Ազգային պոլիտեխնիկական ինստիտուտ

Վիքիպեդիայից՝ ազատ հանրագիտարանից
Jump to navigation Jump to search
Ազգային պոլիտեխնիկական ինստիտուտ
Entrada IPN.JPG
Entrada IPN.JPG
Տեսակհամալսարան և ազատ հասանելիության հրատարակություն
Հիմնադրված էհունվարի 1, 1936
ՀիմնադրիրJuan de Dios Bátiz Paredes? և Կարդենաս-ի-դել-Ռիո
ԵրկիրFlag of Mexico.svg Մեքսիկայի Միացյալ Նահանգներ[1]
ՏեղագրությունՄեխիկո
Կայքipn.mx(իսպ.)
##Ազգային պոլիտեխնիկական ինստիտուտ (Մեքսիկա)
Red pog.png
Ազգային պոլիտեխնիկական ինստիտուտ, Մեքսիկա
Instituto Politécnico Nacional Վիքիպահեստում

Ազգային պոլիտեխնիկական ինստիտուտ (իսպ.՝ Instituto Politécnico Nacional), Մեքսիկայի ամենամեծ հանրային համալսարաններից մեկը, որն ավագ դպրոցի, բարձրագույն կրթության և հետբուհական կրթության մակարդակներում ունի 171581 ուսանող[2]։ Հիմնադրվել է 1936 թվականի հունվարի 1-ին նախագահ Լասարո Կարդենասի ղեկավարման ժամանակաշրջանում՝ անապահով սոցիալական դասին մասնագիտական կրթությամբ ապահովելու համար[3]։

Ինստիտուտն ունի 293 ուսումնական դասընթացներ տրամադրող 98 ստորաբաժանումներ[4]՝ 78 տեխնիկական մասնագիտությունների գծով, 80 հետդպրոցական և 135 հետբուհական ծրագրեր[5]։ Ինստիտուտի գլխավոր կամպուսը կոչվում է «Ադոլֆո Լոպես Մատեոս մասնագիտական միավոր» կամ «Սակատենկո», գտնվում է Մեխիկոյից 2.1 կմ հյուսիս։ Ինստիտուտը հիմնականում գտնվում է Մեխիկոյում և նրա արվարձաններում, սակայն մի քանի գիտահետազոտական ինստիտուտներ գտնվում են Մեքսիկայի մյուս 22 նահանգներում[5]։

Պատմություն[խմբագրել | խմբագրել կոդը]

Ադոլֆո Լոպես Մատեոս կամպուսի գլխավոր մուտքի ճարտարապետական նշանը

Ինստիտուտը հիմնադրվել է 1936 թվականի հունվարի 1-ին նախագահ Լասարո Կարդենասի պաշտոնավարման օրոք և գտնվել է նախկինում որպես «Ex hacienda Santo Tomás» հայտնի 16-րդ դարում կոնկիստադոր Էռնան Կորտեսին պատկանող մեծ կալվածքում[3], նվիրաբերել է Մեքսիկայի դաշնային կառավարության կողմից[6]։

Աշխարհահռչակ աստղագետ Լուիս Էնրիկե Էռոն, նախկին հեղափոխական Խուան դե Դիոս Բատիս Պարեդեսը և նախկին կրթության նախարար Նարսիսո Բասոլսը եղել են ինստիտուտի ստեղծման առաջին նախաձեռնողներից[6]։

Նախկին տնօրեն Ալեխո Պերալտայի ղեկավարման տարիներին ինստիտուտին բավականաչափ հողեր են հատկացվել։ Բռնագրավված Սանտա Մարիա Տիկոման (213 հեկտար) և Սան Պեդրո Սակատենկո (43 հեկտար) հողերը նույնպես օգտագործվել են[7]։

Այժմ որպես «Ադոլֆո Լոպես Մատեոս մասնագիտական միավոր» կամ «Սակատենկո» հայտնի կամպուսի շինարարությունն սկսվել է 1958 թվականին։ 1959 թվականին Մեքսիկայի նախկին նախագահ Ադոլֆո Լոպես Մատեոսը, կրթության նախկին նախարար Խայմե Տոռես Բոդետը և ինստիտուտի նախկին տնօրեն Էուխենիո Մենդես Դեկուռոն հանդիսավոր բացել են Սակատենկոյի 4 շինությունները, որոնք հատկացվել են Մեխանիկայի և էլեկտրատեխնիկայի (ESIME) և Ճարտարագիտության և ճարտարապետության ավագ դպրոցներին (ESIA)[7]:

Ինստիտուտն ունի շուրջ 98 գիտական ստորաբաժանումներ[5], այդ թվում՝ 18 մասնագիտական ավագ դպրոցներ, 26 համալսարանական քոլեջներ, 20 գիտական և տեխնիկական հետազոտական կենտրոններ, 17 շարունակական կրթության կենտրոններ, 4 կրթական աջակցության բաժին, 3 նորարարական կրթությանն աջակցող ստորաբաժանում, հետազոտություններին, տեխնոլոգիական զարգացումներին աջակցող 8 բաժիններ, 2 գիտությանն առընթեր, ձեռնարկության հետազոտությունների և զարգացման ստորաբաժանումներ։

Դպրոցները հիմնականում Մեխիկոյում են, թեև մի քանի ընդլայնված և հետազոտական կառույցներ տեղաբաշխված են երկրի 22 նահանգներում[5]։

Որոշ բաժիններ ունեն բարձր աստիճանի ակադեմիական և բյուջետային ազատության։ Ինստիտուտը ղեկավարում է գլխավոր տնօրենը, որին նշանակում է պետության նախագահը, սովորաբար (բայց ոչ միշտ) ակադեմիական համայնքի անդամների հետ խորհրդակցելուց հետո[8]։ 2014 թվականի նոյեմբերից ինստիտուտի գլխավոր տնօրենն է Էնրիկե Ֆերնանդես Ֆասնաչը[9]։

Ի լրումն ուսումնական ձեռնարկումների, որպես մշակութային խթանման ռազմավարություն, ինստիտուտըում գործում է «Canal Once»-ը՝ Լատինական Ամերիկայի ամենահին հանրային հեռարձակման ծառայությունը[10], որը ներկայացնում է բնօրինակ մշակութային, գիտական, տեղեկատվական և ժամանցային ծրագրեր, օտարերկրյա շոուներ և դասական, ոչ-առևտրային ֆիլմեր ամբողջ աշխարհից։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Բաց մատչելիության ամսագրերի տեղեկատու — 2003.
  2. National Polytechnic Institute։ «Lema» (Spanish)։ Արխիվացված է օրիգինալից May 6, 2009-ին։ Վերցված է October 6, 2009 
  3. 3,0 3,1 National Polytechnic Institute։ «Antecedentes del Centro Histórico y Cultural "Juan de Dios Bátiz"» (Spanish)։ Վերցված է December 9, 2009 
  4. National Polytechnic Institute։ «Compendio histórico 1930-1939» (Spanish)։ Արխիվացված է օրիգինալից February 19, 2010-ին։ Վերցված է October 6, 2009 
  5. 5,0 5,1 5,2 5,3 National Polytechnic Institute։ «Informe Anuel de Actividades dos mil trece» (PDF) (Spanish)։ Վերցված է December 16, 2014 
  6. 6,0 6,1 National Polytechnic Institute։ «Historia» (Spanish)։ Արխիվացված օրիգինալից November 23, 2007-ին։ Վերցված է November 25, 2007 
  7. 7,0 7,1 Universia Mexico (March 20, 2009)։ «Conmemora IPN 50 aniversario de la unidad "Adolfo López Mateos"» (Spanish)։ Վերցված է October 6, 2009 
  8. La Jornada։ «Villa Rivera: nombrar director del IPN, facultad sólo del Presidente» (Spanish)։ Վերցված է November 25, 2007 
  9. Quadratin México։ «Designan a Enrique Fernández Fassnacht director del IPN» (Spanish)։ Վերցված է December 16, 2014 
  10. Canal Once։ «Acerca de Canal Once» (Spanish)։ Վերցված է December 21, 2147 

Արտաքին հղումներ[խմբագրել | խմբագրել կոդը]