Ալեքսանդր Մակքուին

Վիքիպեդիայից՝ ազատ հանրագիտարանից
Jump to navigation Jump to search
Ալեքսանդր Մակքուին
Alexander McQueen by FashionWirePress.jpg
Ծնվել էմարտի 17, 1969(1969-03-17)[1][2][3]
ԾննդավայրLewisham, Անգլիա
Մահացել էփետրվարի 11, 2010(2010-02-11)[4][1][5][2][3] (40 տարեկանում)
Մահվան վայրՄայֆեր, Անգլիա
ՔաղաքացիությունFlag of the United Kingdom.svg Միացյալ Թագավորություն[6]
Մայրենի լեզուանգլերեն
ԿրթությունՍուրբ Մարտինի արվեստի և դիզայնի կենտրոնական քոլեջ
Մասնագիտությունդիզայներ, նորաձևության դիզայներ և արվեստների գործիչ
ԱշխատավայրGivenchy, Gieves & Hawkes?, Alexander McQueen և Գուչի
Պարգևներ և
մրցանակներ
Բրիտանական կայսրության շքանշանի կոմանդոր Բրիտանական նորաձևության մրցանակ Բրիտանական նորաձևության մրցանակ Բրիտանական նորաձևության մրցանակ և Բրիտանական նորաձևության մրցանակ
Կայքalexandermcqueen.com
Alexander McQueen Վիքիպահեստում

Լի Ալեքսանդր Մակքուին (անգլ.՝ Lee Alexander McQueen, մարտի 17, 1969(1969-03-17)[1][2][3], Lewisham, Անգլիա - փետրվարի 11, 2010(2010-02-11)[4][1][5][2][3], Մայֆեր, Անգլիա), նորաձև հագուստի անգլիացի դիզայներ: Բրիտանական կայսրության կոմանդորի շքանշանակիր, չորս անգամ ճանաչվել է տարվա լավագույն բրիտանացի մոդելավորող:

Կենսագրություն[խմբագրել | խմբագրել կոդը]

Ծնվել է Լոնդոնում տաքսիստի և սոցիալական գիտությունների ուսուցչի ընտանիքում:

16 տարեկանում ավարտելով դպրոցը՝ Մակքուինն աշխատել է Անդերսոնի և Շեֆերդի (Anderson and Shepherd) ատելիեում, հետո Սևիլ Ռոուի արհեստանոցում՝ որպես դերձակ: Արհեստանոցում նա մասնագիտացել է տղամարդկանց կոստյումներ կարելու մեջ, որոնք ստեղծվում էին բարձր խավի համար մասնավոր պատվերով: Նրա հաճախորդներից էին Ուելսի արքայազնը, լորդ Ռոդշիլդը և Միխայիլ Գորբաչովը: Հետո նա աշխատել է «Բերմանս և Նաթան» թատրոնի կոստյումների արտադրամասում: 1991 թվականին Մակքուինն ավարտել է Սուրբ Մարտինի լոնդոնյան արվեստի քոլեջը: Նրա դիպլոմային աշխատանքը եղել է «Jack the Ripper Stalks His Victims» հավաքածուն:

Քոլեջն ավարտելուց հետո աշխատել է սկզբում ճապոնացի դիզայներ Կոջի Տացունոյի մոտ, ապա իտալացի մոդելյոր Ռոմեո Ջիլիի մոտ Միլանում։ 1994 թվականին Մակքուինը ներկայացրել է զգեստների իր անձնական հավաքածուն Լոնդոնի նորաձևության շաբաթվա ընթացքում։ Հաջորդ մի քանի տարիներին նա վարել է ազատ նկարչի կյանք և վաստակել տաղանդավոր խուլիգանի համբավ[7]։

1996 թվականին նա հրավիրվել է Givenchy նորաձևության տան գեղարվեստական տնօրենի պաշտոնի համար։ 2001 թվականին նա թողել է այդ տունը և աշխատանքի անցել Gucci Group կազմակերպությունում։

2003 թվականին հայտնվել է առաջին Alexander McQueen Kingdom բույրը, մեկ տարի անց ստեղծել է դրա՝ տղամարդկանց համար նախատեսված տարբերակը։ Երեք տարի անց դիզայները ցուցադրել է McQ երիտասարդական ապրանքանիշի առաջին հավաքածուն։

2005 թվականի հոկտեմբերին դիզայները «Պումա» կազմակերպության համար ստեղծել է սպորտային կոշիկների հավաքածու։ 2007 թվականի սկզբին Samsonite Black Label կազմակերպությունը թողարկել է նրա դիզայնով նկարազարդ ճամպրուկներ, որոնք հիշեցնում էին մարդու կրծքավանդակը։ Աշնանը Մակքուինը Մոսկվայում բացել է իր 4-րդ ֆիրմային բուտիկը (նախորդները բացվել են Լոնդոնում, Միլանում և Նյու Յորքում

2009 թվականին նա ստեղծել է Շեվալյե դ’Էոնին նվիրված «Էոնագատա» ներկայացման համար հագուստներ։ Նախագծի ռեժիսորը եղել է Ռոբերա Լեպաժը, խորեոգրաֆը՝ Ռասսել Մալիֆանտը, բալետի պարուհին՝ Սիլվի Գիլեմը։

Մահ[խմբագրել | խմբագրել կոդը]

2010 թվականի փետրվարի 11-ին Մակքուինին գտել են իր սեփական տանը կախված[8]։ Ինչպես հայտնել է բրիտանական «Sky News» նորությունների հեռուստաալիքը, դատաբժշկական փորձաքննության հաստատմամբ մահվան հավանական պատճառը եղել է ինքնասպանությունը[9]։ Փետրվարի 3-ին մահացել էր մայրը՝ Ջոյիսը, որի պատճառով Մակքուինն ընկել է դեպրեսիայի մեջ։ Բրիտանական ոստիկանությունը հաստատել է, որ զգեստապահարանում նա թողել է գրություն, որի տեքստը չի բացահայտվել[10]։

Անձնական կյանք[խմբագրել | խմբագրել կոդը]

Ալեքսանդր Մակքուինը եղել է բացահայտ համասեռամոլ[11]։ 2000 թվականին նա քաղաքացիական ամուսնություն է կնքել բրիտանացի կինովավերագիր Ջորջ Ֆորսայթի հետ[12]։

Մրցանակներ և պարգևներ[խմբագրել | խմբագրել կոդը]

1996, 1997, 2001 և 2003 թվականներին իր աշխատանքների համար Մակքուինն արժանացել է տարվա լավագույն դիզայների կոչմանը։ Ամերիկայի դիզայներների խորհրդի (CFDA) կարծիքով 2003 թվականին եղել է «Տարվա դիզայներ»։ McQ հավաքածուի համար նա 2007 թվականին ստացել է նորաձևության տնօրինությամբ մրցանակ, ինչպես նաև այլ մրցանականեր։

2003 թվականի ամռանը Ալեքսանդր Մակքուինն արժանացել է Բրիտանական կայսրության շքանշանի և դրան համապատասխան կոմանդորի տիտղոսի։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 German National Library, Berlin State Library, Bavarian State Library et al. Record #128568429 // Gemeinsame Normdatei — 2012—2016.
  2. 2,0 2,1 2,2 2,3 2,4 SNAC — 2010.
  3. 3,0 3,1 3,2 3,3 3,4 Find A Grave — 1995. — ed. size: 165000000
  4. 4,0 4,1 4,2 http://www.telegraph.co.uk/fashion/fashionnews/7223477/Alexander-McQueens-family-left-raw-by-his-death.html
  5. 5,0 5,1 5,2 Alexander McQueen
  6. LIBRIS — 2015.
  7. Александр Маккуин. Биографическая справка. // РИА Новости
  8. Британский модельер Александр МакКуин покончил с собой
  9. Модельер Александр МакКуин повесился — «Белорусские новости»
  10. Би-Би-Си: «Полиция подтвердила, что модельер МакКуин повесился»
  11. «Alexander McQueen Biography»։ Glbtq.com։ Արխիվացված օրիգինալից-ից 2013-05-24-ին։ Վերցված է 2010-02-11 
  12. Би-Би-Си: Обзор британских газет, 15.02.2008

Արտաքին հղումներ[խմբագրել | խմբագրել կոդը]