Աննաբելլի անեծքը։ Չարի ծնունդը

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Աննաբելլի անեծքը։ Չարի ծնունդը
Annabelle: Creation
Annabelle 2 poster.jpg
ԵրկիրFlag of the United States.svg ԱՄՆ
Ժանրսարսափ ֆիլմ, թրիլեր, դրամա և միստիկ ֆիլմ
Թվական2017, օգոստոսի 24, 2017[1], օգոստոսի 10, 2017 և օգոստոսի 18, 2017
Լեզուանգլերեն
ՌեժիսորԴեյվիդ Սանդբերգ
ՊրոդյուսերՋեյմս Վան
Սցենարի հեղինակԳարի Դոբերման
ԴերակատարներՄիրանդա Օտտո, Ստեֆանի Սիգման, Թալիթա Բեյթման, Ֆիլիպպա Կուլտհարդ, Գրեյս Ֆալթոն, Էնթոնի Լապալյա, Adam Bartley?, Lotta Losten?, Ջոզեֆ Բիշարա, Lulu Wilson?, Բրայան Հոու[2], Brad Greenquist?[2], Անաբել Ուոլիս[2], Ward Horton?[2], Brian Howe?, Ջորջի Հենլի և Բոննի Աարոնս
ՕպերատորՄաքսիմ Ալեքսանդր
ԵրաժշտությունՋոզեֆ Բիշարա
ՄոնտաժMichel Aller?
Նկարահանման վայրԼոս Անջելես
ԿինոընկերությունNew Line Cinema, Warner Bros., Atomic Monster Productions?, The Safran Company և RatPac-Dune Entertainment
Տևողություն109 րոպե
Բյուջե15 000 000 ԱՄՆ դոլար
Շահույթ306 515 884 ԱՄՆ դոլար[3]
ՆախորդԱնաբելի անեծքը
ՀաջորդԱնաբելը վերադառնում է տուն
Պաշտոնական կայքէջ

«Աննաբելլի անեծքը։ Չարի ծնունդը» (անգլ.՝ Annabelle:Creation), ռեժիսոր Դեվիդ Ֆ. Սանդբերգի և սցենարիստ Գերի Դոբերմանի ամերիկյան սարսափ ֆիլմ, «Աննաբելլ» ֆիլմի շարունակությունը։ Ֆիլմի պրեմիերան տեղի է ունեցել 2017 թվականի օգոստոսի 10-ին։ Ֆիլմում նկարահանվել են՝ Սթեֆանի Սիգմանը, Թալիտա Բեյթմանը, Էնթոնի Լապալյան և Միրանդա Օտտոն[4]։ Ֆիլմը մոլեգին տիկնիկ Աննաբելլի մասին է։

Քննադատները հիմնականում դրականորեն են արձագանքել ֆիլմի մասին։ Նրանք բարձր են գնահատել մթնոլորտը ու դերասանական խաղը` այն նախորդ ֆիլմի համեմատ ավելի լավն են համարել[5]։

Սյուժե[խմբագրել | խմբագրել կոդը]

1943 թվականին տիկնիկավար Սեմուել Մալինսը և նրա կինը՝ Էսթերը ողբում են իրենց հնգամյա աղջկա՝ Աննաբելլի (Բի) կորստի պատճառով, ով մահացել է ավտովթարի ժամանակ։ Անծանոթ մի արարած, որին ծնողները վստահում են, համոզում է ծնողներին թույլ տալ, որ նա իրենց աղջկա հոգին փոխանցի Սեմուելի ստեղծած ճենապակյա տիկնիկի մեջ։ Շուտով նրանց երջանկությունը վերածվում է տանջանքների, երբ Մալինսները հասկանում են, որ ենթարկվել են դևին, ով զոհ է փնտրում։ Նրանք տեղափոխում են տիկնիկը Աննաբելլի սենյակ և կողպում են այն պահարանի մեջ, որի ներսում սոսնձված են թերթեր աստվածաշնչյան գրքից, մինչև քահանա կվարձեին` տունն օրհնելու համար։

Տասներկու տարի անց, 1955 թվականին, Մալինսները բացում են իրենց տունը, որպեսզի ապաստարան տան մնացած՝ քույր Շառլոտայի և վեց աղջիկներին, ովքեր անօթևան էին մնացել մանկատան փակվելու պատճառով։ Առաջին գիշերը, որբ աղջիկներից մեկը՝ պոլիոմիելիտով հաշմանդամ Ջենիսը, արթնանում և հասնում է Աննաբելլի սենյակ, որը առեղծվածային կերպով բացվել էր։ Նա գտնում է Աննաբելլի պահարանի բանալին և բացում այն, ակամայից ազատելով դևին, որը սկսում է ահաբեկել աղջիկներին, հատուկ հետքրքրություն ցուցաբերելով Ջենիսի հանդեպ։

Երկրորդ գիշերը, դևը շարունակում է տանջել Ջենիսին, ով փորձում է փախչել ամբարձիչ սայլակով։ Դևը Ջենիսին ծանր վնասվածքներ էր հացրել, երբ նրան բռնել և նետել էր երկրորդ հարկից։ Հաջորդ օրը, Ջենիսը, արդեն սայլակին գամված, ինչ-որ կերպ տեղափոխել էր ցախատուն։ Դևը, ընդունում է Աննաբելլի կերպարանքը` հաջողությամբ տիրանալով Ջենիսին։ Որբուկներից մեկ ուրիշը` Ջենիսի լավագույն ընկերուհի Լինդան, փոփոխություններ է նկատում նրա պահելաձևի մեջ և խոստովանում է Սեմուելին, որ Ջենիսը թափանցել է Աննաբելլի սենյակ և դրանից երկու գիշեր առաջ այնտեղ տիկնիկ է գտել։

Քույր Շառլոտան խոսում է այլանդակված Էսթերի հետ, ով գամված էր իր ննջարանին, և ով կորցրել էր իր ձախ աչքը տասներկու տարի առաջ, դևի հետ իր առաջին հանդիպման ժամանակ։ Էսթերը քրմուհուն պատմում է ամբողջ ճշմարտությունը տիկնիկի և տան ուրվականների մասին։ Քույր Շառլոտան սկսում է ավելի ու ավելի անհանգստանալ այն բանի համար, որ դևը կարող է ծաղր ու ծանակի ենթարկելոց չարչարել նաև մյուս որբ աղջիկներին։

Երբ Մալինսերը դաժանորեն սպանվում են, դևը հարձակվում է քույր Շառլոտայի վրա, երբ նա փորձում է տնից փախցնել աղջիկներին։ Դիվանման Ջենիսը շարունակում է հետապնդել Լինդային, ով թաքնվում է Աննաբելլի սենյակում։ Քույր Շառլոտան վերադառնում է, որպեսզի խոչընդոտի Ջենիսին և նրան և տիկնիկին փակում է պահարանում։ Հաջորդ օրը ժամանում է ոստիկանությունը` տունը և մոտակայքը խուզարկելու համար, ինչի արդյունքում ննջարանի պահարանի տիկնիկին է գտնում միայն, բայց դա չէր կարող ապացույց ծառայել։ Ջենիսը փախել էր պահարանի պատի անցքով, հետագայում տեղափոխվելով Սանտա Մոնիկայում գտնվող մանկատներից մեկը։ Նա մանկատնից դուրս է գալիս Աննաբելլ անունով և ապրում է Հիգինսների ընտանիքում։

Տասներկու տարի անց, 1967 թվականին, Աննաբելլն իր ընկերոջ հետ միասին դառնում է սատանայական պաշտամունքի աշակերտ։ Մի անգամ գիշերը, նրանք սպանում են իրենց խորթ ծնողներին նրանց ննջարանում, ինչը գրավում է մոտակա հարևանների ուշադրությունը, իսկ հետագայում շարունակվում են «Աննաբելլի անեծքը» օրիգինալ ֆիլմի իրադարձությունները։

Առաջին տեսարանում, տիտրերից հետո, ցույց են տալիս Աննաբելլ տիկնիկին, որն անշարժ նստած է պահարանի մեջ, մինչև այն պահը, երբ նա հանկարծակի և անբացատրելի կերպով պտտում է իր գլուխը և մինչև այդ տեսարանի ավարտը նայում է հանդիսատեսին։

Տիտրերից հետո երկրորդ տեսարանում իրադարձությունները տեղի են ունենում Ռումինիայում 1952 թվականին։ Վալակ անունով քրմուհի-դևը, (ում հանդիսատեսը ճանաչում է «Անեծքը 2» ֆիլմից), կանգնած է վանքի դահլիճի մոմերի մեջ։

Դերերում[խմբագրել | խմբագրել կոդը]

  • Սթեֆանի Սիգման - քույր Շառլոտա
  • Թալիտա Բեյթման - Ջենիս
  • Լուլու Ուիլսոն - Լինդա
  • Ֆիլիպա Քուլհարդ - Նենսի
  • Գրեյս Ֆուլթոն - Քերոլ
  • Լու Լու Սաֆրան - Թիրնի
  • Թայլեր Բակ - Քեյթ
  • Սամարա Լի - Աննաբելլ «Բի» Մալինս
  • Էնտոնի Լապալյա - Սեմուել Մալինս
  • Միրանդա Օտտո - Էսթեր Մալինս
  • Ալիսիա Վելա Բեյլի - տիկին Մալինս
  • Մարկ Բրեմհոլ - Մեսսիի հայրը
  • Ադամ Բարթլի - Ֆուլեր
  • Թայլեր Ջոնսոն - քահանա
  • Լոթա Լոսթեն - որդեգրման ագենտ
  • Ջոզեֆ Բիշարա - Աննաբելլ դևը
  • Բրայան Խաու - Փիթ Հիգինս
  • Քերի Օմելի - Շարոն Հիգինս
  • Թերեզա Լինն Օթուլ - Ջենիս / Աննաբելլ Հիգինս
  • Աննաբելլ Վոլիս - Միա
  • Ուորդ Հորթոն - Ջոն Ֆորմ
  • Բոնի Արոնս - Վալակ

Արտադրություն[խմբագրել | խմբագրել կոդը]

Զարգացում[խմբագրել | խմբագրել կոդը]

2015 թվականի հոկտեմբերին հաստատվեց, որ «Աննաբելլ» ֆիլմի երկրորդ մասը արդեն արտադրության ընթացքում է[6]։ Դևիդ Սանդբերգը փոխարինեց Ջոն Լեոնեթիին որպես ֆիլմի երկրորդ մասի ռեժիսոր, 2016 թվականի մարտին[7]։ Նա իր մասին ասել է, որ ինքը ֆրանշիզայի երկրպագու է, հատկապես առաջին ֆիլմի, քանի որ այն «ավելի դասական և օլդսքուլ սարսափ էր բոլոր առումներով»[8][9]։ Առաջին ֆիլմի սցենարիստ՝ Գերի Դոբերմանը, կրկին անցավ սցենարը գրելուն։ 2017 թվականի մարտին, Սանդբերգն ասաց, որ ֆիլմը կլինի Աննաբելլ օրիգինալ ֆիլմի պրիկվելը «Աննաբելլի անեծքը։ Չարի ծնունդը» անվամբ[10]։

Սանդբերգը ֆիլմում օգտագործել է Սինեմասկոպ-կինեմատոգրաֆիան, ինչի շնորհիվ ստացվել է հիանալի արդյունք, և դարձել է մեծ ոգեշնչում ֆիլմի համար[8][11]։ Նա հուսադրվել է լարվածության և անհանգստության վրա, ի տարբերություն կանխատեսելի և վախենալի ցատկերի։ Ի տարբերություն «Եվ հանգչում է լույսը» իր դեբյուտային ֆիլմի, որտեղ մանրամասնորեն մտածված էր յուրաքանչյուր տեսարան, Սանդբերգը այս ֆիլմում փորձում էր դասավորել տեսարանները հենց նկարահանման ժամանակ[12]։

Սանդբերգը մեղմացրել է Աննաբելլի հատկությունները, նրան առավել ճշմարտանման դարձնելու համար[13]։ Նա դժվար նկարահանումներ է ունեցել տիկնիկի հետ, քանի որ այն անշարժ է, և նա պետք է օգտագործի նաև ուրիշ օբյեկտներ, ինչպես օրինակ՝ թուղթը, նրան շարժվել ստիպելու համար[8]։ Նրա հայր Ռոբերտը եղել է ֆիլմի խորհրդատու[14]։

Սանդբերգը ֆիլմի երաժշտական ձևավորման համար օգտագործել է հանգստացնող երաժշտություն.[8][11] ։ Նա հենվում էր լարվածության և անհանգստության վրա, ի տարբերություն կանխատեսելի և էժանագին վախեցնող թռիչքների։ Ի տրբերություն նրա դեբյուտային « Եվ հանգում է լույսը» ֆիլմի, որում նախապես մանրամասն մտածված է յուրաքանչյուր տեսարան, Սանդբերգը այս ֆիլմին մոտեցել է այլ կերպ, «նա ոգեշնչված էր նկարահանումների ժամանակ ամեն պահը հաստատելու» հնարավորությունից[12]։

Սանդբերգը մեղմել է Անաբելի որոշ առանձնահատկությունները, որպեսզի այն ավելի ճշմարտանման կերպար դառնա, որպես մանկական խաղալիք, որն ունի լիքը թուշիկներ[13]։ Նա տիկնիկի հետ բարդ նկարահանումներ է կատարել, քանի որ օբյեկտն անշարժ էր, և նա պետք է կիրառեր այլ օբյեկտներ, այնպիսին, ինչպես տերևն է, որպեսզի ստիպեր շարժվել[8]։ Ռոբերտի հայրը եղել է ֆիլմի կոնսուլտանտ[14]։

Քասթինգ[խմբագրել | խմբագրել կոդը]

2016 թվականի հունիսին, Թալիտա Բեյթմանը, Միրանդա Օտտոն և Սթեֆանի Սիգմանը հրավիրվել են դերասանական անձնակազմի քասթինգին[15][16]։ Նրանք ասացին, որ արտադրության ամբողջ ընթացքում չէին զգում լարվածություն կամ վախ, իսկ Սանդբերգն նշել է, որ միակ խնդիրը նրանց աշխատանքի մեջ ժամանակի սակավությունն է, քանի որ դերասաններն անչափահաս էին և չէին կարող արտաժամյա աշխատել[8][8][12]։ Թալիտայի եղբայր՝ Գեբրիել Բեյթմանը, խաղացել է Սանդբերգի «Եվ հանգչում է լույսը» ֆիլմում։

Էնտոնի Լապալյան համաձայնվել է նկարահանվել ֆիլմում այն բանից հետո, երբ նրա տասնչորսամյա աղջիկը լսել է նրա հեռախոսային զրույցը ֆիլմի նկարահանման մասին[11]։ Նա նկարագրել է իր հերոսին ինչպես՝ «խորհրդավոր, լուռ, սակայն կոպիտ մարդ, ով ողբում է իր աղջկա կորուստը և իր կնոջ բուժական դեգեներացիան։ Փոքրիկ որբ երեխաները, ովքեր տեղափոխվում են կիսաավերակ տուն, վախենում են նրանից»[17]։ Դերի մեջ մտնելու համար նա չէր շփվում դերասանուհիների հետ նկարահանման հարթակում։ Այնպես որ նկարահանումների ժամանակ, նրանք բնականաբար չեն շփվում միմյանց հետ[18]։

Նկարահանումներ[խմբագրել | խմբագրել կոդը]

Հիմնական նկարահանումները սկսվեցին 2016 թվականի հունիսի 27-ին Լոս Անջելեսում, Warner Bros. ստուդիայում, Բըրբանք և ավարտվեցին 2016 թվականի օգոստոսի 15-ին[19][20] և ավարտվեցին 2016 թվականի օգոստոսի 15-ին[21]։ Սանդբերգը որոշել է օգտագործել Steadicam և հետևել բոլոր նկարահանումներին, որպեսզի պահպանվի երկու «Անեծքների» մթնոլորտը[8]։ Սանդբերգի խոսքերով, նա չի հավատում ուրվականներին, ասելով՝ «Ես իմ կյանքում չեմ զգացել ոչ մի գերբնական բան, սակայն ուզում եմ հավատալ»[22]։

Երաժշտություն[խմբագրել | խմբագրել կոդը]

2016 թվականի նոյեմբերի 23-ին, Բենջամին Ուոլֆիսչը վարձվել է ֆիլմի համար երաժշտություն հորինելու համար[23]։ 2017 թվականի օգոստոսի 4-ին, WaterTower Music թողարկեց ֆիլմի սաունթրեքների ալբոմը[24]։

Ռելիզ[խմբագրել | խմբագրել կոդը]

Ֆիլմն ի սկզբանե պետք է թողարկվեր 2017 թվականի մայիսի 19-ին։ Սակայն պրեմիերայի ամսաթիվը տեղփոխվել է 2017 թվականի օգոստոսի 11։ Ֆիլմի պրեմիերան ԱՄՆ-ում կայացավ 2017 թվականի հունիսի 19-ին Լոս Անջելեսի կինոփառատոնի ժամանակ։

Քննադատների արձագանքներ[խմբագրել | խմբագրել կոդը]

Ֆիլմը հիմնականում ստացել է դրական գնահատականներ (62 միավոր 100-ից Metacritic-ում և 67 % դրական արձագանքներ Rotten Tomatoes կայքէջում)[25][26]։ Հիմնականում գովաբանել են հենց ռեժիսոր՝ Դևիդ Սանդբերգին[27]։

The Hollywood Reporter հրատարակչությունը դրական գնահատեց Սանդբերգի կատարած ամբողջ աշխատանքը[28]։ TheWrap բարձր է գնահատել ֆիլմն ու ռեժիսորին ասելով՝ «Ինչ-որ նոր բան այս ֆիլմում չկա։ Սա ստանդարտ սարսափ ֆիլմ է։ Սակայն ինչպես մաքուր ու պրոֆեսիոնալ է ամեն ինչ կազմակերպված ռեժիսորի գլխավորությամբ, ինչպես գեղեցիկ է դերասանական խաղը, այնպես էլ ֆիլմի ամբողջ մթնոլորտը»։ Variety նշել է «զոհերի համեստ քանակ»-ն է այս ֆիլմի պատմությունը[29][30][31]։

Միջադեպեր[խմբագրել | խմբագրել կոդը]

Բրազիլիայում սեանսի հաճախորդուհիներից մեկը ֆիլմի դիտման ժամանակ սկսել է բղավել և տարօրինակ կերպով հազել, ինչի հետևանքով նրան վռնդել են սեանսից, քաշքշելով նրա ձեռքերից։ Դահլիճից դուրս, բրազիլուհին սկսեց խփել ինքն իրեն և տարօրինակ պահելաձև ցուցաբերեց[32][33][34]։

Տարեթիվ Պարգև Կատեգորիա Անվանակարգ Արդյունք
2017 18-րդ Ոսկե թրիլեր Լավագույն սարսափ ֆիլմ
New Line Cinema
Buddha Jones
Առաջադրված

Ծանոթագրություններ[խմբագրել | խմբագրել կոդը]

  1. Person Profile // Internet Movie Database — 1990.
  2. 2,0 2,1 2,2 2,3 ČSFD — 2001.
  3. https://www.boxofficemojo.com/movies/?id=annabelle2.htm
  4. «'Annabelle: Creation' Trailer Teaser Assembles a Killer Doll»։ Collider (en-US)։ 2017-03-31։ Վերցված է 2017-08-23 
  5. «Annabelle: Creation Is a Potent Prequel» (en-US)։ Վերցված է 2017-08-23 
  6. «Annabelle 2 is in the Works»։ Slashfilm (en-US)։ 2015-10-19։ Վերցված է 2017-08-23 
  7. McNary Dave (2016-03-22)։ «‘Annabelle 2’ Draws ‘Lights Out’ Director David Sandberg»։ Variety (en-US)։ Վերցված է 2017-08-23 
  8. 8,0 8,1 8,2 8,3 8,4 8,5 8,6 8,7 Drew Taylor (2017-08-08)։ «David Sandberg on the Horror Inspiration Behind 'Annabelle: Creation'»։ Moviefone։ Վերցված է 2017-08-23 
  9. «James Wan Gives Update on ‘The Conjuring 3’»։ EW.com (en-US)։ 2017-08-07։ Վերցված է 2017-08-23 
  10. «'Annabelle 2' Director Reveals Horror Sequel's Title»։ The Hollywood Reporter (անգլերեն)։ Վերցված է 2017-08-23 
  11. 11,0 11,1 11,2 «The horror film prodigy behind Lights Out and Annabelle: Creation»։ South China Morning Post (անգլերեն)։ Վերցված է 2017-08-23 
  12. 12,0 12,1 12,2 «'Annabelle: Creation' Director David F. Sandberg: The Horror News Network Interview - Horror News Network - Complete Coverage of all Things Horror!»։ Horror News Network - Complete Coverage of all Things Horror! (en-US)։ 2017-08-07։ Վերցված է 2017-08-23 
  13. 13,0 13,1 «'Annabelle: Creation': The 'true' story of the evil doll star»։ amp.usatoday.com։ Վերցված է 2017-08-23 
  14. 14,0 14,1 «Annabelle: Creation makers hired an actual exorcism expert | GamesRadar+»։ www.gamesradar.com։ Վերցված է 2017-08-23 
  15. Kroll Justin (2016-06-22)։ «‘Spectre’ Actress Stephanie Sigman to Star in ‘Annabelle’ Sequel (EXCLUSIVE)»։ Variety (en-US)։ Վերցված է 2017-08-23 
  16. Lincoln Ross A. (2016-06-25)։ «Maggie Grace Joins Comedy Heist Pic ‘Supercon’; Talitha Bateman Joins ‘Annabelle 2’»։ Deadline (en-US)։ Վերցված է 2017-08-23 
  17. Service Cindy Pearlman New York Times News։ «Anthony LaPaglia coaxed into taking horror role in 'Creation'»։ The Columbus Dispatch (անգլերեն)։ Վերցված է 2017-08-23 
  18. «LaPaglia, Otto scare in new Annabelle film»։ 2017-08-08։ Վերցված է 2017-08-23 
  19. «Even More Dolls On the Set of 'Annabelle 2' - Bloody Disgusting» (en-US)։ bloody-disgusting.com։ Վերցված է 2017-08-23 
  20. «The Annabelle 2 cast expands as filming begins» (en-US)։ Վերցված է 2017-08-23 
  21. David F. Sandberg (2016-08-15)։ «That's a wrap on Annabelle 2! Thank you to the awesome cast and crew! In theaters May 2017.pic.twitter.com/latxKqfiJK»։ @ponysmasher։ Վերցված է 2017-08-23 
  22. SUN MEDIA։ «'Annabelle: Creation' director David F. Sandberg recounts his Hollywood horror story | Movies | Entertainment | Toronto Sun»։ m.torontosun.com։ Վերցված է 2017-08-23 
  23. «Benjamin Wallfisch to Score ‘Annabelle 2’ | Film Music Reporter»։ Վերցված է 2017-08-23 
  24. «‘Annabelle: Creation’ Soundtrack Details | Film Music Reporter»։ Վերցված է 2017-08-23 
  25. «Annabelle: Creation» (անգլերեն)։ Վերցված է 2017-08-23 
  26. «Annabelle: Creation»։ Վերցված է 2017-08-23 
  27. D'Alessandro Anthony (2017-08-13)։ «New Line’s Dollhouse Of Dough: ‘Annabelle: Creation’ Opening To $35M – Sunday Update»։ Deadline (en-US)։ Վերցված է 2017-08-23 
  28. «'Annabelle: Creation': Film Review | LAFF 2017»։ The Hollywood Reporter (անգլերեն)։ Վերցված է 2017-08-23 
  29. Debruge Peter (2017-06-20)։ «Film Review: ‘Annabelle: Creation’»։ Variety (en-US)։ Վերցված է 2017-08-23 
  30. «Красиво пугают! Критики о фильме «Проклятие Аннабель: Зарождение зла»» (ru-RU)։ se7en.ws։ Վերցված է 2017-08-23 
  31. «'Annabelle: Creation' [Review]»։ The Playlist (en-US)։ 2017-08-07։ Վերցված է 2017-08-23 
  32. «В Бразилии девушке вызвали "скорую помощь" после просмотра фильма ужасов»։ Актуальные новости - периодическое издание о событиях в мире (ռուսերեն)։ Վերցված է 2017-08-23 
  33. «"Вселился демон": Жительница Бразилии впала в истерику после просмотра хоррора "Проклятие Аннабель: Зарождение Зла"»։ Территория новостей։ Վերցված է 2017-08-23 
  34. ««Проклятие Аннабель» провоцирует странное поведение людей по всему миру. Видео»։ ФильмПРО։ Վերցված է 2017-08-23 

Արտաքին հղումներ[խմբագրել | խմբագրել կոդը]