Այզայա Ֆայրբրեյս

Վիքիպեդիայից՝ ազատ հանրագիտարանից
Jump to navigation Jump to search
Այզայա Ֆայրբրեյս
Isaiah Firebrace 2017.jpg
Ծնվել էնոյեմբերի 21, 1999(1999-11-21) (19 տարեկան)
Moama
ԵրկիրFlag of Australia.svg Ավստրալիա
Ժանրերփոփ երաժշտություն
Մասնագիտություներգիչ
Գործիքներվոկալ

Այզայա Ֆայրբրեյս (կամ Իսայա Ֆայերբրեյս[1], անգլ.՝ Isaiah Firebrace), հայտնի է նաև որպես Այզայա (անգլ.՝ Isaiah), նոյեմբերի 21, 1999(1999-11-21), Moama), ավստրալացի երգիչ։ 2016 թվականին դարձել է Ավստրալիայի «Իքս Ֆակտոր» նախագծի ութերորդ եթերաշրջանի հաղթողը։ 2017 թվականի մարտի 7-ին հայտարարվեց, որ նա կներկայացնի Ավստրալիան Եվրատեսիլ 2017 երգի մրցույթում, որտեղ հանդես կգա «Don’t come easy» փոփ-բալլադով։ Երգի հեղինակներն են Էնթոնի Էգիզին, Դեյվիդ Մյուսեմեկին և Դեյվիդ Անջելոն[2]։

«Իքս Ֆակտոր» Ավստրալիա[խմբագրել | խմբագրել կոդը]

Այզայան հաղթահարեց «Իքս Ֆակտոր» Ավստրալիայի ութերորդ եթերաշրջանի լսումների փուլը՝ կատարելով երգչուհի Ադելի «Hello» երգը։ Նա հասավ եզրափակիչ փուլ՝ կատարելով կենդանի ելույթներ։ Եզրափակիչը կայացավ 2016 թվականի նոյեմբերի 21-ին, որտեղ Ֆայրբրեյսը կատարեց Բիյոնսեի «Halo», Avicii«Wake me up» երգերը, ինչպես նաև հատուկ իր համար գրված «It’s Gotta Be You» սինգլը, որի հեղինակներն են Էնթոնի Էգիզին և Դեյվիդ Մյուսեմեկին։ Երգի շնորհիվ Իսայան ոչ միայն հաղթեց շոուում, այլև զբաղեցրեց 26-րդ հորիզոնականը «ARIA Charts» հիթ-շքերթում։ Նա նաև նշվում է Դանիայի, Նիդեռլանդների, Նոր Զելանդիայի և Շվեդիայի (որտեղ հավակնում է պլատինե կարգավիճակի) երաժշտական շքերթներում։ 2016 թվականի դեկտեմբերի 9-ին Այզայան թողարկեց իր դեբյուտային «Isaiah» ալբոմը, որը զբաղեցրեց 12-րդ հորիզոնականը ավստրալական ալբոմների շքերթում։

Եվրատեսիլ 2017[խմբագրել | խմբագրել կոդը]

Եվրատեսիլում Այզայան կատարեց «Don’t Come Easy» երգը, որը բալլադ էր երազանքի և դրա համար մղվող պայքարի մասին։ Երգի շնորհանդեսը տեղի ունեցավ Ավստրալիայի Մելբուրն քաղաքում անցկացվող փակ ցուցադրության ժամանակ, որից հետո այն ուղարկվեց ընտրական փուլ[2]։

Հաջողությամբ անցնելով մրցույթի եզրափակիչ փուլ՝ Այզայան 30 երկրի ժյուրիի անդամներից ստացավ 171 միավոր և զբաղեցրեց 4-րդ հորիզոնականը։ Սակայն հեռուստադիտողների քվեարկության ժամանակ կարողացավ ստանալ միայն մեկ երկրի՝ Դանիայի աջակցությունը՝ ընդամենը 2 միավոր։ Ընդհանուր 173 միավորով զբաղեցրեց 9-րդ հորիզոնականը։

Հետաքրքրություններ[խմբագրել | խմբագրել կոդը]

Իր ամբողջ ժամանակը Այզայան նվիրում է երաժշտությանը։ Ըստ իր խոսքերի՝ իր վրա առավել մեծ ազդեցություն է ունեցել Մրայա Քերին, ում հետ Ֆայրբրեյսը ցանկանում է երբևէ հանդես գալ զուգերգով[3]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]