Արման (լուսանկարիչ)

Արման;
Ծնվել է	օգոստոս 1901
Ծննդավայր	Կարին, Էրզրումի վիլայեթ, Օսմանյան կայսրություն
Մահացել է	1963
Մահվան վայր	Կահիրե, Եգիպտոս
Քաղաքացիություն	Օսմանյան կայսրություն և Եգիպտոս
Մասնագիտություն	լուսանկարիչ
	Armand (photographer) Վիքիպահեստում

Արմենակ Արծրունի (հայտնի է Արման կեղծանունով, օգոստոս 1901, Կարին, Էրզրումի վիլայեթ, Օսմանյան կայսրություն - 1963^[1]^[2], Կահիրե, Եգիպտոս), եգիպտահայ նշանավոր լուսանկարիչ։ Մասնագիտացել է դիմանկարային լուսանկարչության մեջ՝ շահեկան դիրք զբաղեցնելով շուկայում։ Նա հանրաճանաչ է դարձել եգիպտական բարձր խավի շրջանում և Եգիպտոսում առաջին լուսանկարիչն էր, ով օգտագործել է լուսանկարչական հովանոցներ։

Կենսագրություն[խմբագրել | խմբագրել կոդը]

Արմենակ Արծրունին ծնվել է 1901 թվականի օգոստոսին Էրզրումում, որն այն ժամանակ Օսմանյան կայսրության մաս էր։ Նա հոր հետ եկել է Ալեքսանդրիա (Եգիպտոս) 1907 թվականին։ Դպրոցում նա նկարելու կիրք ուներ։ Նա սկսել է աշխատել Ալեքսանդրիայում բնակվող լուսանկարիչ Նադիրի մոտ որպես աշակերտ^[3]։

1925 թվականին գնացել է Կահիրե՝ որպես ավստրիացի հրեա լուսանկարիչ և հայտնի դիմանկարիչ Զոլայի օգնական՝ նրա Արդ էլ-Շերիֆի Միդան Մուստաֆա Քամել փողոցում գտնվող արվեստանոցում։ Զոլան Արծրունուն ուղարկել է Ավստրիա՝ սովորելու սև-սպիտակ լուսանկարների գունավորման, ինչպես նաև աերոգրաֆի (օդային վրձնի), ածխի և կավճի օգտագործման տեխնիկան^[3]։

1930 թվականին, Զոլայի մահից հետո, Արծրունին Միդան Մուստաֆա Քամելում բացել է իր սեփական ստուդիան՝ Armand Studio անունով։ Հայրը նրա համար պատրաստել է մի հսկա խոշորացուցիչ, որն ի վիճակի էր մեծ չափսերով նեգատիվների հետ աշխատել։ 1950-ականների կեսերին նրա առաջին ստուդիան ոչնչացման սպառնալիքի տակ էր, ուստի նա երկրորդ ստուդիան է բացել 1956 թվականին Թալեաթ Հարբ փողոցում^[3]։

Արմանը մասնագիտացել է դիմանկարային լուսանկարչության մեջ և լուսանկարել է քաղաքական գործիչների, կինոաստղերի, կաբարեի հայտնի պարողների, ինչպես նաև՝ թագավորական ընտանիքի անդամներին։ 1952 թվականի հեղափոխությունը չի խանգարել նրա կարիերային, և նա շարունակել է լուսանկարել հայտնի մարդկանց, մասնավորապես՝ Գամալ Աբդել Նասերին և Եգիպտոս այցելող օտարերկրյա պետությունների ղեկավարներին^[3]։

Արմանը հատկապես հայտնի էր հարսանեկան լուսանկարների մշակված կարգավորումներով։ Նա նաև երբեմն հյուրանոցների և հանրախանութների լուսանկարների պատվերներ էր ստանում^[3]։

Նրա որդին՝ Արմանը, աշխատել է որպես նրա օգնական դեռևս 1960 թվականին, իսկ ստուդիան ստանձնել է հոր մահից հետո՝ 1963 թվականին։ Նա իր լուսանկարները ստորագրում է այնպես, ինչպես հայրը^[3]։

Պատկերասրահ[խմբագրել | խմբագրել կոդը]

Նարիման թագուհին, 1951 թ.
Արքայադուստր Ֆաիզա Ռաուֆը, 1940-ական թթ.
Դերասանուհի և պորտապարուհի Սամիա Ջամալը, 1950-ական թթ.
Երգչուհի Լեյլա Մուրադը, 1950-ական թթ.
Անանուն կին, 1940-ական թթ.
Անանուն կին, 1950-ական թթ.

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 RKDartists (նիդերլ.)
↑ ^2,0 ^2,1 ^2,2 Photographers’ Identities Catalog
↑ ^3,0 ^3,1 ^3,2 ^3,3 ^3,4 ^3,5 «ACAM - Livres arméniens - ZAATARI, Akram». www.acam-france.org. Վերցված է 2022 թ․ հունիսի 30-ին.

Արտաքին հղումներ[խմբագրել | խմբագրել կոդը]

Zaatari, Akram (1999). Portraits du Caire: Van Leo, Armand, Alban [Portraits of Cairo: Van Leo, Armand, Alban]. Fondation Arabe pour l'Image (French). Arles: Actes Sud. ISBN 978-2-7427-2252-5. OCLC 41529732.{{cite book}}: CS1 սպաս․ չճանաչված լեզու (link)
- «Akram ZAATARI (n. 1966)». Association Culturelle Arménienne de Marne-la-Vallée (France) (ֆրանսերեն).
Արմենակ Արծրունի

Վիքիպահեստն ունի նյութեր, որոնք վերաբերում են «Արման (լուսանկարիչ)» հոդվածին։

[_4e6d6b14016d4925-1] 1,0 ^1,1 ^1,2 RKDartists (նիդերլ.)

[_88362daf7280ca19-2] 2,0 ^2,1 ^2,2 Photographers’ Identities Catalog

[:0-3] 3,0 ^3,1 ^3,2 ^3,3 ^3,4 ^3,5 «ACAM - Livres arméniens - ZAATARI, Akram». www.acam-france.org. Վերցված է 2022 թ․ հունիսի 30-ին.

[1]

[2]

[3]