Արմեն Հյուսնունց

Վիքիպեդիայից՝ ազատ հանրագիտարանից
Jump to navigation Jump to search
Արմեն Հյուսնունց
Vahagn Hayrapetyan at Folk arts center.JPG
Հիմնական տվյալներ
Ծնվել էդեկտեմբերի 28, 1966 (53 տարեկան)
{{{2}}} Հայաստան, Երևան
Երևան, Հայկական ԽՍՀ, ԽՍՀՄ
ԵրկիրFlag of the Soviet Union.svg ԽՍՀՄ և Flag of Armenia.svg Հայաստան
ԺանրերՋազ Դասական
Մասնագիտությունդիրիժոր, սաքսոֆոնահար, կոմպոզիտոր, ջազ երաժիշտ, երգիչ և music arranger
Գործիքներսաքսոֆոն, Ֆլեյտա և դաշնամուր
Գործունեություն1982-ից
ԿրթությունԵրևանի Կոմիտասի անվան պետական կոնսերվատորիա
ԿապվածՀայաստանի պետական ջազ նվագախումբ, Վահագն Հայրապետյան, Վարդան Օվսեփյան, Արտասաքս սաքսոֆոնային քառյակ, Armenian Navy Band, Time Report
ՊարգևներՀայաստանի արվեստի վաստակավոր գործիչ
Կայքtimereportband.com

Արմեն Լեոնիդի Հյուսնունց (դեկտեմբերի 28, 1966(1966-12-28), Երևան, Հայկական ԽՍՀ, ԽՍՀՄ), հայ ջազային երաժիշտ, սաքսոֆոնահար, գործիքավորող, կոմպոզիտոր, մանկավարժ: 2010 թվականից Հայաստանի պետական ջազ-նվագախմբի գեղարվեստական ղեկավարն է[1]: 2011 թ. արժանացել է ՀՀ արվեստի վաստակավոր գործչի կոչմանը[2]:

Կենսագրություն[խմբագրել | խմբագրել կոդը]

Արմեն Հյուսնունցը ծնվել է 1966 թվականի դեկտեմբերի 28-ին Երևանում։ Ավարտել է Սայաթ-Նովայի անվան երաժշտական դպրոցի դաշնամուրի և այնուհետև սաքսոֆոնի բաժինները և 1984 թ.-ին ընդունվել Երևանի պետական կոնսերվատորիայի սաքսոֆոնի դասարան։ 1985-1987 թթ. ծառայել է խորհրդային բանակում, որտեղ նվագել է Մոսկվայի Պատվոպահակախմբի զինվորական նվագախմբում։ Ծառայության ավարտից հետո, 1987 թվականին սկսել է դասավանդել Երևանի թիվ 17 երաժշտական դպրոցում։ 1988 թվականին միացել է Արտաշես Քարտալյանի ջազ-տրիոյին՝ վերածվելով ջազ-քառյակի, իսկ 1988-1989 թվականներին նվագել է Հայաստանի պետական ջազ-նվագախմբում՝ Կոնստանտին Օրբելյանի ղեկավարությամբ։ 1991-1993 թվականներին նվագել է Հայաստանի պետական հեռուստառադիոյի էստրադային սիմֆոնիկ նվագախմբում որպես սաքսոֆոնահար։ 1992-2004 թվականներին Հյուսնունցը համագործակցում է Հայաստանի Պետական Ֆիլհարմոնիկ Նվագախմբի հետ, որպես հրավիրյալ սաքսոֆոնահար։ 1996 թ. Խաչիկ Սահակյանի հետ համատեղ ձայնագրում է «Երգեր առանց խոսքերի» գործիքային ալբոմը, որից հետո երաժիշտները հիմնում են էթնո-ջազային «Time Report» խումբը, որը մեծ ճանաչում է ստանում։ 1997-2005 աշխատել է վերաբացված Հայաստանի պետական ջազ-նվագախմբում որպես սաքսոֆոնահար, մենակատար և երաժշտական ղեկավար։ 1998 թ. Արտո Թունջբոյաջյանի հրավերով միանում է նորաստեղծ «Armenian Navy Band» խմբին, որի կազմով մասնակցում է բազում հյուրախաղերի և ձայնագրությունների։ 2000 թվականին հիմնադրում է «ArtaSax» սաքսոֆոնային քառյակը[3]: 2000-2006 թվականներին Արմեն Հյուսնունցը դասավանդել է Երևանի էստրադայինև ջազային քոլեջում[4], 2000-2004 թվականներին՝ Երևանի Կոմիտասի անվան պետական կոնսերվատորիայում[5]։ Արմեն Հյուսնունցը մասնակցել է բազում միջազգային փառատոների, համերգներով հանդես է եկել Եվրոպայում, ԱՄՆ-ում, Ճապոնիայում, Մերձավոր Արևելքում։ Համագործակցել է հայտնի երաժիշտների հետ, որոնցից են՝ Ռիչարդ Բոնա, Ադրիան Ֆերոու, Արմեն Դոնելյան, Վարդան Օվսեփյան, Արտյոմ Մանուկյան, Ջո Զավինուլը, Եվգենի Լեբեդև և LRK տրիո, Լարս Դանիելսոն, Authentic light orchestra և այլն։ 2010 թվականին ստանձնել է Հայաստանի պետական ջազ-նվագախմբի գեղարվեստական ղեկավարի պաշտոնը[6]: Արմեն Հյուսնունցը, որպես կատարող երաժիշտ հանդես է գալիս նաև փոքր կազմերով՝ "Շարակ"[7], "ԱՎԱ" տրիո[8], "KAVKAZ" ջազ քառյակ[9], "ArtaSax"[10] քառյակ։

Սկավառակագրություն[խմբագրել | խմբագրել կոդը]

Արմեն Հյուսնունց և Խաչիկ Սահակյան[խմբագրել | խմբագրել կոդը]

  • 1996 - «Երգեր առանց խոսքերի»
  • 1998 - «Երգեր առանց խոսքերի-2»

Time Report[խմբագրել | խմբագրել կոդը]

Armenian Navy Band[խմբագրել | խմբագրել կոդը]

  • 1999 - «Bzdik Zinvor»
  • 2001 - «New Apricot»
  • 2004 - «Natural Seeds»
  • 2006 - «Vorqann e qone»
  • 2009 - «Under Your Thoughts»

Հայաստանի պետական ջազ նվագախումբ[խմբագրել | խմբագրել կոդը]

  • 2002 - Հայաստանի պետական ջազ նվագախումբ

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]