Ալյոնա Լեդենյովա
Ալյոնա Լեդենյովա | |
|---|---|
.jpg) | |
| Ծնվել է | 1964[1][2][3][…] Նովոսիբիրսկ, ՌԽՖՍՀ, ԽՍՀՄ[4][4] |
| Բնակության վայր(եր) | Անգլիա |
| Քաղաքացիություն | .svg){kind=small} Միացյալ Թագավորություն և  ԽՍՀՄ |
| Մասնագիտություն | սոցիոլոգ, համալսարանի դասախոս, տնտեսագետ և քաղաքագետ |
| Հաստատություն(ներ) | Հարվարդի համալսարան, Մանչեսթերի համալսարան, Փարիզի քաղաքական հետազոտությունների ինստիտուտ և Լոնդոնի համալսարանի քոլեջ[5] |
| Անդամակցություն | Վալդայ բանավեճային ակումբ |
| Ալմա մատեր | Նովոսիբիրսկի պետական համալսարան (1986) և Քեմբրիջի համալսարան |
| Գիտական աստիճան | փիլիսոփայության դոկտոր |
| Տիրապետում է լեզուներին | անգլերեն և ռուսերեն |
| Կայք | alenaledeneva.com(անգլ.) |
 Alena V. Ledeneva Վիքիպահեստում | |
Ալյոնա Լեդենյովա (անգլ.՝ Alena V. Ledeneva, 1964[1][2][3][…], Նովոսիբիրսկ, ՌԽՖՍՀ, ԽՍՀՄ[4][4]), բրիտանացի սոցիոլոգ, Լոնդոնի համալսարանական քոլեջի Սլավոնական և արևելաեվրոպական ուսումնասիրությունների դպրոցի պրոֆեսոր, Global Informality Project (in-formality.com) նախագծի հիմնադիր, Լոնդոնի համալսարանական քոլեջի FRINGE սոցիալական և մշակութային ուսումնասիրությունների կենտրոնի հիմնադիր տնօրեն, ոչ ֆորմալ պրակտիկաների համաշխարհային հանրագիտարանի (անգլ․՝ Global Encyclopedia of Informality) գլխավոր խմբագիր, Լոնդոնի համալսարանական քոլեջի հրատարակչության FRINGE շարքի համախմբագիր[6]։
Հայտնի է բլատի (ռուս․՝ блат), կոռուպցիայի, ոչ ֆորմալ պրակտիկաների մասին աշխատանքներով։
Կենսագրություն
[խմբագրել | խմբագրել կոդը]Ալյոնա Լեդենյովան ծնվել է 1964 թվականին Ռուսաստանի Դաշնության Նովոսիբիրսկ քաղաքում։ 1986 թվականին ավարտել է Նովոսիբիրսկի պետական համալսարանը «տնտեսական կիբերնետիկա» մասնագիտացմամբ։ 1991-1996 թվականներին սովորել է Քեմբրիջի համալսարանում՝ 1992 թվականին ստանալով մագիստրոսի աստիճան (Սոցիալական և քաղաքական տեսության ֆակուլտետ) իսկ 1996 թվականին՝ գիտության թեկնածուի գիտական աստիճան։
1999 թվականից դասավանդում է Լոնդոնի համալսարանական քոլեջում։ Աշխատել է որպես հետազոտող Քեմբրիջի համալսարանի Նյու Հոլ քոլեջում (1996-1999), ավագ հետազոտող Հարվարդի համալսարանի Դևիսի անվան ռուսական և եվրասիական հետազոտությունների կենտրոնում (2005), հրավիրված պրոֆեսոր Մանչեստրի համալսարանում (2006) և Փարիզի Քաղաքական հետազոտությունների ինստիտուտում (2010)։ 2005-2007 թվականներին եղել է «Վալդայ» միջազգային բանավեճի ակումբի անդամ։
2012-2017 թվականներին Լեդենյովան ղեկավարել է Եվրոպական հանձնաժողովի «Հակակոռուպցիոն քաղաքականության վերանայում. Համաշխարհային միտումները և եվրոպական արձագանքները կոռուպցիայի մարտահրավերին» լայնամասշտաբ ծրագրի շրջանակներում Լոնդոնի համալսարանական քոլեջի կողմից իրականացվող աշխատանքները[7]։
Ընտանիք
[խմբագրել | խմբագրել կոդը]Ամուսինը Էնթոնի Հիդդենսն է։ Դուստրը սովորում է Օքսֆորդի համալսարանում։
Գիտական գործունեություն
[խմբագրել | խմբագրել կոդը]Լեդենյովայի հետազոտությունների շրջանակն ընդգրկում է կոռուպցիան, տնտեսական հանցագործությունները, ոչ ֆորմալ կապերն ու խնամակալ-հաճախորդ հարաբերությունները։
Իր առաջին՝ «Russia’s Economy of Favours: Blat, Networking and Informal Exchange» գրքում նա վերլուծում է բլատի ֆենոմենը՝ ոչ ֆորմալ շփումների և անձնական կապերի օգտագործումը ապրանքների և ծառայությունների ձեռքբերման համար խորհրդային համակարգում։ Նա ուսումնասիրել է այդ երևույթի պատմական, սոցիալ-տնտեսական և մշակութային բաղադրիչները և դրա ազդեցությունը հետխորհրդային Ռուսաստանի վրա։ Լեդենյովան հաստատում է, որ թեև ԽՍՀՄ-ի փլուզումից հետո քաղաքական և տնտեսական բարեփոխումները փոխեցին ռուսական առօրյան, սակայն բլատի պրակտիկան դեռևս առանցքային է հետխորհրդային առևտրային տնտեսության սոցիալ-տնտեսական խնդիրների ուսումնասիրության տեսանկյունից։
«How Russia Really Works» գրքում Լեդենյովան ուսումնասիրում է 1990-ականներին Ռուսաստանի քաղաքականության, բիզնեսի, ԶԼՄ-ների և իրավական համակարգի գործառնությունը։ Նա բացահայտում է այնպիսի երևույթներ, ինչպես հատուկ ընկերությունների վարձակալությունը մրցակիցների սև փիարի համար, հարկերից և օրինական դաշտից խուսափելու մեխանիզմների մշակումը։ Նրա կարծիքով այդ երևույթները վնասում են ֆորմալ կառույցների գործունեությանը։
«Can Russia Modernise?» գրքում Լեդենյովան նկարագրում է այն ոչ ֆորմալ կապերը, որոնք ձևավորում են ռուսական «համակարգը», այսինքն՝ գաղտնի կառավարման սխեմաները։ Նա կասկածի տակ է դնում ֆորմալ իշխանության դերը և առաջ է քաշում ժամանակակից Ռուսաստանում որոշումների կայացման այլընտրանքային տեսություն։
Լեդենյովայի «Ռուսաստանյան բարեհաճությունների տնտեսությունը. «բլատ», միջավայրը և ոչ ֆորմալ փոխհարաբերությունները» (Քեմբրիջի համալսարանի հրատարակչություն, 1998), «Ինչպե՞ս է Ռուսաստանն իրականում աշխատում. ոչ ֆորմալ պրակտիկաները 1990-ականներին (Քորնել համալսարանի հրատարակչություն, 2006) և «Կարո՞ղ է Ռուսաստանն արդիականանալ. համակարգ, ուժային կապերը և ոչ ֆորմալ կառավարում (Քեմբրիջի համալսարանի հրատարակչություն, 2013) դարձել են պարտադիր ընթերցման գրականություն ռուսաստանյան հետազոտությունների և սոցիալական գիտությունների բնագավառներում։
«Սիստեմայի»՝ Ռուսաստանում համակարգային կոռուպցիայի, վերաբերյալ Լեդենյովայի հետազոտությանը հաճախակի հղում է կատարվում հատկապես տարբեր երկրների քաղաքականություններում Ռուսաստանի միջամտության վերաբերյալ քննարկումներում և ուսումնասիրություններում[8][9]։
2018 թվականին Լեդենյովան հրատարակել է «Ոչ ֆորմալ պրակտիկաների համաշխարհային հանրագիտարանը» (անգլ․՝ Global Encyclopaedia of Informality), որտեղ տեղ են գտել ավելի քան 200 հեղինակների հոդվածներ աշխարհի տարբեր երկրներում ոչ ֆորմալ պրակտիկաների վերաբերյալ։ 2024 թվականին լույս է տեսել հանրագիտարանի երրորդ հատորը[10]։
Հիմնական աշխատություններ
[խմբագրել | խմբագրել կոդը]- Russia’s Economy of Favours (Cambridge University Press, 1998)
- How Russia Really Works: The Informal Practices That Shaped Post-Soviet Politics and Business (Cornell University Press, 2006)
- Can Russia Modernise? Sistema, Power Networks and Informal Governance (Cambridge University Press, 2013)
- The Global Encyclopaedia of Informality, Volume 1 (Open access) (UCL Press, 2018)
- The Global Encyclopaedia of Informality, Volume 2 (Open access) (UCL Press, 2018)
- The Global Encyclopaedia of Informality, Volume 3 (UCL Press, 2024)
Հոդվածներ
[խմբագրել | խմբագրել կոդը]- Барсукова C., Леденева А. От глобальной коррупционной парадигмы к изучению неформальных практик: различие в подходах аутсайдеров и инсайдеров Արխիվացված 2018-05-13 Wayback Machine // Вопросы экономики, 2014, № 2. С. 118—132.
- Леденева А. В. Личные связи и неформальные сообщества: трансформация блата в постсоветском обществе // Мир России. 1997. Т. 6. №. 4. С. 89-106.
- Леденева А. В. Неформальная сфера и блат: гражданское общество или (пост)советская корпоративность? // Pro et Contra. 1997. Т. 2. № 4. С. 113—124.
- Леденева А. В. Блат и рынок: трансформация блата в постсоветском обществе // Неформальная экономика. Россия и мир / Под ред. Т.Шанина. М.: Логос, 1999. С. 111—125.
- Леденева А. В. Теневой бартер: повседневность малого бизнеса// Неформальная экономика. Россия и мир / Под ред. Т. Шанина. М.: Логос, 1999. С. 292—310.
- Alena Ledeneva & Adnan Efendic (2023) There Is No Free Lunch: The Cost of Informal Networking for Entrepreneurs in Southeast Europe, Europe-Asia Studies, 75:4, 625-648
- Dana Minbaeva, Alena Ledeneva, Maral Muratbekova-Touron and Sven Horak (2023) Explaining the Persistence of Informal Institutions: The Role of Informal Networks, Academy of Management Review, Vol. 48, No. 3
Ծանոթագրություններ
[խմբագրել | խմբագրել կոդը]- ↑ 1,0 1,1 Identifiants et Référentiels (ֆր.) — ABES, 2011.
- ↑ 2,0 2,1 NUKAT — 2002.
- ↑ 3,0 3,1 Korean Authority File (կոր.)
- ↑ 4,0 4,1 4,2 4,3 4,4 4,5 Deutsche Nationalbibliothek Record #171690745 // Gemeinsame Normdatei (գերմ.) — 2012—2016.
- ↑ Montenegro A. ORCID Public Data File 2023 — 2023. — doi:10.23640/07243.24204912.V1
- ↑ «Alena Ledeneva's full research profile on UCL Profiles». profiles.ucl.ac.uk. UCL. Վերցված է 28.01.2024-ին.
- ↑ «Membersof ANTICORRP». anticorrp.eu. ANTICORRP. Վերցված է 28.01.2024-ին.
- ↑ «Interview: How Russia's 'Sistema' Leads To The 'Modernization Trap'». rferl.org. RFERL. Վերցված է 28.01.2024-ին.
- ↑ «A Theory of Trump Kompromat by Adam Davidson». newyorker.com. NewYorker. Վերցված է 28.01.2024-ին.
- ↑ «The Global Encyclopaedia of Informality, Volume 3». www.uclpress.co.uk. UCL Press. Վերցված է 28.01.2024-ին.
Արտաքին հղումներ
[խմբագրել | խմբագրել կոդը]- Պրոֆեսոր Ալյոնա Լեդենյովայի պաշտոնական կայք էջը
- Լեդենյովայի էջը Լոնդոնի համալսարանական քոլեջի կայքում
- http://ssees.academia.edu/AlenaLedeneva
- http://anticorrp.eu/author/alena-ledeneva/
- Լոնդոնի համալսարանական քոլեջի հրատարակչության FRINGE շարք
- Լեդենյովայի հարցազրույցը The Mint ամսագրին
- Ինչպիսին է ակադեմիական կյանքը Բրիտանիայում․ հարցազրույց Ալյոնա Լեդենյովայի հետ // Zima Magazine
- «Եթե դու չես կարող ընկերություն անել, ապա Ռուսաստանում չես ապրի». Պրոֆեսոր Ալյոնա Լեդենյովա // Zima Magazine
- 1964 ծնունդներ
- Ապրող անձինք
- Նովոսիբիրսկ քաղաքում ծնվածներ
- Հարվարդի համալսարանի դասախոսներ
- Քեմբրիջի համալսարանի շրջանավարտներ
- Գիտնականներ այբբենական կարգով
- Անձինք այբբենական կարգով
- Բրիտանացի սոցիոլոգներ
- Բրիտանացի տնտեսագետներ
- Բրիտանացի քաղաքագետներ
- Գիտությունների թեկնածուներ
- Փիլիսոփայական գիտությունների դոկտորներ
- Ռուս սոցիոլոգներ