Սարսափների դուռ
Սարսափների դուռ (անգլ.՝ The Scary Door) հեռուստատեսային «շոու շոուի մեջ»՝ «Ֆուտուրամա» մուլտսերիալում՝ «Իմ բոլոր դետալիկները» սերիալի, «Բոլորը սիրում են հիպնոդոդոշին» շոուի և «Ուշ երեկո Յումորբոտի հետ 5.0» հաղորդման հետ միասին։ Սա 1959—1964 թվականների «Մթնշաղային զոնա» սերիալի պարոդիան է։
Ընդամենը 7 էպիզոդ ունի[1]։
Նկարագրություն[խմբագրել | խմբագրել կոդը]
«Սարսափների դուռ»-ը մուլտսերիալում հայտնվում է 5-րդ էպիզոդում՝ հինգ սարսափելի պատմություններով (սարսափ ֆիլմերի կամ միստիկայի մասին հեռուստահաղորդումների կամ անբացատրելի երևույթների ոճի պարոդիայով)։ Շոուն նաև խաղարկվում է «Futurama Comics» № 28-ով։ Ֆարնսվորտը «Մոլորակային էքսպրես»ի թիմը ուղարկում է շոուի գրասենյակ, որտեղ նրանց հետ տարօրինակ բաներ են տեղի ունենում։
Էպիզոդներ[խմբագրել | խմբագրել կոդը]
Վերջին մարդը[խմբագրել | խմբագրել կոդը]
Առաջին էպիզոդը ցուցադրվել է «A Head in the Polls» սերիայում։ Սա «Մթնշաղային զոնա»-ի «Time Enough at Last» սերիայի պարոդիան է։ Ցույց է տրվում կործանված և անմարդաբնակ մոլորակը։ Կենդանի մնացած վերջին մարդը մտնում է գրադարան և ուրախությամբ հայտարարում, որ այժմ իր կյանքի մնացած բոլոր տարիներին կարող է կարդալ։ Բայց հանկարծ նրա ակնոցները կոտրվում են։ Այդ ժամանակ նա ասում է, որ իր տեսողությունը այդքան էլ թույլ չէ, և կարող է մեծ տառաչափով գրքեր կարդալ. այդ պահին նրա աչքերը դուրս են գալիս ակնակապիճներից։ Չշփոթվելով՝ նա հայտարարում է հանդիսատեսին, որ կարող է կարդալ մատերով, բայց ձեռքերը պոկվում-ընկնում են, և «Ինչու՞ է կյանքն այսպես անարդար» ճչալով՝ մարդը տրոհվում է մասերի։
Խաղի մասնակից[խմբագրել | խմբագրել կոդը]
Երկրորդ էպիզոդը, ցուցադրված «I Dated a Robot» սերիայում, ծ «Մթնշաղային զոնա»-ի հաջորդ սերիաների՝ «The Fever» (անգլ.), «A Nice Place to Visit» (անգլ.), «Nightmare at 20,000 Feet» (անգլ.), «The Man in the Bottle» (անգլ.) պարոդիան է։ Կլայդ Սմիթ անունով մի մարդ դուրս է գալիս կազինոյից և ընկնում է մեքենայի տակ։ Նա գիտակցության է գալիս խաղային ավտոմատի առջև, խաղում և ջեքփոթ է շահում։
- — Ես կազինոյում եմ և ես շահեցի։ Այդ ի՞նչ մեքենա ինձ հարվածեց։ Հավանաբար ես դրախտում եմ։
- Նա ևս մեկ խաղ է խաղում և կրկին հաղթում է։
- — Սա կազինո է, որում ես միշտ շահում եմ ունենում։ Ի՜նչ ձանձրալի է։ Հավանաբար ես... դժոխք եմ ընկել։
- Նրան մի տղամարդ է մոտենում, ով ասում է՝
- — Դուք դժոխքում չեք, և ոչ էլ՝ դրախտում, պարոն Սմիթ։ Դուք թռչում եք ինքնաթիռով։
- Կլայդը նայում է իլյումինատորին և ինքնաթիռի թևին տեսնում է մալուխները պատառոտող ձնեմարդու։
- — Մի մեծ կապիկ կոտրում է ինքնաթիռը։ Հավատացեք ինձ։
- — Ինչու՞ ես պետք է քեզ հավատամ։ Չէ՞ որ դուք Հիտլերն եք,- մարդը Կլայդին է մեկնում հայելին, որի մեջ նա տեսնում է իրեն՝ Հիտլերին։
- Նա նկատում է կողքին նստած Եվա Բրաունին։
- — Եվա Բրաուն, օգնիր ինձ։
- Եվա Բրաունը բռնում է իր մազերից, հանում է դիմակը և պարզվում է, որ նա հսկայական ճանճի գլուխ ունի (1957 թվականի «Ճանճ» ֆիլմի պարոդիան է)։
Շոուին հետևող Բենդերը մեկնաբանում է՝ «Ես այդպես էլ գիտեի»։
Բացարձակ չարիք[խմբագրել | խմբագրել կոդը]
Երրորդ էպիզոդի գործողությունները (ցուցադրվել են «Spanish Fry» սերիայում) տեղի են ունենում խելագար գիտնականի լաբորատորիայում։ Նա ձեռքի մեջ է պահում կանաչ հեղուկով լի փորձանոթը և ասում է՝
- — Ես համակցել եմ այս աշխարհի ամենաչար կենդանիների ԴՆԹ-երը, որպեսզի ստեղծեմ ամենայն չարիքը։
- Նա փորձանոթը տեղադրում է տարօրինակ սարքի մեջ, և այդ սարքից հայտնվում է մի մերկ մարդ։
Եվս մեկ էպիզոդ[խմբագրել | խմբագրել կոդը]
Չորրորդ էպիզոդը «Աշխարհների պատերազմը» ֆիլմի պարոդիան է։ Ցուցադրվում է մի ֆերմա, որի վրա անակնկալ հարձակվում են այլմոլորակայինները։ Զինվորականները սաստիկ վշտանում են, որ իրենց զենքերը չեն ազդում գրոհայինների վրա։ Ֆերմայի տերը նկատում է, որ ափսեներն ընկնում են, և կադրից դուրս ձայնն ասում է՝ «Եկվորներին ոչնչացրեց Աստծո արարածների մեջ ամենաաննկատելին՝ տիրանոզավր-ռեքսը»։
Այլմոլորակայիններ տիեզերքից[խմբագրել | խմբագրել կոդը]
Հինգերորդ էպիզոդում ոչ հայտնի գաղափարներ ունեցող հռչակավոր սենատորի մամլո ասուլիսն է։ Սենատորն ասում է՝
- — Ոչ մի այլմոլորակային տիեզերքում գոյություն չունի։
Ամբոխից դուրս է գալիս մի մարդ՝
- — Մի՞թե։ Ինչպե՞ս կարող եք վստահ լինել, որ մեզանից որևէ մեկը այլմոլորակային չի։
Սենատորը, դիմակը հանելով այդ մարդու դեմքից, ասում է՝
- — Ես կասեմ քեզ, թե ինչպես, որովհետև դու նրանցից մեկն ես։