Արմեն Նազարյան (ըմբշամարտիկ)

^{Վերտողային տեքստ}

Անվան այլ կիրառումների համար տե՛ս՝ Արմեն Նազարյան (այլ կիրառումներ)

Վիքիպեդիայում կան հոդվածներ Նազարյան ազգանունով այլ մարդկանց մասին։

Արմեն Նազարյան
Ծնվել է	մարտի 9, 1974 (52 տարեկան)
Ծննդավայր	Մասիս, Հայկական ԽՍՀ, ԽՍՀՄ
Քաղաքացիություն	Հայաստան Բուլղարիա
Ազգություն	հայ
Կրոն	քրիստոնյա
Մասնագիտություն	ըմբիշ
Աշխատանք	հունահռոմեական ըմբիշ
Պարգևներ և մրցանակներ	Ոսկե և արծաթե մեդալներ
Երեխաներ	Էդմոնդ Նազարյան
Armen Nazaryan Վիքիպահեստում

Արմեն Լյուդվիգի Նազարյան (մարտի 9, 1974(1974-03-09), Մասիս, Հայկական ԽՍՀ, ԽՍՀՄ), հայ նախկին հունահռոմեական ոճի ըմբշամարտիկ, Եվրոպայի վեցակի (1994, 1995, 1998, 1999, 2002, 2003 թթ.), աշխարհի եռակի (2002, 2003, 2005 թթ.) և օլիմպիական խաղերի կրկնակի (1996, 2000 թթ.) չեմպիոն, սպորտի վաստակավոր վարպետ, ՖԻԼԱ-ի փառքի սրահի անդամ։

Համարվում է անկախ Հայաստանի առաջին օլիմպիական ոսկե մեդալակիրը, ով 1996 թ. Ատլանտայի ամառային օլիմպիական խաղերում ներկայացնելով Հայաստանը, նվաճում է ոսկե մեդալ՝ հունահռոմեական ըմբշամարտի տղամարդկանց մինչև 52 կգ քաշային կարգում։

Դրանից հետո Նազարյանը տեղափոխվում է Բուլղարիա և այնտեղ 1997 թ. ստանում քաղաքացիություն։ Հանդես գալով Բուլղարիայի դրոշի ներքո, Նազարյանը կարողանում է կրկին օլիմպիական ոսկե մեդալակիր դառնալ Սիդնեյի 2000 թ. օլիմպիական խաղերում։

Ունի նաև մեկ օլիմպիական բրոնզե մեդալ (Աթենք 2004 թ.)։

Ըմբշամարտի միջազգային ֆեդերացիան՝ ՖԻԼԱ-ն, Արմեն Նազարյանին երկու անգամ (1996 և 2003 թվականներին) հռչակել է «Տարվա լավագույն ըմբիշ»։

2015 թ. սեպտեմբերի 24-ին Հայաստանի Նախագահի հրամանագրով պարգևատրվել է Երախտագիտության մեդալով։

Պատկերասրահ

• 
  Հայփոստի 2012 թվականի նամականիշի վրա
• 
  Ֆուտբոլիստ, մարզիչ Հարություն Հովհաննեսյանի հետ
• 

Արտաքին հղումներ

• ՖԻԼԱ-ի փառքի սրահի էջը Արխիվացված 2009-04-13 Wayback Machine
• Պաշտոնական կայք

Վիքիպահեստն ունի նյութեր, որոնք վերաբերում են «Արմեն Նազարյան (ըմբշամարտիկ)» հոդվածին։