ 1988 թ.-ին կարմիր դիպլոմով ավարտել է Դամասկոսի համալսարանի բժշկական ֆակուլտետի ակնաբուժական բաժինը, որից հետո աշխատել է Տիշրին զինվորական հոսպիտալում։[3].

1991 թ.-ին (այլ տվյալներով՝ 1992 թ.-ին) նա մեկնել է Մեծ Բրիտանիա՝ պրակտիկան անցկացնելով Western Eye Hospital ակնաբուժական կենտրոնում։ Արտասահմանում Ասադը իր անվան փոխարեն օգատագործել է կեղծանուն, որպեսզի ոչ ոք չիմանա, որ իր հայրը Սիրիայի նախագահն է։

Սկզբնական շրջանում Հաֆեզ ալ-Ասադը նախատեսում էր նախագահի պաշտոնում նշանակել իր որդի Բասիլին, բայց վերջինս 1994 թ.-ին ավտովթարից զոհվում է։ Դժբախտությունը տեղի ունեցավ, երբ Բաշշարը գտնվում էր Լոնդոնում։[4]. Եղբոր մահից հետո նա վերադառնում է Սիրիա և ընդունվում Հոմս քաղաքում գտնվող զինվորական ակադեմիա։ 1995 թ.-ին կապիտանի կոչումով արդեն գլխավորում էր տանկային գումարտակ, այնուհետև Հանրապետական գվարդիան։ 1999 թ.-ի հունվարին նրան շնորհվում է գնդապետ զինվորական կոչում։

Քաղաքական գործունեություն[խմբագրել | խմբագրել կոդը]

2000 թ.-ի հունիսի 10-ին Սիրիայի նախագահ Հաֆեզ ալ-Ասադը սրտի անբավարարությունից մահանում է։ Հաջորդ օրը նախագահի պաշտոնակատար երկրի առաջին փոխնախագահը Բաշշար ալ-Ասադին շնորհում է գեներալ-լեյտենանտ զինվորական կոչում և նշանակում բանակի գերագույն հրամանատար։ Հունիսի 20-ին իշխող կուսակցության նիստում Բաշշար ալ-Ասադը ընտրվում է կուսակցության գլխավոր քարտուղար և նրա թեկնածությունը առաջադրվում է նախագահական ընտրություններում։ Հուլիսի 10-ին երկրում անցկացվում է ընտրություններ, որրի արդյունքում Սիրիայի նախագահ է դառնում Բաշշարը՝ հավաքելով 97,29 % ձայն։[5] 2007 թ.-ի մայիսի 27-ին Բաշշարը վերընտրվում է։

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Internet Movie Database Ստուգված է օգոստոսի 12-ին 2015:
  2. Minorities and the State in the Arab World, 1999 թ.
  3. "Коммерсантъ" օրաթերթ, Բաշար Ասադ|25.12.2006 թ.;
  4. Ахмедов В.М.Современная Сирия: история, политика, экономика, 2010 թ.
  5. "Коммерсантъ" օրաթերթ,Սիրիացիները հավատարիմ են Ասադների ընտանիքին,12.07.2000 թ.: