Ապաֆի Միքայել Բ

Ապաֆի Միքայել Բ; հունգ.՝ Apafi Mihály
Ծնվել է	հոկտեմբերի 13, 1676 կամ 1677
Ծննդավայր	Ալբա Յուլիա, Տրանսիլվանիա իշխանություն
Մահացել է	փետրվարի 1, 1713 կամ փետրվարի 11, 1713
Մահվան վայր	Վիեննա, Հաբսբուրգի միապետություն
Գերեզման	fortified Lutheran church of Mălâncrav
Քաղաքացիություն	Տրանսիլվանիա իշխանություն
Մասնագիտություն	քաղաքական գործիչ
Ամուսին	Katalin Bethlen?
Ծնողներ	հայր՝ Ապաֆի Միքայել Ա, մայր՝ Աննա Բորնեմիսցա
Զբաղեցրած պաշտոններ	Prince of Transylvania?
	Michael II Apafi Վիքիպահեստում

Ապաֆի Միքայել Բ (անգլ.՝ Apaffi Mihaly II), Տրանսիլվանիայի իշխան (1690—1713)։ Հոր՝ Ապաֆի Միքայել Ա-ի մահից հետո ուներ լոկ անվանական իշխանություն։ Վիեննայի արքունիքից նրա կախումը ուժեղացել է հատկապես 1699 թվականին, Կարլովիցի պայմանագիրից հետո։ Ապաֆի Միքայել շարունակել է հայերի նկատմամբ իր հոր քաղաքականությունը։ 1696 թվականի փետրվար 7-ի հրամանագրով Բաշդբալով գյուղում (տես Եղիսաբեթուպոլիս) հաստատված հայերին թույլատրել է ընտրել իրենց դատավորին, պահպանել իրենց դավանանքը, ազատ առևտուր անել։ Հայերն իրավունք ունեին հարկ եղած դեպքում ուղղակի դիմել իշխանին։ 1700 թվականի հուլիսի 26-ին Ապաֆի Միքայելի կինը՝ Կատարինե Բետլեն իշխանուհին, իր պաշտոնյաներին կարգադրել է, նկատի ունենալով հայերի ծառայություններրը, նրանց չնեղել և տոնավաճառների ժամանակ թույլ տալ առևտուր անել ցանկացած տեղում։ 1712 թվականին Տրանսիլվանիայի հայ կաթոլիկ առաջնորդ Օքսենտ Վրզարյան վարդապետը ցանկացել է Բաշդբալովի հայերին տեղափոխել իր հիմնած Գեռլա քաղաքը, որտեղ նրանք պետք է կաթոլիկություն ընդունեին։ Հայերը դիմել են այն ժամանակ Վիեննայում գտնվող Ապաֆի Միքայելին, որը Լեոպոլդ կայսրից խնդրել է թույլ տալ հայերին չտեղաշարժել։ Կայսրը 1712 թվականի նոյեմբերի 25-ի իր գրությամբ հարգել է այդ խնդրանքը։ Ապաֆի Միքայելի հովանավորությունը նպաստել է, որ հայերը կառուցեն Եղիսաբեթուպոլիս քաղաքը, որտեղ և պահպանել են իրենց դավանանքը մինչև 1731 թվական։

Ծանոթագրություններ

↑ ^1,0 ^1,1 ^1,2 ^1,3 Апафи, Михаил II (ռուս.) // Энциклопедический словарь / под ред. И. Е. Андреевский — СПб.: Брокгауз — Ефрон, 1890. — Т. Iа. — С. 886.
↑ Апафи (ռուս.) // Энциклопедический лексикон — СПб.: 1835. — Т. 2. — С. 400.

Վիքիպահեստն ունի նյութեր, որոնք վերաբերում են «Ապաֆի Միքայել Բ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 508)։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

[_bc22070ed7aaf253-1] 1,0 ^1,1 ^1,2 ^1,3 Апафи, Михаил II (ռուս.) // Энциклопедический словарь / под ред. И. Е. Андреевский — СПб.: Брокгауз — Ефрон, 1890. — Т. Iа. — С. 886.

[_750ac7bf6e69fca9-2] Апафи (ռուս.) // Энциклопедический лексикон — СПб.: 1835. — Т. 2. — С. 400.

[1]

[2]