Տաթևիկ Ղազարյան
 | |
|---|---|
| Ծնվել է | փետրվարի 19, 1983 (41 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Հայկական պետական մանկավարժական համալսարան (2003) |
| Քաղաքացիություն |  ԽՍՀՄ և  Հայաստան |
| Մասնագիտություն | դերասանուհի |
| Ծնողներ | մայր՝ Արև Սանթրոսյան |
| Պարգևներ և մրցանակներ | |
Տաթևիկ Խաչատուրի Ղազարյան (փետրվարի 19, 1983, Երևան, Հայկական ԽՍՀ, ԽՍՀՄ), հայ դերասան։
Կենսագրություն[խմբագրել | խմբագրել կոդը]
Տաթևիկ Ղազարյանը ծնվել է 1983 թվականի փետրվարի 19-ին, Երևանում։ Սովորել և ավարտել է Երևանի Խաչատուր Աբովյանի անվան թիվ 2 դպրոցը, 1999-2003 թվականներին՝ Երևանի թատրոնի և կինոյի պետական ինստիտուտի դերասանական ֆակուլտետը։ 2000 թվականից Երևանի Սոս Սարգսյանի անվան պետական Համազգային թատրոնում աշխատում է որպես դերասանուհի։ 2001-2003 թվականներին Հայկական երկրորդ հեռուստաալիքում եղել է հաղորդավար։ 2003 թվականից մի շարք հեռուսաընկերություններում աշխատում է որպես ֆիլմերի կրկնօրինակող։ 2003-2004 թվականներին աշխատել է Երևանի Երիտասարադական փորձարարական թատրոնում։ 2006-2011 թվականներին եղել է Երևանի պետական կամերային երաժշտական թատրոնի դերասանուհի։ 2010 թվականից դասավանդում է տարածաշրջանային թիվ 1 պետական քոլեջում։ Մասնակցել է մի շարք միջազգային փառատոների` Իրանի «Իրանզամին», Ռուսաստանի «Մինիֆեստ» և այլն[1]։
Ներկայացումներ[խմբագրել | խմբագրել կոդը]
| Հեղինակ | Ստեղծագործություն | Դեր |
|---|---|---|
| Մկրտիչ Խերանյան | «Շխոց Միհրան» | Մարե |
| Ա. Սիմոնյան | «44 աստիճանի վրա» | Սիրանույշ |
| Ս. Սարգսյան | «Խեղճ Պետրոս» | Պերճուհի |
| Հակոբ Պարոնյան | «Սիրո միջնորդները» | Միջնորդ կին |
| Սոֆոկլես | «Անտիգոնե» | Անտիգոնե |
| Էռնեստ Հեմինգուեյ | «Ծերունին և ծովը» | Տղա |
| Էդմոն Ռոստան | «Ռոմանտիկները» | Սիլվետ |
| Ա. Հերն | «Շան աղջիկ» | Ֆիլլիս |
| Ռ. Լամուրե | «Ախ կանայք, կանայք» | Սոֆի |
| Հովհաննես Թումանյան | «Անուշ» | Մայր |
| Ուիլյամ Սարոյան | «Փրկության կղզի» | Քլեյ |
| Ուիլյամ Սարոյան | «Մի գավաթ բարություն» | Ագնես |
| Ե. Շվարց | «Վիշապը» | Աղջիկ |
| Կ. Մանյե | «Բլեզ» | Մարի |
| Գաբրիել Սունդուկյան | «Օսկան Պետրովիչն էն կինքումը» | Խամփերի |
Մրցանակ[խմբագրել | խմբագրել կոդը]
- «Կնոջ լավագույն դերակատարման» համար մրցանակ, 2003
- «Բազե» համահայկական երիտասարդական հավաքի «Լավագույն ազգային ստեղծագործող-կատարող» ՀՀ վարչապետի հատուկ մրցանակ, 2004
- ՀՀ մշակույթի նախարարության պատվոգիր, 2011
- ՀԹԳՄ «Արտավազդ» մրցանակ, 2012
- ՀԹԳՄ «Արտավազդ» մրցանակ՝ որպես «Լավագույն դերասանուհի» («Սովորական օր» ներկայացման համար)[2]
Ընտանիք[խմբագրել | խմբագրել կոդը]
- Մայր՝ Արև Սանթրոսյան, դերասանուհի
- Քույր՝ Շուշան Ղազարյան, դերասանուհի
Ծանոթագրություններ[խմբագրել | խմբագրել կոդը]
- ↑ «Տաթևիկ Ղազարյանի avproduction.am կենսագրությունը կայքում». Արխիվացված է օրիգինալից 2021 թ․ հունիսի 26-ին. Վերցված է 2020 թ․ մայիսի 14-ին.
- ↑ Տարվա լավագույն դերասանուհի է ճանաչվել Տաթև Ղազարյանը