Ալիս Աբգարիոս

Վիքիպեդիայից՝ ազատ հանրագիտարանից
Jump to navigation Jump to search
Ալիս Աբգարիոս
Ծնվել է1886
ԾննդավայրԲեյրութ, Սիրիայի վիլայեթ, Օսմանյան կայսրություն
Մահացել է1952
Մահվան վայրԲեյրութ, Լիբանան
ՔաղաքացիությունOttoman flag.svg Օսմանյան կայսրություն
Flag of Lebanon.svg Լիբանան
ԿրթությունԲեյրութի գերմանական վարժարան
Մասնագիտությունմանկավարժ
Ծնողներհայր՝ Յուհաննա Աբգարիոս, մայր՝ Աֆիֆե Գանավաթի
Պարգևներ և
մրցանակներ
Մատուցած ծառայությունների շքանշան

Ալիս Յուհաննայի Աբգարիոս (1886, Բեյրութ, Սիրիայի վիլայեթ, Օսմանյան կայսրություն - 1952, Բեյրութ, Լիբանան), հայ մանկավարժ, սկաուտիզմի հիմնադիրը արաբական երկրներում[1]։

Կենսագրություն[խմբագրել | խմբագրել կոդը]

Ալիս Աբգարիոսը ծնվել է 1886 թվականին, Բեյրութում, հայազգի գրող Յուհաննա Աբգարիոսի և արաբուհի Աֆիֆե Գանավաթիի ընտանիքում։ 1891-1899 թվականներին ուսանել է Բեյրութի գերմանական վարժարանում։ Կատարելապես տիրապետել է արաբերեն, ֆրանսերեն, անգլերեն և գերմաներեն լեզուներին։ 1900-1912 թվականներին ապրել է Կահիրեում, 1912-1914 թվականներին՝ Անգլիայում։ Լիբանանում ստեղծել է սկաուտական խմբեր, զբաղվել աղջիկների մարմնակրթական հարցերով։ 1917 թվականին հիմնել է իսլամական բարձրագույն Ահլիա դպրոցը, Դամասկոսի արաբական վարժարանը, Տրիպոլիի հույն ուղղափառների իգական վարժարանը։ 1923 թվականին նշանակվել է Լիբանանի և Սիրիայի սկաուտական ընդհանուր մարզպան[1]։

Աշխատություններ[խմբագրել | խմբագրել կոդը]

Գրել է անգլերեն մի ծավալուն աշխատություն՝ սկաուտիզմի մասին, որը թարգմանվել է արաբերեն[1]։

Պարգևներ[խմբագրել | խմբագրել կոդը]

Ստացել է «Գըրլ Գայդի գնդապետ և սկաուտապետ» պատվանունը, արժանացել Լիբանանի Արժանյաց շքանշանին։ Ողջ արաբական աշխարհը հիացմունքով է արտահայտվել նրա մասին[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 «Ծագումով հայ են», Արծվի Բախչինյան, Երևան, 1993, էջ 14.