Ռոբերտ Լուիս Սթիվենսոն

Վիքիպեդիայից՝ ազատ հանրագիտարանից
Picto infobox auteur.png
Ռոբերտ Լյուիս Ստիվենսոն

Robert Louis Stevenson Knox Series.jpg

Ծնվել է նոյեմբերի 13 1850
Էդինբուրգ
(Շոտլանդիա)
Մահացել է դեկտեմբերի 3 1894
Ուպոլու, (Սամոա)
Մասնագիտություն գրող, բանաստեղծ
Ազգություն շոտլանդացի
Գրական ոճեր "Արկածային"
Ուշագրավ աշխատանքներ "Գանձերի կղզին", "Սև նետը"

Ռոբերտ Լյուիս Ստիվենսոն (անգլ.՝ Robert Louis Stevenson, նախապես Robert Lewis Balfour Stevenson; նոյեմբերի 13 1850, Էդինբուրգ - դեկտեմբերի 3 1894, Ուպոլու, Սամոա), շոտլանդացի արձակագիր և բանաստեղծ, աշխարհահռչակ արկածային վեպերի հեղինակ, անգլիական նեոռոմանտիզմի ներկայացուցիչ։ Այժմ Սթիվենսոնը աշխարհում 26 ամենաշատ թարգմանվող հեղինակների շարքում է.նա դեռ կենդանության տարիներին է հասցրել մեծ ճանաչում ձեռք բերել:

Կրթություն[խմբագրել]

1857 թվականի սեպտեմբերից մինչև 1859 թվականի հոկտեմբեր Սթիվենսոնը գնում է Հենդերսոնի դպրոց, բայց առողջական վատ վիճակի պատճառով շատ է բացակայում, որոնք լրացվում են մասնավոր ուսուցիչների միջոցով: 1861 թվականից հաճախել է Էդինբուրգի ակադեմիա, որը անկախ ու առանձին դպրոց էր տղաների համար: 1864 թվականից սովորել է Էդինբուրգում գտնվող Ռոբերտ Թոմսոնի մասնավոր դպրոցում: 1867 թվականին Սթիվենսոնը ընդունվում է Էդինբուգի համալսարան: Ընդունվելով Էդինբուրգի համալսարան՝ Սթիվենսոնը սովորում է ինժեներության գծով՝ շարունակելով ընտանեկան մասնագիտությունը՝ փարոսների նախագծում: Բայց հետագայում փոխում է ֆակուլտետը և 1875 թվականին ավարտում է համալսարանը՝ իրավաբանություն մասնագիտությամբ: Չնայած ծանր հիվանդությանը (թոքերի և բրոնխների տուբերկուլյոզ), Սթիվենսոնը շատ է ճանապարհորդել: 1876 թվականից ընկերոջ՝ Ուիլյամ Սիմփսոնի հետ ճանապարհորդում է Բելգիայի և Ֆրանսիայի ջրային տարածքներով: Այս ճանապարհորդության տպավորությունները հետագայում տեղ են գտնում «Ճանապարհորդություն երկրի ներսում» ակնարկային գրքում (1878):

Ստեղծագործությունը[խմբագրել]

Թողել է հարուստ գրական ժառանգություն: Նրա հայտնի ստեղծագործություններից են «Գանձերի կղզին» [1] (1883), «Բժիշկ Ջեքիլն և պարոն Հայդը» (1886), «Սև նետը» (1888), «Արքայազն Օտտոն» (1885) և այլն: