Բախշի Սարգսյան
Բախշի Սարգսյան | |
---|---|
Ծնվել է | 1924 |
Ծննդավայր | Տաշտուն, Հայաստան |
Քաղաքացիություն | ԽՍՀՄ |
Մասնագիտություն | մանկավարժ |
Պարգևներ և մրցանակներ |
Բախշի Անդրեասի Սարգսյան (1924, Տաշտուն, Հայաստան), հայ մանկավարժ։ ՀԽՍՀ վաստակավոր ուսուցիչ (1969): Հայրենական մեծ պատերազմի մասնակից։
Կենսագրություն[խմբագրել | խմբագրել կոդը]
Բախշի Սարգսյանը ծնվել է 1924 թվականին Մեղրու շրջանի Տաշտուն գյուղում։ Ավարտել է միջնակարգ դպրոցը և աշխատել իր ծննդավայրի` Տաշտուն գյուղի դպրոցում[1]։
1942 թվականի դեկտեմբերին զորակոչվել և մեկնել է ռազմաճակատ։ Ծովային դեսանտային խումբը դեսանտ է իջել Նովոռասիյսկի մատույցներում, որտեղ պաշտպանության թեժ մարտերը չեն դադարել, թշնամին ռմբակոծել է օդից, ծովից և ցամաքից մինչև 1943 թվականի փետրվարի վերջը։ Մարտերից մեկում Սարգսյանը վիրավորվել է, ապաքինվելուց հետո նորից մեկնել է գործող բանակ։ Այնուհետև 4-րդ գվարդիական կորպուսի հեծելազորայինների շարքերում մասնակցել է Գոմել, Բոբրույսկ, Բարանովիչ քաղաքների ազատագրմանը։ 1944 թվականի աշնանը հեծյալ կորպուսը Վարշավայի մատույցներից տեղափոխվել է Յաշ-Քիշինևի շրջանը, մարտերով հասել Ռումինիա, Հունգարիա։ 1945 թվականի հունվարի 9-ին ձեռնամարտի ժամանակ ծանր վիրավորվել է, ապաքինվելուց հետո մասնակցել է Պրահայի ազատագրմանը[1]։
Պարգևատրվել է «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար», «Մարտական ծառայությունների համար» մեդալներով, մի շարք շքանշաններով ու մեդալներով[1]։
Սարգսյանը 1946 թվականին զորացրվել է ծառայությունից, աշխատել է դպրոցի ուսումնական մասի վարիչ, դպրոցի տնօրեն, ժողկրթբաժնի դպրոցական տեսուչ։ Բազմիցս ընտրվել է տեղական խորհուրդների պատգամավոր, ՀԿԿ Մեղրու շրջկոմի բյուրոյի անդամ։ 1963 թվականից Սարգսյանը եղել է Մեղրիի Ստեփան Շահումյանի անվան միջնակարգ դպրոցի տնօրեն։ 1969 թվականին Սարգսյանն արժանացել է ՀԽՍՀ վաստակավոր ուսուցչի կոչման, 1971 թվականին պարգևատրվել է Խաչատուր Աբովյանի անվան մեդալով[1]։
Պարգևներ[խմբագրել | խմբագրել կոդը]
- ՀԽՍՀ վաստակավոր ուսուցիչ (1969)
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ
- «Մարտական ծառայությունների համար» մեդալ
- Խաչատուր Աբովյանի անվան մեդալ
Ծանոթագրություններ[խմբագրել | խմբագրել կոդը]
- 1924 ծնունդներ
- Ապրող անձինք
- Հայաստանում ծնվածներ
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալակիրներ
- Անձինք այբբենական կարգով
- «Մարտական ծառայությունների համար» մեդալով պարգևատրվածներ
- ՀԽՍՀ վաստակավոր ուսուցիչներ
- Հայ մանկավարժներ
- Հայրենական մեծ պատերազմի հայ մասնակիցներ