Փիփերթազգիներ

Վիքիպեդիայից՝ ազատ հանրագիտարանից
Փիփերթազգիներ
Մոլոշավարդ վարդագույն
Մոլոշավարդ վարդագույն
Գիտական դասակարգում
Թագավորություն Բույսեր
Բաժին Ծածկասերմեր
Դաս Էուդիկոտներ
Կարգ Փիփերթածաղկավորներ
Ընտանիք Փիփերթազգիներ
Լատիներեն անվանում
Malvaceae

Փիփերթազգիներ կամ մոլոշազգիներ (լատ.՝ Malvaceae) ծածկասերմ բույսերի երկշաքիլավորների ընտանիքներից։

Ձևաբանություն[խմբագրել]

Խոտաբույսեր են, թփեր և ծառեր։ Տերևները պարզ են, ամբողջական կամ բլթակավոր, ունեն տերևակիցներ։ Ծաղիկները ծոցային են և մեկական կամ գագաթնային ծաղկաբույլերով, կանոնավոր, երկսեռ, երբեմն կոկոնը պատող խոշոր ծաղկակիցներով (ենթաբաժակով)։ Բաժակը հաճախ ձուլաթերթ է, պսակը՝ հնգաբաժան, պսակաթերթերը կոկոնի մեջ ոլորված են։ Առէջները շատ են, 2 շրջանով, արտաքին շրջանը քիչ առէջներից է կազմված, ներքինը՝ ընդհակառակը, իրենց թելիկներով՝ փնջերով միաձուլված է բազմաիվ առէջներից։ Պտղաթերթերը 5-ն են կամ շատ, միաձուլված, կազմում են վերնադիր սերմնարան։ Պտուղը բազմասերմ տուփիկ է, կամ պտղաթերթերն իրարից անջատվելու հետևանքով տրոհվող են։ Մեծ ընտանիք է, գործնականապես շատ արժեքավոր է։

Ցեղեր[խմբագրել]

Ցեղերից են՝

  • Փիփերթ Malva։ Բազմամյա և միամյա խոտաբույսեր են։ Պտուղը բազմաբաժան կուտ է։ Որոշ տեսակներ մոլախոտեր են։
  • Բաղրջուկ Hibiscus - Միամյա և բազմամյա խոտաբույսեր են և թփեր։
  • Բամբակ Grossypium: - Ծառեր և թփեր են։ Մշակության մեջ օգտագործվում են միայն կյանքի առաջին տարում և այդ պատճառով էլ սխալմամբ համարվում ենմիամյա։