Աբգար Մովսիսյան

Աբգար Մովսիսյան
Ծնվել է	1905 ապրիլի 1
Ծննդավայր	Խալիլչաուշ
Մահացել է	սեպտեմբերի 21, 1967(1967-09-21) (տարիքը 62)
Մահվան վայր	Երևան
Ազգություն	հայ
Կրթություն	Հայկական պետական մանկավարժական համալսարան
Գիտական աստիճան	մանկավարժական գիտությունների դոկտոր
Մասնագիտություն	գիտնական
Քաղաքական կուսակցություն	ԽՄԿԿ
Պարգևներ և մրցանակներ	Հայրենական Մեծ պատերազմի առաջին աստիճանի և Աշխատանքային կարմիր դրոշի շքանշաններ

Աբգար Խաչատուրի Մովսիսյան (ապրիլի 1, 1905(1905-04-01) - սեպտեմբերի 21, 1967(1967-09-21), Երևան, Հայկական ԽՍՀ, ԽՍՀՄ), հայազգի խորհրդային մանկավարժ, ՀԽՍՀ գիտության վաստակավոր գործիչ, մանկավարժական գիտությունների դոկտոր, պրոֆեսոր (1963), ԽՄԿԿ անդամ 1927 թվականից։

Կենսագրություն

Ավարտել է Հայկական մանկավարժական ինստիտուտի պատմատնտեսագիտական ֆակուլտետի պատմության բաժինը։ 1932-1934 թվականներին եղել է ՀԽՍՀ լուսավորության նախարարության բաժնի, ապա՝ վարչության պետ։

1934-1935 թվականներին խմբագրել է «Կոմունիստական լուսավորություն», ապա «Կուլտուրական ֆրոնտ» և «Խորհրդային դպրոց» պարբերականները։

Հայրենական պատերազմի մասնակից, 1944-1946 թվականներին՝ ՀԽՍՀ լուսավորության նախարարության դպրոցների գիտահետազոտական ինստիտուտի տնօրեն, ապա՝ նախարարի տեղակալ։ 1932-1962 թվականներին դասախոսել է հանրապետության բուհերում և եղել Երևանի պետական համալսարանի մանկավարժության-հոգեբանության ամբիոնի վարիչ։

Երկեր

• «Ակնարկ հին հայերի կրթության մասին» (1939)
• «Ուրվագծեր հայ դպրոցի և մանկավարժության պատմության (10-15-րդ դարեր) (1958)
• «Հայ դպրոցի և ման կավարժության պատմությունից, սկզբից մինչև 18-րդ դար» (1968)
• «Ակնարկներ Սովետական Հայաստանի հանրակրթական դպրոցի պատմության»

Պարգևներ և մրցանակներ

Պարգևատրվել է Հայրենական Մեծ պատերազմի առաջին աստիճանի և Աշխատանքային կարմիր դրոշի շքանշաններով։

Արտաքին հղումներ

• Ակնարկ հին հայերի կրթության մասին

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանի «Մովսիսյան Աբգար Խաչատուրի» հոդվածից (հ․ 8, էջ 43 )։