Ապրիլյան սեր (նկար)

Ապրիլյան սեր;
տեսակ	գեղանկար
նկարիչ	Արթուր Հյուզ
տարի	1850
բարձրություն	88,9 սանտիմետր
լայնություն	49,5 սանտիմետր
ուղղություն	Պրեռաֆայելիտներ
ժանր	կենցաղային ժանր
նյութ	յուղաներկ և կտավ
գտնվում է	Թեյթ Բրիտանիա
հավաքածու	Թեյթ և Լոնդոնի ազգային պատկերասրահ
	պատկերված են
	կայք
	Ծանոթագրություններ;

«Ապրիլյան սեր» (անգլ.՝ April Love), անգլիացի նկարիչ, պրեռաֆայելիտների դպրոցի կարկառուն ներկայացուցիչ Արթուր Հյուզի վրձնին պատկանող նկար։ Կտավը ստեղծվել է 1855-ից 1856 թվականներին։ Յուղաներկով արված կտավի չափերն են՝ 89×49.5 սմ։ Այսօր «Ապրիլյան սեր» ստեղծագործությունը պահպանվում և ցուցադրվում է Թեյթ բրիտանական պատկերասրահում։

Պատմություն[խմբագրել | խմբագրել կոդը]

Արթուր Հյուզը «Ապրիլյան սեր» ստեղծագործությունը նկարել է 1855-ից 1856 թվականների միջև ընկած ժամանակահատվածում։ Ավերտելուց հետո առաջին անգամ ցուցադրության է ներկայացվել 1856 թվականին Լոնդոնի Գեղարվեստի թագավորական ակադեմիայում։

«Ապրիլյան սեր» կտավում նկարված է երիտասարդ զույգ։ Նկարիչը կտավին է հանձնել նրանց էմոցիոնալ ճգնաժամի պահին։ Տղամարդու ֆիգուրը հազիվ է երևում նկարում։ Վերջինիս գլուխը երևում է աղջկա ձախ ձեռքի մոտ։ Աղջիկն ակնդետ նայում է հատակին թափված ծաղիկների թերթիկներին, որը խորհրդանշում է գարնան ավարտն ու վաղանցիկ սերը։ Արթուր Հյուզը կնոջ կերպարի համար որպես բնորդուհի է ընտրել Թրիֆեն Ֆորդին (Tryphena Ford): Ի դեպ, հենց նրա հետ էլ նկարի հեղինակն ամուսնացավ 1855 թվականին^[2]։

Առաջին ցուցադրության ժամանակ Հյուզը նկարը ներկայացրեց Ալֆրեդ Թեննիսոնի «Ջրաղացպանի աղջիկը»^[3] բանաստեղծության տողերի ուղեկցությամբ.

Love is hurt with jar and fret,
Love is made a vague regret,
Eyes with idle tears are set,
Idle habit links us yet;
What is Love? For we forget.
Ah no, no.

Միացյալ Թագավորության մայրաքաղաքում տեղակայված Թեյթ պատկերասրահը գնեց «Ապրիլյան սեր» ստեղծագործությունը 1909 թվականին։ Ցայօր էլ այս ստեղծագործությունը պահպանվում և ցուցադրվում է այդտեղ։ Նկարի առաջին սեփականատերը եղել է Ուիլյամ Մորիսը^[4]։