Շտինա Վերենֆելս

Շտինա Վերենֆելս; Stina Werenfels
Ծնվել է	1964
Ծննդավայր	Բազել
Քաղաքացիություն	Շվեյցարիա
Ազգություն	շվեյցարացի
Մասնագիտացում	կինոռեժիսոր և սցենարիստ
Պարգևներ	Swiss Film Award?
IMDb	ID 0921262

Շտինա Վերենֆելս (գերմ.՝ Stina Werenfels, 1964^[1], Բազել, Շվեյցարիա), շվեյցարացի ռեժիսոր, սցենարիստ։

Կենսագրություն[խմբագրել | խմբագրել կոդը]

Շտինա Վերենֆելսը ծնվել է Շվեյցարիայի Բազել քաղաքում։ Մանկությունն անցել է ԱՄՆ-ում, Իսպանիայում և Հունաստանում։ 1983 թվականին ավարտել է միջնակարգ դպրոցը Ցյուրիխում։ Ուսումնասիրել է դեղագիտություն և 1991 թվականին կրթությունը շարունակել է Նյու Յորքի համալսարանի Թիշ գեղարվեստի դպրոցում, որտեղ հաճախել է Սփայք Լիի, Արթուր Փենի և Մարքեթա Քիմբրելի վարպետության դասերին^[2]։

Ուսումն ավարտել է «Դրվագներ Ստորին Իսթ Սայդից» (1994) մրցանակակիր կարճամետրաժ վավերագրական ֆիլմով, որը պատմում է նյույորքյան թաղամասից հրեական մշակույթի անհետացման մասին։ Շվեյցարիայում նկարահանել է «Հրուշակեղեն, ցավ և քաղաքականություն» (1998) ֆիլմը, որի համար արժանացել է Շվեյցարիայի կինոմրցանակին։ Նրա «Հետցնցում» առաջին խաղարկային ֆիլմը (2006), որի պրեմիերան կայացել է Բեռլինալեի «Համայնապատկեր» ծրագրում, արժանացել է մի քանի մրցանակի։ 2015 թվականին Վերենֆելսի «Դորա կամ մեր ծնողների սեռական նեվրոզները» ֆիլմը ներկայացվել է «Ոսկե ծիրան» կինոփառատոնի «Խաղարկային ֆիլմերի մրցույթ» ծրագրում^[3]։

Շտինա Վերենֆելսը Ցյուրիխի գեղարվեստի համալսարանում (ZHdK) դասավանդում է կինոդրամատուրգիա, ռեժիսուրա և կինոդերասանի արվեստ^[4]։

Ընտանիք[խմբագրել | խմբագրել կոդը]

Ամուսնացած է շվեյցարացի պրոդյուսեր, կինոռեժիսոր Սամիրի հետ։ Զույգը բնակվում է Ցյուրիխում։

Ֆիլմեր[խմբագրել | խմբագրել կոդը]

Տարի	Ֆիլմ	Դեր
1994	Դրվագներ Ստորին Իսթ Սայդից	Ռեժիսոր
1998	Հրուշակեղեն, ցավ և քաղաքականություն	Ռեժիսոր, սցենարիստ
1999	Շվեյցարարացու ինքնություն	Ռեժիսոր, սցենարիստ
2006	Հետցնցում	Ռեժիսոր, սցենարիստ
2015	Դորա կամ մեր ծնողների սեռական նեվրոզները	Ռեժիսոր, սցենարիստ