Աֆենի Շաքուր
| Աֆենի Շաքուր | |
|---|---|
 | |
| Ծնվել է | հունվարի 10, 1947[1] |
| Ծննդավայր | Լամբերթոն, Հյուսիսային Կարոլինա, ԱՄՆ |
| Մահացել է | մայիսի 2, 2016[2][1] (69 տարեկան) |
| Մահվան վայր | Sausalito, Մարին շրջան, Կալիֆոռնիա, ԱՄՆ |
| Քաղաքացիություն |  ԱՄՆ |
| Մասնագիտություն | ակտիվիստ և գործարար |
| Ամուսին | Lumumba Shakur? և Mutulu Shakur? |
| Երեխաներ | Թուփաք Շակուր և Sekyiwa Shakur? |
 Afeni Shakur Վիքիպահեստում | |
Աֆենի Շաքուր (ի ծնե՝ Էլիս Ֆեյ Ուիլյամս[3], հունվարի 10, 1947[1], Լամբերթոն, Հյուսիսային Կարոլինա, ԱՄՆ - մայիսի 2, 2016[2][1], Sausalito, Մարին շրջան, Կալիֆոռնիա, ԱՄՆ)[4], ամերիկացի ակտիվիստ, բարեգործ, քաղաքական գործիչ և «Սև հովազներ» կուսակցության անդամ։ Հանգուցյալ ռեփեր Թուփաք Շակուրի մայրն է։ Դատարանում պաշտպանել է իրեն՝ որպես «Հովազների» անդամ բազմաթիվ ռմբակոծություններին մասնակցելու մեղադրանքից։
Կենսագրություն[խմբագրել | խմբագրել կոդը]
Էլիս Ֆեյ Ուիլյամսը ծնվել է 1947 թվականի հունվարի 10-ին Հյուսիսային Կարոլինայի Լամբերտոն քաղաքում։ Մայրը տնային տնտեսուհի էր, իսկ հայրը՝ հեռահար վարորդ։ Ուներ նաև քույր։ Շուտով նրա ծնողներն ամուսնալուծվեցին, և 1958 թվականին մայրն աղջիկների հետ տեղափոխվեց Նյու Յորք։ Այնտեղ Էլիսը սկսել է հաճախել «Bronx High School of Science»։ 15 տարեկան հասակում սկսել է կոկաին օգտագործել։ 1964 թվականին անդամագրվել է «Սև հովազներ» կուսակցությանը։ 1968 թվականին փոխել է իր անունը՝ Աֆենի Շակուր։
1969 թվականի ապրիլի 2-ին Շակուրը և «Հովազների» քսան անդամներ ձերբակալվել են Նյու Յորքում ոստիկանական բաժանմունքներ, հանրախանութներ և այլ հասարակական վայրեր ռմբակոծելու մեղադրանքով։ 1970 թվականի աշնանը Շակուրը գրավի դիմաց ազատ է արձակվել և հղիացել Նյու Ջերսիից բեռնատարի վարորդ Ուիլյամ Գարլանդից։ Դրանից կարճ ժամանակ անց գրավը չեղյալ է հայտարարվել, և նա վերադարձել է բանտ։ 1971 թվականին՝ «Panther 21» անունով հայտնի դատավարության ժամանակ, նրա վրայից հանվել են մեղադրանքները, և նույն տարվա մայիսին Շակուրն ազատ է արձակվել։ 1971 թվականի հունիսի 16-ին ծնվել է Շակուրի որդին՝ Թուփաք Շակուրը։
Երաժշտական արդյունաբերություն և բարեգործություն[խմբագրել | խմբագրել կոդը]
Թուփաքի մահից 1 տարի անց երգչի հետմահու ալբոմներից վաստակած գումարով Աֆենին Ջորջիայում հիմնադրել է «Tupac Amaru Shakur Foundation» հիմնադրամը, որն իրականացնում է գեղարվեստական ծրագրեր երիտասարդների համար, և «Amaru Entertainment» հոլդինգային ընկերությունը, որտեղ պահվում են Թուփաքի բոլոր չհրատարակված նյութերը։ Բացի այդ, նա թողարկել է «Makaveli Branded» հագուստի ցանցը, որից ստացված բոլոր եկամուտները փոխանցվում են «Tupac Amaru Shakur Foundation» բարեգործական հիմնադրամին։
Դատավարություն «Death Row Records»-ի դեմ[խմբագրել | խմբագրել կոդը]
2007 թվականի հունիսի 20-ին Աֆենի Շակուրը դիմել էր դաշնային դատարան՝ պահանջելով արգելել «Death Row Records» ընկերության կողմից Թուփաքի չհրատարակված երգերի վաճառքը[5]։ Դատաքննության ընթացքում Աֆենի Շակուրը «Death Row Records»-ից հետ է վերցրել որդու 150 չհրատարակված երգերը։ Նա ստեղծել է «Amaru Records» լեյբլը, որպեսզի թողարկի Թուփաքի չհրատարակված ձայնագրությունները։
Հանրային ելույթներ[խմբագրել | խմբագրել կոդը]
Բացի բարեգործական գործունեությունից Աֆենի Շաքուրը հանդես է եկել հանրության առջև և դասախոսություններ կարդացել՝ ճամփորդելով ԱՄՆ-ում։ 2007 թվականի փետրվարի 6-ին ելույթ է ունեցել «Vanderbilt’s Commemoration for Black History Month»-ի շրջանակներում (Աֆենի Շակուրի ելույթը 02-06-07)։
Մահ[խմբագրել | խմբագրել կոդը]
Աֆենի Շաքուրը մահացել է 2016 թվականի մայիսի 2-ին Կալիֆոռնիայի Սոսալիտո քաղաքում։
Ժամը 21:30-ին շերիֆի գրասենյակին հայտնել են սրտի հնարավոր կանգի մասին։ Աֆենի Շակուրը տեղափոխվել է տեղի հիվանդանոց, որտեղ մահացել է 22:28[6]։ Նրա մահվան հավանական պատճառը սրտի կաթվածն է[7]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Internet Broadway Database — 2000.
- ↑ 2,0 2,1 2,2 http://www.billboard.com/articles/news/7356714/afeni-shakur-dead-at-69-tupac-mother
- ↑ Afeni Shakur: Evolution of a Revolutionary. — New York, 2004. — С. 5.
- ↑ «Tupac's Mother, Afeni Shakur, Dead at 69»։ Billboard։ Billboard։ Վերցված է 2016-05-03
- ↑ Moscow-Pullman Daily News (Jul 26, 2007) Tupac’s mother tries to stop Death Row sale of unreleased tracks Retrieved 2010 May 17
- ↑ Tupac Shakur's Mother Afeni Shakur Davis Dies at 69: Police : People.com
- ↑ «Tupac's Mom Afeni Shakur -- Dead at 69»։ TMZ (անգլերեն)։ Վերցված է 2020-08-17
| ||||||
