Արմեն Սարգսյան (դիվանագետ)

Անվան այլ կիրառումների համար տե՛ս՝ Արմեն Սուրենի Սարգսյան (այլ կիրառումներ)

Արմեն Սարգսյան
Ծնվել է	մարտի 20, 1958(1958-03-20)
Ծննդավայր	Կիրովական, Հայկական ԽՍՀ, ԽՍՀՄ
Մահացել է	ապրիլի 29, 2022(2022-04-29) (64 տարեկան)
Կրթություն	Երևանի պետական համալսարան (1981)
Մասնագիտություն	դիվանագետ
Աշխատավայր	Հայաստանի պաշտպանության նախարարություն

Արմեն Սուրենի Սարգսյան (մարտի 20, 1958(1958-03-20), Կիրովական, Հայկական ԽՍՀ, ԽՍՀՄ - ապրիլի 29, 2022(2022-04-29)), հայ զինվորական գործիչ, դիվանագետ։

Կրթություն

• 1976-1981 թթ. սովորել և գերազանցությամբ ավարտել է Երևանի պետական համալսարանի արևելագիտության ֆակուլտետը։
• 1995 թ. ավարտել է Ջ. Մարշալի անվան անվտանգության հարցերի հետազոտությունների Եվրոպական կենտրոնի ռազմավարական հետազոտությունների և պաշտպանական տնտեսության քոլեջը (Գերմանիա)։
• 1997 թ. ավարտել է Սենթ Ջոն համալսարանական քոլեջի դասընթացը (Մեծ Բրիտանիա)։
• 2002 թ. մասնակցել է Հարվարդի համալսարանի Ջ. Ֆ. Քենեդու անվան կառավարման դպրոցի սևծովյան անվտանգության ծրագրին։

Աշխատանքային գործունեություն

• 1981-1982 թթ. - ԵՊՀ ռեկտորատի ուսումնական մասի ավագ տեսուչ։
• 1982-1991 թթ. - ծառայել է ՀԽՍՀ Պետանվտանգության կոմիտեի հետախուզական և հակահետախուզական մարմիններում:
• 1991-1994 թթ. - ծառայել է Հայաստանի Հանրապետության Ազգային անվտանգության պետական վարչությունում:
• 1994-1999 թթ. - ծառայել է Հայաստանի պաշտպանության նախարարության արտաքին հարաբերությունների ստորաբաժանումներում որպես բաժնի պետի տեղակալ, բաժնի պետի, վարչության պետի տեղակալ, այնուհետև արտաքին հարաբերությունների և ռազմական համագործակցության վարչության պետ։
• 1999-2002 թթ. - Չինաստանի Ժողովրդական Հանրապետությունում Հայաստանի ռազմական կցորդ։
• 2002-2008 թթ. - ԱՄՆ-ում Հայաստանի Հանրապետության պաշտպանության հարցերով կցորդ, ռազմական, ռազմածովային և ռազմաօդային կցորդ։
• 2008 թ. սեպտեմբերի 12-ից 2016 թ. փետրվարի 10-ը Չինաստանի Ժողովրդական Հանրապետությունում Հայաստանի Հանրապետության արտակարգ և լիազոր դեսպան։
• 2009 թ. սեպտեմբերի 3-ից 2014 թ. հունվարի 21- համատեղության կարգով ծառայել է, որպես Կորեայի Հանրապետությունում Հայաստանի Հանրապետության արտակարգ և լիազոր դեսպան։
• 2009 թ. սեպտեմբերի 3-ից 2013 թ. հուլիսի 16-ը համատեղության կարգով ծառայել է, որպես Վիետնամի Սոցիալիստական Հանրապետությունում Հայաստանի Հանրապետության արտակարգ և լիազոր դեսպան։
• 2010 թ. ապրիլի 3-ից 2016 թ. փետրվարի 10-ը համատեղության կարգով ծառայել է, որպես Սինգապուրի Հանրապետությունում Հայաստանի Հանրապետության արտակարգ և լիազոր դեսպան։
• 2013 թ. դեկտեմբերի 26-ից 2016 թ. փետրվարի 10-ը համատեղության կարգով ծառայել է, որպես Մոնղոլիայում Հայաստանի Հանրապետության արտակարգ և լիազոր դեսպան։
• 2016 թ. մարտի 14-ին նշանակվել է Բուլղարիայի Հանրապետությունում Հայաստանի Հանրապետության արտակարգ և լիազոր դեսպան։

Պարգևներ և կոչումներ

• Հայաստանի Հանրապետության արտակարգ և լիազոր դեսպան (2010)։
• Պարգևատրվել է ԽՍՀՄ Պետանվտանգության մարմինների, ՀՀ ՊՆ և ՉԺՀ ՊՆ գերատեսչական մեդալներով։
• 1986թ. պարգևատրվել է շնորհակալագրով Խորհրդային Միության Պետանվտանգության կոմիտեի նախագահի կողմից։
• Բուլղարիայի Հանրապետության Նախագահ Ռումեն Ռադևի հրամանագրով պարգևատրվել է «Մադարսկի կոննիկ» 1-ին կարգի շքանշանով՝ «երկկողմ հարաբերությունների ամրապնդման և զարգացման գործում ներդրման համար»։

Ընտանիք

Ամուսնացած է, ունի մեկ որդի և երկու դուստր, 6 թոռ։ Արմեն Սարգսյանը Հայաստանի նախկին վարչապետ Տիգրան Սարգսյանի ավագ եղբայրն է, քաղաքագետ Սուրեն Սարգսյանի հայրը։

Նախորդող Արսեն Սհոյան

Բուլղարիայի Հանրապետությունում ՀՀ արտակարգ և լիազոր դեսպան Արմեն Սարգսյան 14 մարտի 2016 -

Հաջորդող ներկայումս պաշտոնավարում է

Նախորդող Վահագն Մովսիսյան

Չինաստանում Հայաստանի Հանրապետության արտակարգ և լիազոր դեսպան 12 սեպտեմբերի 2008 թ. - 10 փետրվարի 2016

Հաջորդող Սերգեյ Մանասարյան

Նախորդող -

Վիետնամում Հայաստանի Հանրապետության արտակարգ և լիազոր դեսպան Արմեն Սարգսյան 3 սեպտեմբերի 2009 թ. - 16 հուլիսի 2013 թ.

Հաջորդող Ռաիսա Վարդանյան

Նախորդող -

Կորեայի Հանրապետությունում Հայաստանի Հանրապետության արտակարգ և լիազոր դեսպան Արմեն Սարգսյան 3 սեպտեմբերի 2009 թ. - 21 հունվարի 2014 թ.

Հաջորդող Հրանտ Պողոսյան