Անուշավան Ալեքսանյան

Անուշավան Ալեքսանյան
հոկտեմբերի 20, 1969 - հոկտեմբերի 24, 2020 (51 տարեկան)
Ծննդավայր	Առինջ, Աբովյանի շրջան, Հայկական ԽՍՀ, ԽՍՀՄ
Մահվան վայր	Մարտունի, Մարտունու շրջան, Արցախ
Քաղաքացիություն	Հայաստան
Ծառայության տարիներ	1992 - 1996
Պաշտոն	հետախուզության պետ
Պարգևներ

Անուշավան Սոսիկի Ալեքսանյան (հոկտեմբերի 20, 1969(1969-10-20)^[1], Առինջ, Աբովյանի շրջան, Հայկական ԽՍՀ, ԽՍՀՄ - հոկտեմբերի 24, 2020(2020-10-24)^[1], Մարտունի, Մարտունու շրջան, Արցախ), հայ ազտամարտիկ, «Հատուկ գունդ» զորամիավորման անդամ, «Պատերազմի վերտերանների միություն» ՀԿ-ի վարչության անդամ, Արցախյան ազատամարտի և 44-օրյա պատերազմի մասնակից^[2]։

Կենսագրություն[խմբագրել | խմբագրել կոդը]

Ծնվել է 1969 թվականի հոկտեմբերի 20-ին Աբովյանի շրջանի Առինջ գյուղում^[2]։

Մարտական ուղի[խմբագրել | խմբագրել կոդը]

1992 թվականի փետրվարի 11-ից անդամագրվել է Հատուկ գունդ զորամիավորմանը, մասնակցել Արցախյան ազատամարտին։ 1992 թվականի ապրիլի 19-ից մինչև հուլիսի 4-ը մասնակցել է Շահումյանի շրջանի մարտական գործողություններին։ 1992 թվականի օգոստոսի 4-ից մինչև օգոստոսի 10-ը մասնակցել է Արծվաշենի մարտական գործողություններին, ապա օգոստոսի 15-ից մինչև հոկտեմբերի 6-ը, 1993 թվականի հուլիսի 27-ից մինչև օգոստոսի 17-ը և հոկտեմբերի 17-ից մինչև նոյեմբերի 23-ը մասնակցել Լաչինի շրջանի մարտական գործողություններին։ 1994 թվականի հունվարի 12-ից մինչև հունվարի 27-ը և մարտի 16-ից մինչև մայիսի 13-ը մասնակցել է Վարդենիսի շրջանի մարտական գործողություններին^[3]։ Հրադադարից հետո, մինչև 1996 թվականը եղել է պայմանագրային զինծառայող, հետախուզության պետ^[2]։

2020 թվականի սեպտեմբերի 29-ից որպես սպա մասնակցել է 44-օրյա պատերազմին, հոկտեմբերի 1-ից կռվել է Մարտունու 2-րդ պաշտպանական շրջանում։ Զոհվել է 2020 թվականի հոկտեմբերի 24-ին, անօդաչու թռչող սարքի հարվածից^[2]։ Զոհվելու մասին պաշտոնապես հայտարարվել է Արցախի Հանրապետության Պաշտպանության բանակի կողմից՝ 2020 թվականի նոյեմբերի 17-ին^[4]

Պարգևներ[խմբագրել | խմբագրել կոդը]

Հայաստանի Հանրապետության նախագահի հրամանագրով 2022 թվականի հունվարի 27-ին պարգևատրվել է՝ «Հայրենիքին մատուցած ծառայությունների համար» 2-րդ աստիճանի մեդալով^[5]։

Ծանոթագրություններ[խմբագրել | խմբագրել կոդը]

[_c327ed818ed16b42-1] 1,0 ^1,1 ^1,2 ^1,3 ^1,4 ^1,5 Զինծառայողների ապահովագրության հիմնադրամ

[Erkir-2] 2,0 ^2,1 ^2,2 ^2,3 Ձեզ բացակա չենք դնի․ Անուշավան Սոսի Ալեքսանյան

[3] «ՊՎՄ» վարչության անդամ՝ Անուշավան Սոսի Ալեքսանյան

[4] ՊԲ-ն հրապարակել է հայրենիքի պաշտպանության համար մղվող մարտերում նահատակված զինծառայողների անունները

[5] ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՀՐԱՄԱՆԱԳԻՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՊԱՐԳԵՎՆԵՐՈՎ ՊԱՐԳԵՎԱՏՐԵԼՈՒ ՄԱՍԻՆ

[1]

[2]

[3]

[4]

[5]