Ուիլյամ Բուգրո

Վիքիփեդիայից՝ ազատ հանրագիտարանից

Ուիլյամ-Ադոլֆ Բուգրո
William-Adolphe Bouguereau
Ուիլյամ Բուգրոյի ինքնապատկերը (1879 թ.), գեղանկարիչ
Ծննդյան օր՝	նոյեմբերի 30, 1825 թ.
Ծննդավայր՝	Լա Ռոշել, Ֆրանսիա
Վախճանի օր՝	օգոստոսի 19, 1905 թ.
Վախճանի վայրը՝	Լա Ռոշել, Ֆրանսիա

Ուիլյամ-Ադոլֆ Բուգրոն (1825 թ. նոյեմբերի 30 - 1905 թ. օգոստոսի 19) Ֆրանսիացի նկարիչ է՝ ակադեմիական սալոնային կերպարվեստի ակնառու ներկայացուցիչ և ամենահանճարեղ նկարիչներից մեկն արվեստի ողջ պատմության մեջ։

Բովանդակություն 1 Կյանքը և կենսագործունեությունը 2 Հանրահռչակությունը և անկումը 2.1 Հետաքրքիր տեղեկություններ 3 Լավագույն կտավները 4 Այցելեք նաև 5 Աղբյուրներ 6 Արտաքին հղումներ 7 Պատկերասրահ 7.1 1850 թթ. 7.2 1860 թթ. 7.3 1870 թթ. 7.4 1880 թթ. 7.5 1890 թթ. 7.6 1900 թթ.

[խմբագրել] Կյանքը և կենսագործունեությունը

Ծնվել է 1825 թ. նոյեմբերի 30-ին Ֆրանսիայի Լա Ռոշել քաղաքում։ Կերպարվեստն ուսումնասիրել է գեղեցիկ արվեստների Թագավորական դպրոցում։ 1850 թ. արժանացել է «Prix de Rome» կրթաթոշակին, որն այն ժամանակ հատկացվում էր կերպարվեստ ուսումնասիրող ուսանողներին։ Անհրաժեշտ դրամական միջոցներ ձեռք բերելով՝ Բուգրոն ամբողջապես նվիրվեց իր սիրելի գործին՝ գեղանկարչությանը։ Ընդհանուր առմամբ, կյանքի ընթացքում նա նկարել է ութ հարյուր քսանվեց կտավ։

Բուգրոն ամուսնացել է երկու անգամ։ Երկրորդ անգամ ամուսնացել է տակավին հասուն տարիքում՝ երիտասարդ արվեստասեր ուսանողուհիներից մեկի՝ Էլիզաբեթ Ջեյն Գարդների հետ։

[խմբագրել] Հանրահռչակությունը և անկումը

Բուգրոյի կարիերան, կարելի է ասել, բարեհաջող կայացավ, և կյանքի ընթացքում նկարիչը հասցրեց զգալ հանրահռչակության համը և վայելել քննադատների բարյացկամությունը՝ ավելի քան հիսուն տարի շարունակ ցուցադրելով իր ստեղծագործությունները Փարիզում ամեն տարի կազմակերպվող ցուցահանդեսներում։Նա այն հազվագյուտ կլասիցիստներից է, որոնց հաջողվել է հիանալի կերպով արտացոլել կերպարների անհատականությունն ու տրամադրությունն իրենց կտավներում։ Պատմական, դիցաբանական, աստվածաշնչային և այլաբանական թեմաներով նրա ստեղծագործություններում ամենափոքր դետալներն անգամ կոմպոզիցիայի տեսանկյունից մանրակրկիտ կերպով չափաձևված են։ 1900 թ. Դեգան և Մոնեն նրան անվանեցին 19-րդ դարի «մեծագույն նկարիչ»։ Իրականում, ավանգարդիստները նկարչի անունը ծաղրանքով էին նշում և գեղանկարչության տեսանկյունից անթերի հղկված որևէ նկարի վերաբերյալ կարծիք արտահայտելիս գործածում էին «բուգրոյացված» արտահայտությունը։ Վան Գոգը նրան անվանում էր վարպետ, որին լավ վճարում են «փափուկ, սիրունատես» բաներ նկարելու համար ^[1]։ Բուգրոն, մինչդեռ, ամեն կերպ ընդդիմանում էր իմպրեսիոնիստների ստեղծագործությունների ցուցադրմանն իր կողմից «բռնագրավված» ցուցասրահներում՝ անվանելով դրանք անավարտ էսքիզներ։ 20-րդ դարի սկզբին նրա անունն ու կտավները անխնա քննադատվում էին, քանի որ գերիշխում էր նկարչին խորթ իմպրեսիոնիզմը։

«Ես ընդունում և հարգում եմ գեղանկարչության բոլոր դպրոցները, որոնց հիմքում դրված է բնության մանրազնին ուսումնասիրության, ճշմարտության և գեղեցկության որոնման գաղափարը: Միստիկների, իմպրեսիոնիստների, պուանտիլիստների և այլլոց մասին կասեմ, որ չեմ տեսնում աշխարհն այնպես, ինչպես իրենք են տեսնում: Սա է նրանց չսիրելու իմ միակ պատճառը», Ուիլյամ Բուգրո: ^[2]

Ուիլյամ Բուգրոն կյանքին հրաժեշտ տվեց 1905 թ. օգոստոսի 19-ին հայրենի Լա Ռոշել քաղաքում։ Բարեբախտաբար, նա մեզ հետ չէր, որպեսզի հետևեր ավանդական արվեստի վրա կատարվող անարդար հարձակումներին, որոնք մի քանի տասնամյակների ընթացքում տակնուվրա արեցին արվեստի ողջ աշխարհը։ Այսպիսով, անցած դարի ընթացքում նկարչի անկրկնելի ստեղծագործությունները դիմակայում էին պարբերական հարձակումների անտանելի տարափին։ Բուգրոյի ճակատագիրն այս տեսանկյունից շատ նման է Ռեմբրանդտի ճակատագրին, որի ստեղծագործությունները ևս ծաղրուծանակի ենթարկվելով՝ դուրս էին մղվում թանգարաններից ու արվեստի պաշտոնական շրջաններից նկարչի մահից հետո շուրջ հարյուր տարի շարունակ։

Որոշ ժամանակ անց արվեստի աշխարհում ամեն ինչ կարգավորվեց, և բարձրակարգ գեղանկարչությունը, անկախ պատկանելության դարաշրջանից, վերստին սկսեցին ըստ արժանվույն գնահատել։ Զուգահեռաբար աճեց հետաքրքրությունը Բուգրոյի ստեղծագործությունների հանդեպ։ Սկսած 1979 թ. նրա կտավների գինն աճուրդներում քառապատկվեց։ Հետագայում նկարչի կտավների գինը սրընթաց բարձրացավ 1984 թ. մշակույթի պատմությանը նվիրված ցուցահանդեսների շնորհիվ, որոնք կազմակերպվեցին Փարիզի «Petit Palais» թանգարանում, այնուհետև՝ ԱՄՆ-ի Կոնեկտիկուտ նահանգի Հարթֆորդ քաղաքի «Wadsworth Athenaeum» արվեստի թանգարանում և ավարտվեցին Կանադայի Մոնրեալ քաղաքի «Գեղեցիկ արվեստների թանգարանում»։ Այժմ նկարչի կտավները ցուցադրվում են աշխարհի շուրջ հարյուր թանգարաններում և առակային բարձր գներ ունեն։

Ուիլյամ Բուգրոն կարողացել է կենդանացնել կերպարներին՝ արտացոլելով նրանց անհատական առանձնահատկությունները և տրամադրությունն իր կտավներում։ Նա կերպարին կենդանություն էր հաղորդում այնպես, ինչպես Ռեմբրանդտը, սակայն վերջինս իր ստեղծագործություններում արտացոլում է ծերության ոգին, Բուգրոն՝ երիտասարդությունը և գեղեցկությունը։ ^[3]

[խմբագրել] Հետաքրքիր տեղեկություններ

• 1980 թ. Նյու Յորքի Մետրոպոլիտեն թանգարը որոշեց ընդմիշտ իրեն վերապահել Բուգրոյի նկարած երկու կտավների ցուցադրման իրավունքը, քանի որ դրանք բարձիթողի վիճակում մնացել էին թանգարանի պահեստում դարասկզբից։
• 2000 թ. ամռան աճուրդներից մեկում Բուգրոյի 1878 թ. նկարված «Գթասրտություն» կտավը վաճառվեց 3,600,000 ԱՄՆ դոլարով։
• Ուիլյամ Բուգրոն առաջինն էր, որ մտածեց կանանց առջև բացել Ֆրանսիական ակադեմիայի դռները։
• Նկարչի ամբողջական անվան մասին տեղեկությունները տարբեր են. ըստ որոշ աղբյուրների՝ նրա անունը Ուիլյամ-Ադոլֆ Բուգրո է (նկարչի ստեղծագործական անունը), ըստ այլ աղբյուրների՝ Ադոլֆ Ուիլյամ Բուգրո (Ֆրանսիայում ընդունված պաշտոնական տարբերակ)։ Կտավներն ավարտելով՝ նկարիչը ստորագրում էր պարզապես՝ Ուիլյամ Բուգրո, ինչից կարելի է ենթադրել, որ նրա անունը «Ուիլյամ» է, այլ ոչ՝ «Ադոլֆ»՝ անկախ անվան, ազգանվան և հայրանվան հերթականությունից։ Ստեղծագործական կյանքի վաղ շրջանում նա կտավները ստորագրում էր ֆրանսերեն տառերով՝ «W.Bouguereau.ամսաթիվ», ավելի ուշ՝ լատիներեն տառերով՝ «W-BOVGVEREAV-ամսաթիվ»։

[խմբագրել] Լավագույն կտավները

[խմբագրել] Այցելեք նաև

• Ուիլյամ Բուգերոյի կտավների առցանց պատկերասրահ
• Առցանց թանգարան
• Նիմֆերը և Սատիրը
• «Artcyclopedia»

[խմբագրել] Աղբյուրներ

1. ↑ «Տեսակետ արվեստի մասին. Բուգրոյի համար արվեստը միայն "գեղեցիկն" է» Գրեյս Գլյուք, 1985թ հունվարի 6, Նյու Յորք Թայմս
2. ↑ «Ակադեմիական ավանդույթներն՝ անհատականացված»
3. ↑ «Ուիլյամ Բուգրո (1825-1905թթ.)», հեղինակ՝ Դեմյեն Բարտոլի (թարգմանությունը՝ Քինգսլի Օուենի և Խուան Մարտինեսի, խմբագրումը՝ Ֆրեդ Ռոսի)

[խմբագրել] Արտաքին հղումներ

• Ուիլյամ Բուգրոյի պատկերասրահն «Art Renewal Center» վեբկայքում
• www.bouguereau.org «Ուիլյամ-Ադոլֆ Բուգրոյի 288 ստեղծագործությունները»
• "In the Studios of Paris: William Bouguereau and His American Students", Authors: James F. Peck, Eric M. Zafran, Damien Bartoli, Charles Pearo , Publish Date : September, 2006, ISBN : 0300114133

[խմբագրել] Պատկերասրահ

[խմբագրել] 1850 թթ.

«Դանթեն և Վերգիլիոսը դժոխքում» (1850 թ.)	«Ամելինա Դյուֆոդ Բուգրոյի դիմանկարը (1850 թ.)	A Portrait of Eugène Bouguereau (1850)	A Portrait of Geneviève Bouguereau (1850)
A Portrait of Léonie Bouguereau (1850)	Portrait of Monsieur M. (1850)	Եղբայրական սեր (1851 թ.)	Arion on a Sea Horse (1855)
Bacchante on a Panther (1855)	The Dance (1856)	«Գթասրտություն» (1859 թ.)	The Day of the Dead (1859)

[խմբագրել] 1860 թթ.

Tobias Saying Good-Bye to his Father (1860)	Young Woman Contemplating Two Embracing Children (1861)	The Remorse of Orestes (1862)	The Prayer (1865)
Soup (1865)	Premières Caresses (1866)	Gypsy Girl with a Basque Drum (1867)	Yvonnette (1867)
The Bunch Of Grapes (1868)	Young Shepherdess (1868)	The Elder Sister (1869)	The Haymaker (1869)
The Knitting Girl (1869)	Maternal Admiration (1869)	Washerwomen of Fouesnant (1869)	Young Worker (1869)
Seule au monde (before 1867)

[խմբագրել] 1870 թթ.

Bather (1870)	Breton Brother and Sister (1871)	Italian Girl Drawing Water (1871)	Young Mother Gazing At Her Child (1871)
Pendant l'Orage (1872)	The Proposal (1872)	Nymphs and Satyr (1873)	The Spinner (1873)
Child Braiding A Crown (1874)	Homer and his Guide (1874)	After the Bath (1875)	At the Edge of the Brook (1875)
Cupidon (1875)	Flora And Zephyr (1875)	Lullaby (1875)	The Virgin, Jesus & Saint John Baptist (1875)
Charity (1878)	The Nymphaeum (1878)	Return from the Harvest (1878)	At the Edge of the Brook (1879)
The Birth of Venus (1879)	Rest (1879)	Young Gypsies (1879)	La Frileuse (1879)
Tricoteuse (1879)	Mademoiselle Elizabeth Gardner (1879)	The Bather (1879)

[խմբագրել] 1880 թթ.

The Flagellation of Our Lord Jesus Christ (1880)	Temptation (1880)	A Young Girl Defending Herself Against Eros (1880)	Dawn (1881)
Day (1881)	The Shepherdess (1881)	Song of the Angels (1881)	Evening Mood(1882)
The Little Knitter (1882)	The Nut Gatherers (1882)	The Motherland (1883)	La Nuit (1883)
Biblis (1884)	Crown of Flowers (1884)	The Difficult Lesson (1884)	The Horseback Ride (1884)
Seated Nude (1884)	Lost Pleiad (1884)	The Youth of Bacchus (1884)	Love's Resistance (1885)
Young Girl Going to the Spring (1885)	The Young Shepherdess (1885)	Big Sis' (1886)	Return of Spring (1886)
Self-Portrait Presented To M. Sage (1886)	Thirst (1886)	Brother And Sister (1887)	Young Shepherdess Standing (1887)

Study: Head Of A Little Girl (1888)	L'Amour et Psyché, enfants (1889)	The Little Shepherdess (1889)	The Shepherdess (1889)
Whisperings of Love (1889)	Young Girl Crocheting (1889)

[խմբագրել] 1890 թթ.

«Գնչուն» (1890 թ.)	«Փոքրիկ հորդորանք» (1890 թ.)	«Սերը՝ սպասողական վիճակում» (1890 թ.)	«Գաբրիել Կոտի դիմանկարը» (1890 թ.)
«Կոտրված սափորը» (1891 թ.)	«Սագապահ աղջիկը» (1891 թ.)	«Ընդհատված աշխատանք» (1891 թ.)	«Փսիխեա» (1892 թ.)
The Invasion (1893)	«Երիտասարդություն» (1893 թ.)	«Լոգանքից հետո» (1894 թ.)	Bacchante (1894)
«Մարգարտածաղիկները» (1894 թ.)	«Արմավենու տերևը» (1894 թ.)	The Abduction of «Փսիխեա» (1895 թ.)	In Penitence (1895)
«Տանելու համար այնքան էլ ծանր չէ» (1895 թ.)	The Song of the Nightingale (1895)	Spring Breeze (1895)	A Calling (1896)
«Աղբյուրի մոտ» (1897 թ.)	Compassion (1897)	«Իռենեն» (1897 թ.)	«Ծնկածալ ողջույնը» (1898 թ.)
«Փոքրիկ աղջկա գլուխ» (1898 թ.)	Inspiration (1898)	«Կար անելիս» (1898 թ.)	Elegy (1899)
«Կիտրոններով աղջիկը» (1899 թ.)	«Չարակամություն» (1899 թ.)

[խմբագրել] 1900 թթ.

The Virgin With Angels (1900)	Laurel Branch (1900)	Before The Bath (1900)	A Childhood Idyll (1900)
Two Sisters (1901)	Dream of Spring (1901)	Young Priestess (1902)	The Madonna of the Roses (1903)
Far Niente (1904)