Աշխարհի մշակույթների քարտեզը (գիրք)
Աշխարհի մշակույթների քարտեզը | |
|---|---|
.jpg) | |
| Հեղինակ | Էրին Մեյեր |
| Տեսակ | գրական ստեղծագործություն |
| Ժանր | վերլուծություն և գիտահանրամատչելի գրականություն |
| Բնօրինակ լեզու | անգլերեն |
| Հրատարակման տարեթիվ | 2014 |
«Աշխարհի մշակույթների քարտեզը» ամերիկացի գրող, «INSEAD» բիզնես դպրոցի պրոֆեսոր Էրին Մեյերի գիտահանրամատչելի գիրքը։ Հեղինակն այն գրել է 2014 թվականին։ 2023 թվականին Դավիթ Սարգսյանի թարգմանությամբ գիրքը «Newmag հրատարակչությունում» հրատարակվել է հայերեն[1]։
Բովանդակություն[խմբագրել | խմբագրել կոդը]
Գրքում հեղինակը վերլուծում է, թե ինչպես են ազգային մշակութային տարբերությունները ազդում բիզնեսի վրա։ Գրքում խոսվում է, որ ամերիկացիները նախ գովում են, հետո հայտնում բացասական կարծիք, ֆրանսիացիները, նիդերլանդացիները, իսրայելցիներն ու գերմանացիներն իսկույն ասում են իրենց մտածածը, սկանդինավցիները կարծում են, որ ամենալավ ղեկավարն իրեն պաահում է շարքային աշխատողի նման։ Եվ երբ նրանք փորձում են իրար հետ աշխատել, կարող է ստեղծվել քաոս։
Գրքում զետեղված են պատմություններ իրական կյանքից, անեկդոտներ տարբեր երկրներից, համաշխարհային թիմային աշխատանքի և միջազգային համագործակցության մասին անհրաժեշտ դասեր։
Հեղինակը գրքում իր վերլուծությունները համադրում է իր կիրառական խորհուրդների հետ և ներկայացնում մշակութային տարբերությունների բացասական ազդեցությունն ապակոդավորող բանաձև[2]։
Գիրքը թարգմանվել է կորեերեն, ճապոներեն, չինարեն, ինդոնեզերեն, թուրքերեն, ռուսերեն հոլանդերեն, իսպաներեն, գերմաներեն, ֆրանսերեն, իտալերեն և այլ լեզուներով[3]։