Անուշավան Տեր-Ղևոնդյանի անվան երաժշտական դպրոց

Անուշավան Տեր-Ղևոնդյանի անվան երաժշտական դպրոց;
Տեսակ	երաժշտական դպրոց
Հիմնադրված է	1958
Անվանված է	Անուշավան Տեր-Ղևոնդյան
Երկիր	Հայաստան
Տեղագրություն	Երևան
Հասցե	Երևան, Զ. Սարկավագի 48

Անուշավան Տեր-Ղևոնդյանի անվան երաժշտական դպրոց, կրթադաստիարակչական ուսումնական հաստատություն Երևանի Քանաքեռ-Զեյթուն վարչական շրջանում։

Պատմություն[խմբագրել | խմբագրել կոդը]

Դպրոցը հիմնադրվել է 1958 թվականին Ամալյա Ազնավուրովա-Հունանյանի և Թորոս Լավչյանի նախաձեռնությամբ։ Դպրոցը գործել է որպես թիվ 6 երաժշտական դպրոց, այնուհետև անվանակոչվել է կոմպոզիտոր, խմբավար և մանկավարժ Անուշավան Տեր-Ղևոնդյանի անվամբ։ Դպրոցի հիմնադիր տնօրեն Լավչյանն իր շուրջն է համախմբել պրոֆեսիոնալների (Ամալյա Ազնաուրովա-Հունանյան, Հակոբ Սանդալջյան, Հակոբ Հակոբյան, Արքուհի Հարությունյան, Լևոն Աբրահամյան, Էմին Արիստակեսյան, Հրանտ Գևորգյան, Վիլեն Չարչօղլյան, Վիլլի Սարգսյան, Ջուլիետա Աղաբեկովա, Ջիվան Միքայելյան, Ինգա Մելիք-Մինասովա, Լիլիա Պետրոսյան և այլք)` դպրոցում ստեղծելով աշակերտական փողային նվագախումբ, երգչախումբ, ուսուցիչներից կազմված կամերային նվագախումբ, լարային քառյակ։

Դպրոցում իրականացվում է հնգամյա (7-12 տարեկանից), յոթամյա (7-9 տարեկանից), գեղզարգացման (առանց տարիքային սահմանափակման) և նախապատրաստական դասարանների ուսուցում։

2015 թվականին երաժշտական դպրոցի երեխաների երգչախումբը մասնակցել է Վիեննայի «Հայաստան» կենտրոնում տեղի ունեցած համերգին, որի ընթացքում երգչախումբն ու դպրոցի մենակատար-սաները կատարել են Կոմիտասի, Սայաթ-Նովայի, Արամ Խաչատրյանի, Առնո Բաբաջանյանի, Հարությունյանի, Ստեփան Շաքարյանի և Շուբերտի ստեղծագործությունները^[1]։

Բաժիններ[խմբագրել | խմբագրել կոդը]

Երաժշտական դպրոցում գործում են հետևյալ բաժինները՝

Դաշնամուրային
Լարային նվագարաններ (ջութակ, ալտ, թավջութակ)
Փողային նվագարաններ (ֆլեյտա, հոբոյ, կլարնետ, ֆագոտ, շեփոր, գալարափող, տրոմբոն, տուբա)
Հարվածային գործիքներ
Ազգային նվագարաններ (քանոն, շվի, դուդուկ, սանթուր, ակորդեոն, քամանչա, դհոլ, ռուռնա, քամանի, պարկապզուկ)
Կիթառ
Երգչախմբային երգեցողության փորձարարական բաժին
Նկարչություն, դեկորատիվ կիրառական արվեստ
Պարային բաժին
Շախմատ
Ակադեմիական երգեցողություն, վոկալ

Տնօրեններ[խմբագրել | խմբագրել կոդը]

Թորոս Լավչյան (պաշտոնավարել է 1958-1981)
Հենզել Հարությունյան (պաշտոնավարել է 1981-1991)
Ռոլաննա Օրբելյան (պաշտոնավարել է 1991-2012)
Նորա Սարգսյան (պաշտոնավարել է 2012 -)

Շրջանավարտներ[խմբագրել | խմբագրել կոդը]

Հրաչյա Մելիքյան
Երգեհոնահար Աշոտ Անդրիկյան
Կոմպոզիտոր-դաշնակահարներ Ջենի Ասատրյան (Երևանի Կոմիտասի անվան պետական կոնսերվատորիայի պրոֆեսոր), Արսեն Անդրիկյան
Գոհար Սարգսյան («Արծաթե բանալի» մանկապատանեկան մրցույթի հիմնադիր)
Սոնա Գալաջյան (Ս. Բարխուդարյանի անվան արվեստի դպրոցի տնօրեն)
Սերգեյ Մարգարյան
Նորա Սարգսյան (դպրոցի փոխտնօրեն)
Արմեն Մեսրոպյան
Աշոտ Գալստյան
Կարինե և Մարգարիտա Սարգսյաններ (դպրոցի դաշնամուրային բաժնի դասատուներ)
Հասմիկ Հովհաննիսյան
Նարինե Սարգսյան
Գարեգին Պողոսյան
Անժելա Հունանյան (Բեյրութ)
Վալերի Փիրումով