Ալ-Մաղրիբ բանկ
Ստեղծում | 1959 ![]() | |
---|---|---|
Կազմակերպության ղեկավարի պաշտոն | Governor of Bank Al-Maghrib ![]() | |
Ղեկավար | Abdellatif Jouahri ![]() | |
Երկիր | Մարոկկո ![]() | |
Վարչատարածքային միավոր | • Rabat-Salé-Kénitra • Ռաբաթ • Ռաբաթ ![]() | |
Աշխարհագրական կոորդինատներ | 34°1′10″N 6°50′11″W ![]() | |
Անդամակցություն | Network for Greening the Financial System ![]() | |
Արժույթ | Մարոկկոյի դիրհամ ![]() | |
Գլխամասի վայր | Bank Al Maghrib Building ![]() | |
Structure replaces | Banque d'Etat du Maroc ![]() | |
Պաշտոնական կայք | www.bkam.ma ![]() |
![Քարտեզ](https://maps.wikimedia.org/img/osm-intl,12,34.019331,-6.8364,350x350.png?lang=hy&domain=hy.wikipedia.org&title=%D4%B1%D5%AC-%D5%84%D5%A1%D5%B2%D6%80%D5%AB%D5%A2_%D5%A2%D5%A1%D5%B6%D5%AF&revid=9973796&groups=_3ac8f3234a6f5e52cde2cf1cf7b304b086f53805)
![](http://upload.wikimedia.org/wikipedia/commons/thumb/3/3f/Morocco_Central_Bank_Monogram.jpg/220px-Morocco_Central_Bank_Monogram.jpg)
Ալ-Մաղրիբ բանկ (արաբ․՝ بنك المغرب, «Մարոկկոյի բանկ»), Մարոկկոյի Թագավորության կենտրոնական բանկ։ Հիմնադրվել է 1959 թվականին՝ որպես Մարոկկոյի պետական բանկի իրավահաջորդ (1907)։ 2008 թվականին Ալ-Մաղրիբ բանկն ուներ արտարժույթի պահուստներ՝ 36 միլիարդ ԱՄՆ դոլար գնահատված արժեքով։ Բացի արժույթի կառավարումից, Ալ-Մաղրիբ բանկը վերահսկում է նաև առևտրային բանկային ծառայություններ մատուցող մի շարք մասնավոր բանկեր։ Բանկի գլխամասային գրասենյակը գտնվում է Մուհամեդ V պողոտայում, Ռաբաթում։ Բանկն ունի մասնաճյուղ Կասաբլանկայում և գործակալություններ Մարոկկոյի 18 այլ քաղաքներում։
Պատմություն[խմբագրել | խմբագրել կոդը]
1958 թվականին Մարոկկոյի կառավարությունը բանակցություններ սկսեց Ֆրանսիայի և Մարոկկոյի պետական բանկի հետ՝ փող թողարկելու իրավունքը վերականգնելու համար։ 1959 թվականի հունիսի 30-ի թիվ 1.59.233 հրամանագրով ստեղծվեց Banque du Maroc-ը, որը հաջորդ օրը ստանձնեց փողերի թողարկումը և փոխարինեց Մարոկկոյի պետական բանկին։ Հոկտեմբերին Banque du Maroc-ը թողարկեց նոր արժույթ՝ դիրհամ։
1967 թվականի ապրիլի 21-ի Բանկային ակտը ուժեղացրեց Banque du Maroc-ի դերը, մասնավորապես, բանկային վերահսկողության ոլորտում։
1974 թվականին Banque du Maroc-ը սկսեց թողարկել ցենտիմը՝ փոխարինելով ֆրանկին։
1987 թվականի մարտին բանկն ընդունեց Ալ-Մաղրիբ անվանումը։ Նույն ամսին բանկը հիմնեց Դար Աս-Սիկկա ստորաբաժանումը, որը պատասխանատու էր թղթադրամների տպագրման և մետաղադրամների հատման համար։
1993 թվականի հուլիսին բանկային նոր ակտը ստեղծեց միասնական կարգավորող դաշտ բոլոր վարկային հաստատությունների համար։ Այս ակտը ամրապնդեց Ալ-Մաղրիբ բանկը՝ Մարոկկոյի վարկային հաստատությունները կարգավորելու և վերահսկելու իր դերում։ Հոկտեմբերին տեղի ունեցան փոփոխություններ Բանկի կանոնադրության մեջ, որոնք հստակեցրին նրա դերը դրամավարկային քաղաքականության մեջ և ավելի մեծ ինքնավարություն շնորհեցին։
2006 թվականին թիվ 76-03 օրենքը, որը հրապարակվել է Dahir No. 1-05-38 of 20th Chaoual 1426-ի կողմից (23 նոյեմբերի 2005 թվական) ուժը կորցրած է ճանաչել Dahir No. 1-59-233 of 23rd Hija 1378-ը (30 հունիսի 1959 թվական), որը ստեղծել էր Ալ-Մաղրիբ բանկը։ Նոր օրենքը ամրապնդեց Ալ-Մաղրիբ բանկի անկախությունը դրամավարկային քաղաքականության առումով և իրավական հիմքեր ստեղծեց վճարային համակարգում պատասխանատվության համար։
Նոր օրենքով բանկը սահմանվում է որպես հանրային իրավաբանական անձ, որը վերահսկվում է հաշվի հանձնակատարի, կառավարության հանձնակատարի և հաշվի պալատի կողմից։ Թիվ 34-03 օրենքը ընդլայնեց բանկային օրենքի իրավասությունը բանկային գործունեությամբ զբաղվող որոշ հաստատությունների նկատմամբ, վերասահմանեց վարկերի ազգային խորհրդի և վարկային հաստատությունների կոմիտեի դերերը, ամրապնդեց Ալ-Մաղրիբ բանկի ինքնավարությունը բանկային վերահսկողության ոլորտում և սահմանեց մի շարք այլ միջոցներ, որոնք վերաբերում են վարկային հաստատությունների հաճախորդների պաշտպանությանը և դժվար իրավիճակում հայտնված վարկային հաստատությունների նկատմամբ վերաբերմունքին։
2022 թվականի նոյեմբերի 15-ին Ալ-Մաղրիբ բանկը և Office des Changes-ը (OE)՝ երկրի արտաքին առևտրի դիտորդը, Ռաբաթում ստորագրեցին գործընկերության համաձայնագիր։ Համաձայնագիրը նպատակ ունի ստեղծել ընդհանուր հետաքրքրություն ներկայացնող ոլորտներում տվյալների և գիտելիքների փոխանակման պաշտոնական շրջանակ[1][2]։
Բանկը Ֆինանսական ներառման դաշինքի անդամ է[3] և ակտիվորեն նպաստում է ֆինանսական ներառման քաղաքականությանը։
2023 թվականի սեպտեմբերի 8-ին 6,8 մագնիտուդ ուժգնությամբ երկրաշարժ տեղի ունեցավ Մարոկկոյի Մարաքեշ-Սաֆի շրջանում[4][5]։ Երկրաշարժից մեկ շաբաթ անց Ալ-Մաղրիբ բանկը նվիրաբերեց 1 միլիարդ դիրհամ՝ երկրաշարժից տուժած շրջանների օգնության համար[6]։
Կառավարիչներ[խմբագրել | խմբագրել կոդը]
![](http://upload.wikimedia.org/wikipedia/commons/thumb/d/d1/%D8%B9%D8%A8%D8%AF_%D8%A7%D9%84%D9%84%D8%B7%D9%8A%D9%81_%D8%A7%D9%84%D8%AC%D9%88%D8%A7%D9%87%D8%B1%D9%8A.jpg/220px-%D8%B9%D8%A8%D8%AF_%D8%A7%D9%84%D9%84%D8%B7%D9%8A%D9%81_%D8%A7%D9%84%D8%AC%D9%88%D8%A7%D9%87%D8%B1%D9%8A.jpg)
- Մ'Համեդ Զեղարի, 1959–1964[7]
- Դրիս Սլաուի, 1964–1967[7]
- Մ'Համեդ Զեղարի, 1967–1969[7]
- Արքայազն Մուլայ Հասան Բեն Էլ Մեհդի, 1969–1984[7]
- Ահմեդ Բեննանի, ապրիլ 1985 - սեպտեմբեր 1989[7]
- Մուհամեդ Սեքաթ, 1989 – Մարտ 2003[7]
- Աբդելլաթիֆ Ջուահրի, 2003 թվականի մարտից մինչ օրս[8]
Աղբյուրներ[խմբագրել | խմբագրել կոդը]
- Бутаков Д.Д., Золотаренко Е.Д., Рыбалко Г.П. Валюты стран мира: Справочник / Под ред. С. М. Борисова, Г. П. Рыбалко, О. В. Можайскова. — 5-е изд., перераб. и доп. — М.: Финансы и статистика, 1987. — 383 с.
Արտաքին հղումներ[խմբագրել | խմբագրել կոդը]
![]() | Վիքիպահեստն ունի նյութեր, որոնք վերաբերում են «Ալ-Մաղրիբ բանկ» հոդվածին։ |
|
Ծանոթագրություններ[խմբագրել | խմբագրել կոդը]
- ↑ Rahhou, Jihane. «Bank Al-Maghrib, Foreign Exchange Office Sign Data Exchange Agreement». moroccoworldnews (անգլերեն). Վերցված է 2022 թ․ նոյեմբերի 15-ին.
- ↑ «بنك المغرب ومكتب الصرف يوطدان التعاون». Hespress - هسبريس جريدة إلكترونية مغربية (արաբերեն). 2022 թ․ նոյեմբերի 15. Վերցված է 2022 թ․ նոյեմբերի 15-ին.
- ↑ «AFI members | AFI Global». Արխիվացված է օրիգինալից 2012 թ․ փետրվարի 20-ին. Վերցված է 2012 թ․ փետրվարի 23-ին.
- ↑ «Morocco earthquake: More than 2,000 dead as tremors felt in several regions». BBC News (բրիտանական անգլերեն). 2023 թ․ սեպտեմբերի 8. Վերցված է 2023 թ․ սեպտեմբերի 11-ին.
- ↑ «Over 2,000 dead as powerful earthquake hits Morocco near Marrakesh». www.aljazeera.com (անգլերեն). Վերցված է 2023 թ․ սեպտեմբերի 11-ին.
- ↑ Kasraoui, Safaa (2023 թ․ սեպտեմբերի 15). «Earthquake Special Fund: Bank Al Maghrib Donates MAD 1 Billion». Morocco World News. էջ 1. Վերցված է 2023 թ․ սեպտեմբերի 16-ին.
- ↑ 7,0 7,1 7,2 7,3 7,4 7,5 «BANK AL-MAGHRIB – Anciens Gouverneurs».
- ↑ «Structure».