Արմենակ Վարդանյան (մանկավարժ)
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Անվան այլ կիրառումների համար տե՛ս՝ Արմենակ Վարդանյան (այլ կիրառումներ)
| Արմենակ Վարդանյան | |
|---|---|
| Ծնվել է | 1922 |
| Ծննդավայր | Լիճք, Նոր Բայազետի գավառ |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Պարգևներ և մրցանակներ |    և  |
Արմենակ Գեղամի Վարդանյան (1922, Լիճք, Նոր Բայազետի գավառ), հայ մանկավարժ։ Հայրենական մեծ պատերազմի մասնակից։ ԽՄԿԿ անդամ (1943):
Կենսագրություն[խմբագրել | խմբագրել կոդը]
Արմենակ Վարդանյանը ծնվել է 1922 թվականին, Մարտունու շրջանի Լիճք գյուղում։ 1940-1941 թվականներին ավարտել է ծննդավայրի՝ Լիճք գյուղի միջնակարգ դպրոցը։ Դպրոցն ավարտելուց հետո ընդունվել է Երևանի պետական մանկավարժական ինստիտուտի ֆիզիկամաթեմատիկական ֆակուլտետ[1]։
1941 թվականի դեկտեմբերին զորակոչվել է կարմիր բանակ։ Երևանում կազմավորվել է 89-րդ հայկական հրաձգային դիվիզիան և Արմենակն ավարտել է 526-րդ գնդի դպրոցը, նշանակվել հակատանկային ջոկի հրամանատար։ Փառաբանված դիվիզիայի մարտական ուղին սկսվել է Կովկասից և հասել Բեռլին։ 1943 թվականի սեպտեմբերին Դոլգայա լեռը գրոհելու նախօրյակին Արամայիսը ընդունվել է կոմունիստական կուսակցության շարքերը։ Ցուցաբերած քաջության համար արժանացել է Կարմիր աստղի, Փառքի 2-րդ և 3-րդ աստիճանի շքանշանների, «Խիզախության համար», «Մարտական ծառայությունների համար» մեդալների[1]։
1946 թվականին զորացրվելով բանակից, Վարդանյանը աշխատանքի է անցել Լիճքի դպրոցում որպես ռազմագիտության և ֆիզկուլտուրայի ուսուցիչ։ Այնուհետև ավարտել է Երևանի հեռակա մանկավարժական ինստիտուտի աշխարհագրության ֆակուլտետը։ 1974 թվականից վարել է դպրոցի արտադասարանական-արտադպրոցական դաստիարակչական աշխատանքների կազմարկերպչի պաշտոնը[1]։
Պարգևներ[խմբագրել | խմբագրել կոդը]
- Կարմիր աստղի շքանշան
- Փառքի 2-րդ աստիճանի շքանշան
- Փառքի 3-րդ աստիճանի շքանշան
- «Խիզախության համար» մեդալ
- «Մարտական ծառայությունների համար» մեդալ