Բաշշար ալ-Ասադ

Վիքիպեդիայից՝ ազատ հանրագիտարանից
Jump to navigation Jump to search


Բաշշար Հաֆեզի ալ-Ասադ
արաբ․՝ بشار حافظ الأسد‎‎
Bashar al-Assad.jpg
Սիրիայի Արաբական Հանրապետության 16-րդ նախագահ
Ստանձնեց պաշտոնը՝2000 թ. հուլիսի 17
Կուսակցություն՝Բաաս
Նախորդող՝Հաֆեզ ալ-Ասադ
Ծննդյան օր՝ սեպտեմբերի 11, 1965(1965-09-11)[1][2][3][…] (57 տարեկան)
Ծննդավայր՝Դամասկոս, Սիրիա
Ամուսին ՝Ասմա ալ-Ասադ
Երեխաներ՝որդի։ Հաֆեզ, Կարիմ
դուստր։ Զեյն
Դինաստիա՝Ասադներ
Հայր՝Հաֆեզ ալ-Ասադ
Մայր՝Անիսա ալ-Ասադ
Պարգևներ՝
Բարեկամության շքանշան, Պատվո լեգեոնի Մեծ խաչի ասպետ, Հարավային խաչի շքանշանի Մեծ շղթա, իշխան Յարոսլավ Իմաստունի 1-ին աստիճանի շքանշան, իշխան Յարոսլավ Իմաստունի 1-ին աստիճանի շքանշան, Ֆինլանդիայի Սպիտակ վարդի շքանշանի Մեծ խաչ շղթայով, Ֆինլանդական Սպիտակ Վարդի շքանշան, «Իտալական Հանրապետությանը մատուցած ծառայությունների համար» շքանշան, Մեծ Խաչի ասպետ՝ «Իտալիայի Հանրապետության հանդեպ ունեցած վաստակի համար» Մեծ ժապավենով, Sacred Military Constantinian Order of Saint George, Ուացամոնգա շքանշան, Ազատագրողի շքանշան, Մայրու ազգային շքանշանի մեծ ժապավեն, Աբդուլազիզ ալ-Սաուդի շքանշան, Օմեյադների շքանշան, Royal Order of Francis I,

Order of Islamic Republic? (հուլիսի 31, 2010)

, Զայիդի շքանշան, Մատուցած ծառայությունների համար շքանշան, Order of Military Merit (Syria), Order of bravery 3kl (Syria).png, Devotion Order, Rib Medal of Trainingl (Syria).png, Հարավային Խաչի շքանշան, Մայրու ազգային շքանշան, ABK Order of Honour and Glory 1st class ribbon 218.svg և Rib Medal of Trainingl (Syria).png

Բաշշար Հաֆեզի ալ-Ասադ (արաբ․՝ بشار حافظ الأسد‎‎, սեպտեմբերի 11, 1965(1965-09-11)[1][2][3][…], Դամասկոս, Սիրիա), սիրիական քաղաքական և պետական գործիչ, Սիրիայի նախագահ, Բաաս կուսակցության սիրիական ճյուղի նախագահ։

Կենսագրություն[խմբագրել | խմբագրել կոդը]

Երիտասարդական տարիներ[խմբագրել | խմբագրել կոդը]

Բաշշար ալ-Ասադը ծնվել է 1965 թ.-ի սեպտեմբերի 11-ին Դամասկոսում՝ երկրի ռազմաօդային ուժերի հրամանատար, բրիգադի գեներալ Հաֆեզ ալ-Ասադի ընտանիքում, որը պատկանում է մուսուլման փոքրամասնություն համարվող ալավիտներին[4]։ Երբ Բաշշարը 5 տարեկան էր, նրա հայրը դարձավ Սիրիայի նախագահ, իսկ ավելի ուշ սկսեց գլխավորել Բաաս կուսակցությունը։

Ասադների ընտանիքը (ձախից աջ)՝ Հաֆեզ ալ-Ասադ (հայր), Անիսա Մահլուֆ (մայր), Բաշշար, Մահար (եղբայր), Մաջիդ (եղբայր), Բուշրա (քույր) և Բասիլ (եղբայր), 1970-ական թթ.

Նախնական կրթությունը Բաշշար ալ-Ասադը ստացել է Դամասկոսում գտնվող արաբա-ֆրանսիական «Հուրիա» քոլեջում։ 1982 թ.-ին նա ավարտել ուսուցումը և ստացել բակալավրի կոչում։ 1988 թ.-ին կարմիր դիպլոմով ավարտել է Դամասկոսի համալսարանի բժշկական ֆակուլտետի ակնաբուժական բաժինը, որից հետո աշխատել է Տիշրին զինվորական հոսպիտալում[5]։

1991 թ.-ին (այլ տվյալներով՝ 1992 թ.-ին) նա մեկնել է Մեծ Բրիտանիա՝ պրակտիկան անցկացնելով Western Eye Hospital ակնաբուժական կենտրոնում։ Արտասահմանում Ասադը իր անվան փոխարեն օգատագործել է կեղծանուն, որպեսզի ոչ ոք չիմանա, որ իր հայրը Սիրիայի նախագահն է։

Սկզբնական շրջանում Հաֆեզ ալ-Ասադը նախատեսում էր նախագահի պաշտոնում նշանակել իր որդի Բասիլին, բայց վերջինս 1994 թ.-ին ավտովթարից զոհվում է։ Դժբախտությունը տեղի ունեցավ, երբ Բաշշարը գտնվում էր Լոնդոնում[6]։ Եղբոր մահից հետո նա վերադառնում է Սիրիա և ընդունվում Հոմս քաղաքում գտնվող զինվորական ակադեմիա։ 1995 թ.-ին կապիտանի կոչումով արդեն գլխավորում էր տանկային գումարտակ, այնուհետև Հանրապետական գվարդիան։ 1999 թ.-ի հունվարին նրան շնորհվում է գնդապետ զինվորական կոչում։

Քաղաքական գործունեություն[խմբագրել | խմբագրել կոդը]

2000 թ.-ի հունիսի 10-ին Սիրիայի նախագահ Հաֆեզ ալ-Ասադը սրտի անբավարարությունից մահանում է։ Հաջորդ օրը նախագահի պաշտոնակատար երկրի առաջին փոխնախագահը Բաշշար ալ-Ասադին շնորհում է գեներալ-լեյտենանտ զինվորական կոչում և նշանակում բանակի գերագույն հրամանատար։ Հունիսի 20-ին իշխող կուսակցության նիստում Բաշշար ալ-Ասադը ընտրվում է կուսակցության գլխավոր քարտուղար և նրա թեկնածությունը առաջադրվում է նախագահական ընտրություններում։ Հուլիսի 10-ին երկրում անցկացվում է ընտրություններ, որի արդյունքում Սիրիայի նախագահ է դառնում Բաշշարը՝ հավաքելով 97,29 % ձայն[7]։ 2007 թ.-ի մայիսի 27-ին Բաշշարը վերընտրվում է։

Ծանոթագրություններ[խմբագրել | խմբագրել կոդը]

  1. 1,0 1,1 Internet Movie Database — 1990.
  2. 2,0 2,1 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
  3. 3,0 3,1 Roglo — 1997. — ed. size: 8549233
  4. Minorities and the State in the Arab World, 1999 թ.
  5. "Коммерсантъ" օրաթերթ, Բաշար Ասադ|25.12.2006 թ.;
  6. Ахмедов В.М.Современная Сирия: история, политика, экономика, 2010 թ.
  7. "Коммерсантъ" օրաթերթ,Սիրիացիները հավատարիմ են Ասադների ընտանիքին,12.07.2000 թ.: