Արա Նազարյան

Արա Սուրենի Նազարյան;
Ծնվել է	ապրիլի 29, 1965 (58 տարեկան)
Ծննդավայր	Երևան
Քաղաքացիություն	Հայաստան
Կրթություն	ԵՊՀ իրավաբանական ֆակուլտետ
Մասնագիտություն	իրավաբան
Ծնողներ	հայր՝ Սուրեն Նազարյան
Պարգևներ և ; մրցանակներ	և

Արա Սուրենի Նազարյան (ապրիլի 29, 1965(1965-04-29), Երևան, Հայկական ԽՍՀ, ԽՍՀՄ), ՀՀ պետական և ռազմական գործիչ, ՀՀ պաշտպանության նախարարի տեղակալ (2007-2017), ՀՀ արտակարգ իրավիճակների նախարարի տեղակալ (2017)։

ՀՀ ժողովրդական նկարիչ, քանդակագործ Սուրեն Նազարյանի որդին է, քանդակագործ Արշակ Նազարյանի եղբայրը։

Կենսագրություն[խմբագրել | խմբագրել կոդը]

1987-1993 թթ. սովորել է Երևանի պետական համալսարանի իրավաբանական ֆակուլտետում, 1998-1999 թթ.՝ Հայաստանի Ամերիկյան համալսարանում` ստանալով իրավունքի մագիստրոսի կոչում։ 1983-1985 թթ. ծառայել է ԽՍՀՄ զինված ուժերում^[1]։

Աշխատանքային գործունեություն[խմբագրել | խմբագրել կոդը]

1994 թվականին աշխատել է ՀՀ պաշտպանության նախարարության ռազմական ոստիկանության վարչության քննչական բաժնում
1995 թվականին ՀՀ զինվորական դատախազության համակարգում` որպես քննիչ
1996 թվականին աշխատել է Երևանի Սպանդարյանի տարածքային հարկային տեսչությունում՝ որպես իրավաբան
1998-2000 թթ. աշխատել է Շրջակա Միջավայրի Իրավական Պահպանության Հասարակական Կենտրոնում (Ամերիկայի Իրավաբանների Միության ծրագիր)` որպես իրավաբան
2002 թվականին աշխատել է ՀՀ քաղաքացիական ծառայության խորհրդի աշխատակազմի իրավաբանական վարչությունում` որպես գլխավոր մասնագետ, այնուհետև՝ ՀՀ քաղաքացիական ծառայության խորհրդի նախագահի խորհրդական
2003 թվականին ՀՀ նախագահի հրամանագրով նշանակվել է ՀՀ քաղաքացիական ծառայության խորհրդի անդամ՝ վեց տարի ժամկետով
2007 թվականին ՀՀ նախագահի հրամանագրով նշանակվել է ՀՀ պաշտպանության նախարարի տեղակալ
2017 թվականի օգոստոսի 29-ին ՀՀ նախագահի հրամանագրով ազատվել է ՀՀ պաշտպանության նախարարի տեղակալի պաշտոնից^[2] և ՀՀ վարչապետի որոշմամբ նշանակել Հայաստանի Հանրապետության արտակարգ իրավիճակների նախարարի տեղակալ^[3]^[4]