Ռոան (ֆր.՝ Roanne), քաղաքՖրանսիայի կենտրոնական մասում՝ Լուար դեպարտամենտում, որի կազմի մեջ մտնող նույնանուն շրջանի վարչական կենտրոնն է։ Ընկած է Լուար գետի ափին, Լիոն քաղաքից մոտավորապես 80 կիլոմետր դեպի հյուսիս-արևմուտք։ Զբաղեցնում է 16,12 քառակուսի կիլոմետր տարածք։ 2009 թվականի տվյալներով բնակչության թվաքանակը եղել է 36,1 հազար։ Քաղաքում գործում է հիշարժան մի թանգարան՝ Ժոզեֆ Դեշելետի անվան գեղարվեստի և հնագիտության թանգարանը (Musée des Beaux-arts et d'Archéologie Joseph-Déchelette French), որը համբավվել է հին եգիպտական արտեֆակտների հարուստ հավաքածուով։
Գալլա-հռոմեական ժամանակներում բնակավայրն անվանվել է Ռոդումնա (Rodumna): Միջնադարում պատկանել է Ֆորեզի կոմսերին։ XVI դարում դարձել է Գուֆյե ազնվականական տոհմի տիրույթը, այդ կապակցությամբ արքայի հրամանագրով ստացել է հերցոգության (դքսության) կարգավիճակ։ Պատմա-մշակութային հուշարձաններից քաղաքում պահպանվել են ամրոցի դոնժոնը (12-րդ դար), Մատել պալատը (16-րդ դար)։
Ռոանը բուռն զարգացում է ապրել Ֆրանսիայի միավորումից հետո՝ դառնալով ուղևորների ու բեռների փոխադրման կարևոր հանգույց Փաևիզից Միջերկրական ծով տանող ճանապարհին։ Այսօր էլ քաղաքում խաչվում են մի շարք երկաթգծեր ու ավտոմայրուղիներ։ Կարևոր դեր է խաղում նաև գետային նավահանգիստը։