Յորղոս Կամինիս
| Յորղոս Կամինիս Γιώργος Καμίνης | |||
| |||
| |||
|---|---|---|---|
| դեկտեմբերի 29, 2010 - մինչ օրս | |||
| |||
| ապրիլի 23, 2003 - սեպտեմբեր, 2010 | |||
| Կուսակցություն՝ | Համահունական սոցիալիստական շարժում | ||
| Կրթություն՝ | Աթենքի համալսարան, Պանթեոն-Ասսաս համալսարան, Փարիզ 1 Պանթեոն-Սորբոն համալսարան և Փարիզի համալսարան | ||
| Մասնագիտություն՝ | համալսարանի դասախոս, քաղաքական գործիչ և փաստաբան | ||
| Ծննդյան օր | հուլիսի 15, 1954 (69 տարեկան) | ||
| Ծննդավայր | Նյու Յորք, Նյու Յորք, ԱՄՆ | ||
| Քաղաքացիություն |  Հունաստան
| ||
| Կայք՝ | gkaminis.gr | ||
| Ինքնագիր | 
| ||
Յորղոս Կամինիս (հուն․՝ Γιώργος Καμίνης, հուլիսի 15, 1954, Նյու Յորք, Նյու Յորք, ԱՄՆ), հույն պետական և քաղաքական գործիչ, սահմանադրական իրավունքի պրոֆեսոր[1], 2010 թվականի դեկտեմբերի 29-ից՝ մայրաքաղաք Աթենքի քաղաքապետ։
Մինչ այդ՝ 2003 թվականի ապրիլի 23-ից մինչև 2010 թվականի սեպտեմբերը[2], զբաղեցրել է Հունաստանի մարդու իրավունքների պաշտպանի պաշտոնը։
Կենսագրություն[խմբագրել | խմբագրել կոդը]
Յորղոս Կամինիսը ծնվել է 1954 թվականի հուլիսի 15-ին Նյու Յորքում, որտեղ նրա հայրը՝ Վասիլիս Կամինիսն աշխատում էր այդ ժամանակ։ Սկզբնական շրջանում Յորղոսն ունեցել է Ամերիկայի Միացյալ Նահանգների քաղաքացիություն, իսկ Հունաստան տեղափոխվելուց հետո ձեռք է բերել նաև հունական անձնագիր։ Յորղոսը Նյու Յորքը լքել է հինգ տարեկան հասակում՝ ընտանիքի հետ հաստատվելով Աթենքում[3]։
Միջնակարգ կրթություն ստանալուց հետո ուսանել է Աթենքի համալսարանի իրավագիտության ֆակուլտետում, իսկ հետո նաև՝ Ֆրանսիայի Պանթեոն Ասսասի համալսարանում։ Վերջինս ավարտելուց հետո Յորղոսը ստացել է իրավաբանական գիտությունների դոկտորի գիտական աստիճան[4]։
Գործունեություն[խմբագրել | խմբագրել կոդը]
1982 թվականի նոյեմբերին Յորղոսն աշխատանքի է անցնում Աթենքի համալսարանի իրավագիտության ֆակուլտետում, որպես հետազոտող և դասախոս։ Նույն համալսարանում 1998 թվականին ստացել է դոցենտի աստիճան։ 1989 թվականի սեպտեմբերից աշխատել է Հունաստանի խորհրդարանի խորհրդարանական ուսումնասիրությունների և հետազոտությունների բաժնում, որպես ավագ գիտաշխատող։
1998-2003 թվականներին աշխատել է, որպես մարդու իրավունքների պաշտպանի տեղակալ, իսկ 2003 թվականից գլխավորել է այդ գրասենյակը։ 2010 թվականի սեպտեմբերի ընտրություններում վերընտրվելուց հետո հրաժարական է տվել։
2010 թվականի տեղական ընտրությունների երկրորդ փուլից հետո ընտրվել է Աթենքի քաղաքապետ։ Քաղաքական գործունեությունը սկսելուն զուգընթաց Կամինիսը հիմնադրել է «Դեմոկրատական ձախերի» կուսակցությունը։
Յորղոս Կամինիսը վերընտրվել է 2014 թվականի ընտրություններից հետո՝ առաջ անցնելով «Սիրիզա» կուսակցության թեկնածու Գաբրիել Սակելլարիդիսին։ Նրա պաշտոնավարումը կավարտվի 2019 թվականին։
Անձնական կյանք[խմբագրել | խմբագրել կոդը]
Յորղոս Կամինիսն ամուսնացած է Ադամանտիա Անագնաստուի հետ, ով եղել է Մակեդոնիայի համալսարանի դասախոս։ Իրենց համատեղ կյանքի ընթացքում վերջիններս ունեցել են երկու դուստր՝ Անգելիկի և Կատերինա-Մարկելլա անուններով։
Ծանոթագրություններ[խմբագրել | խմբագրել կոդը]
- ↑ «Ո՞վ է Հունաստանի օմբուդսմենը». Հունական օմբուդսմենի գրասենյակ. Արխիվացված է օրիգինալից 2011 թ․ հուլիսի 17-ին. Վերցված է 2010 թ․ նոյեմբերի 15-ին.
- ↑ Ετήσια έκθεση 2003 (PDF) (հունարեն). Հունաստանի մարդու իրավունքների պաշտպան. 2003. ISBN 960-87641-1-4. Արխիվացված է օրիգինալից (PDF) 2011 թ․ հուլիսի 17-ին. Վերցված է 2010 թ․ նոյեմբերի 15-ին.
- ↑ Hasapopoulos, Nikos (2010 թ․ օգոստոսի 29). Γιώργος Καμίνης Ενας αριστερός Ελληνοαμερικανός για τον Δήμο Αθηναίων (Greek). Վերցված է 2010 թ․ նոյեմբերի 15-ին.
{{cite news}}: Invalid|script-title=: missing prefix (օգնություն)CS1 սպաս․ չճանաչված լեզու (link) - ↑ «To Biografiko tou neou Dimarchos Athinaion Giorgou Kamini». Express (Greek). 2010 թ․ նոյեմբերի 15. Արխիվացված է օրիգինալից 2016 թ․ ապրիլի 16-ին.
{{cite news}}: CS1 սպաս․ չճանաչված լեզու (link)
 | Վիքիպահեստն ունի նյութեր, որոնք վերաբերում են «Յորղոս Կամինիս» հոդվածին։ |
| ||||||||||||
