Մասաչուսեթսի տեխնոլոգիական ինստիտուտ

Վիքիպեդիայից՝ ազատ հանրագիտարանից
Մասաչուսեթսի տեխնոլոգիական ինստիտուտ

Մասաչուսեթսի Տեխնոլոգիական ինստիտուտ (անգլ.՝ Massachusetts Institute of Technology, MIT) համալսարան և հետազոտական ​​կենտրոն։ Հիմնադրվել է 1861 թվականին[1]։ Գտնվում է Մասաչուսեթս նահանգի Քեմբրիջ քաղաքում։ Մեկը ամենահեղինակավոր տեխնիկական կրթական հաստատություններից ԱՄՆ-ում և աշխարհում[2]։

ՄՏԻ-ն աշխարհի հեղինակավոր համալսարանների վարկանշային աղուսյակում զբաղեցնում է առաջատար դիրքեր։ Նորարար է հանդիսանում ռոբոտաշինության և արհեստական բանականության ոլորտներում[3]։

Համալսարանը հայտնի է նաև բազմաթիվ այլ ոլորտներում, այդ թվում, կառավարման, տնտեսագիտության, լեզվաբանության, քաղաքագիտության և փիլիսոփայության, ֆիզիկական գիտություններում և ճարտարագիտությունում, և վերջերս էլ կենսաբանությամբ, տնտեսագիտությամբ, լեզվաբանությամբ և մենեջմենթով։

Հիմնադրվել է 1861թ.-ին ի պատասխան Միացյալ Նահանգների աճող արդյունաբերականացմանը, ինստիտուտը օգտագործում էր ճարտարագիտական համալսարանի մոդելը և շեշտը դրեց լաբորատոր ուսուցման վրա։ MIT-ի սկզբնական շեշտադրումը կիրառական տեխնոլոգիաների վրա բակալավրում և մագիստրատուրայում, հանգեցրեց ամուր համագործակցության արդյունաբերության հետ։ 1930թ.-ին Կարլ Կոմպտոնի և Վանեվար Բուշի կողմից ծրագրային փոփոխությունները շեշտը դրեցին հիմնարար գիտությունների վրա։ 1934թ.-ին MIT-ն ընդգրկվեց Ամերիկյան համալսարանների ասոցիացիայի մեջ։ Երկրորդ համաշխարհային պատերազմի և Սառը պատերազմի ժամանակ հետազոտողները աշխատում էին համակարգիչներով, ռադարներով և իներցիալ ուղղորդությամբ։ Հետպատերազմյան պաշտպանության հետազոտությունների ներդրեցին դասախոսական կազմի և Ջեյմս Կիլեանի ներքո գտնվող համալսարանային համալրի արագ ընդլայմանը։ Ներկայիս 168 ակր (68 հա) զբաղեցնող համալիրը բացվել է 1916թ.-ին և ձգվում է 1 մղոն (1.6 կմ) Չարլզ գետի հյուսիսային ափի երկայնքով։

Այսօր, համալսարանը ներառում է տարբեր ամբիոններ ուժեղ շեշտ դնելով գիտական, ճարտարագիտական, և տեխնոլոգիական կրթության և հետազոտության վրա։ Ինստիտուտն ունի հինգ դպրոց և մի քոլեջ, ընդհանուր առմամբ 32 գիտական բաժանմունք։ 82 Նոբելյան մրցանակակիրներ, 52 գիտական ոլորտում ազգային մեդալակիրներ, 45 Ռոդեսի կրթաթոշակառուներ, և 38 ՄաքԱրթուրի անդամներ  կապված էին համալսարանի հետ։ Այն ամենաընտրողական համալսարաններից մեկն է, և 2016թ.-ի դասի համար ունեցել է 18,109 բակալավրի դիմորդ, որոնցից միայն 1,620-ն են ընդունվել, ընդունելու տոկոսը 8.95% է։

MIT-ը նաև ունի շատ ուժեղ ձեռնարկատիրական մշակույթ։ MIT-ի շրջանավարտների կողմից հիմնված ընկերությունների ագրեգացված եկամուտները կարող են գնահատվել, որպես աշխարհում 11-րդ խոշորագույն տնտեսություն։

Ծանոթագրություններ[խմբագրել]