Մայքլ Ջորդան

Վիքիպեդիայից՝ ազատ հանրագիտարանից
Մայքլ Ջորդան
Jordan by Lipofsky 16577.jpg
Դիրքը Հարձակվող պաշտպան
Համար № 23, 12, 45
Ի ծնե տրված անունը Մայքլ Ջեֆրի Ջորդան
Michael Jeffrey Jordan
Ծննդյան ամսաթիվ փետրվարի 17, 1963 (1963-02-17) (51 տարեկան)
Ծննդավայր Ամերիկայի Միացյալ Նահանգներ Բրուքլին, Նյու Յորք, Նյու Յորք, ԱՄՆ
Ազգություն Ամերիկայի Միացյալ Նահանգներ
Հասակ 1,98 մ
Քաշ 98 կգ
Դպրոց Էլմսլի Ա. Լեյնի (Ուիլմինգթոն, Հարավային Կարոլինա)
համալսարան Հարավային Կարոլինա (1981–1984)
Դրաֆթի տարի 1984 / ռաունդ՝ 1 / ընտր.՝ 3-րդ
Դրաֆթ ակումբ Չիկագո Բուլս
Կարիերա սկիզբ 1984–2003
Կարիերայի պատմություն Ամերիկայի Միացյալ ՆահանգներՉիկագո Բուլս (1984–1993)
Բիրմինհեմ Բարոնս (բեյսբոլ, 1994–1995)
Սկոտսդեյլ Սկորպիոնս (բեյսբոլ, 1994)
Ամերիկայի Միացյալ ՆահանգներՉիկագո Բուլս (1995–1998)
Ամերիկայի Միացյալ ՆահանգներՎաշինգթոն Վիզարդս (2001–2003)
Մրցանակներ
  • NBA չեմպիոն (1991–1993, 1996–1998)
  • 6× NBA գերեզրափակչի MVP (1991–1993, 1996–1998)
  • 5× NBA ամենաարժեքավոր խաղացող (1988, 1991–1992, 1996, 1998)
  • 14× NBA աստղ (1985–1993, 1996–1998, 2002–2003)
  • 3× NBA բոլոր աստղերի խաղի MVP (1988, 1996, 1998)
  • 10× All-NBA առաջին թիմ (1987–1993, 1996–1998)
  • All-NBA երկրորդ թիմ (1985)
  • NBA տարվա պաշտպան (1988)
  • 9× NBA All-Defensive առաջին թիմ (1988–1993, 1996–1998)
  • NBA տարվա նորեկ (1985)
  • NBA All-Rookie առաջին թիմ (1985)
  • 2× NBA Սլեմ դանկ մրցույթի հաղթող (1987–1988)
  • 3× NBA-ի առաջատար խլումների կատեգորիայում (1988, 1990, 1993)
  • 10× NBA-ի առաջատար միավորների կատեգորիայում (1987–1993, 1996–1998)
  • Չիկագո Բուլսի բոլոր ժամանակների առաջատար միավորների կատեգորիայում
  • # 23 մարզաշապկի հավերժացում Չիկագո Բուլսի կողմից
  • 3x AP վարկածով տարվա մարզիկ (1991, 1992, 1993)
  • 2x ԱՄՆԲՖ տարվա մարզիկ (1983–1984)
  • NBA-ի 50 ամյակի խորհրդանշական հավաքական
  • NCAA չեմպիոն (1982)
  • 2× Կոնսենսուս All-American առաջին թիմ (1983–1984)
  • Կոնսենսուս տարվա համազգային բասկետբոլիստ (1984)
  • ACC տարվա մարզիկ (1984)
  • # 23 մարզաշապկի հավերժացում Հյուսիսային Կարոլինայի համալսարանի կողմից
Կարիերայի ցուցանիշներ Միավորներ՝ 32 292 (30,1 մ/խ)
Անդրադարձ՝ 6672 (6,2 ա/խ)
Փոխանցումներ՝ 5633 (5,3 փ/խ)
Մեդալներ Օլիմպիական խաղեր
 Ոսկի-Լոս Անջելես 1984
 Ոսկի-Բարսելոնա 1992
ՖԻԲԱ-ի ամերիկյան առաջնություն
 Ոսկի-Պորտլենդ 1992
Պանամերիկյան խաղեր
 Ոսկի- Կարակաս 1983

Մայքլ Ջեֆրի Ջորդան (անգլերեն՝ Michael Jeffrey Jordan, ծնվ.՝ փետրվարի 17, 1963), ամերիկացի նշանավոր նախկին բասկետբոլիստ, հարձակվող պաշտպան (երկրորդ համար)։ Հանդես է եկել Բասկետբոլի ազգային ասոցիացիայի (NBA) «Չիկագո Բուլս» և «Վաշինգթոն Վիզարդս» ակումբներում։ Համարվում է բոլոր ժամանակների մեծագույն բասկետբոլիստներից մեկը, ով լուրջ դեր է խաղացել 80-ականներին և 90-ականներին բասկետբոլի մասայականացմանը։ «Չիկագո Բուլսի» կազմում Ջորդանը վեց անգամ նվաճել է NBA-ի առաջնությունը՝ 1991, 1992, 1993, 1996, 1997 և 1998 թվականներին։

Իր ֆենոմենալ բարձր ցատկոտունակության համար Մայքլն ստացավ «Air Jordan» (Օդային Ջորդան) և «Պարոն թեթևություն» անվանումները։ Նա նաև համարվում է բասկետբոլի պատմության մեջ լավագույն պաշտպաններից մեկը։[1] 1991 թվականին նա հաղթեց NBA-ում՝ իր առաջին մրցաշարում «Բուլս»-ի հետ, իսկ արդեն 1992 թվականին և 1993 թվականին կրկնեց այդ հաջողությունը։ Հոր մահից հետո 1993-1994 թվականներին Ջորդանը հանկարծակիորեն հեռացավ բասկետբոլից և փորձեց առաջ գնալ բեյսբոլով։ 1995 թվականին նա վերադարձավ բասկետբոլային դաշտ և օգնեց «Բուլս»-ին նվաճել ևս երեք կոչում(1996, 1997, 1998), միաժամանակ NBA-ում իր թիմի հետ միասին սահմանելով ռեկորդներ՝ (1995/96 թվականների մրցաշար) տանելով դեռևս չգրանցված 72 հաղթանակ մեկ մրցաշարում։ Երկրորդ անգամ նա կարիերան թողեց 1999 թվականներին, սակայն 2001 թվականին կրկին վերադարձավ արդեն «Վաշինգտոն Ուիզարդս» թիմի կազմում։

1984 թվականին Ջորդանը պայմանագիր ստորագրեց NIKE ընկերության հետ, որը հատուկ Մայքլի համար ստեղծեց սպորտային կոշիկներ՝ Air Jordans անվանումով։ Նախագիծը այնքան հաջողված էր, որ Air Jordans-ը դարձավ առանձին բրենդ։[2] Ջորդանը խաղաց ինքն իրեն «Տիեզերական խաղ» ֆիլմում (1996)։ Նա Oakley Inc ընկերության ղեկավարման բաժնի կազմի մեջ է։ Այժմ համարվում է հիմնական սեփականատերը, ինչպես նաև կարգավորում է «Շառլոտտ Բոբկետս» ակումբի բասկետբոլային հարցերը։ 2010 թվականի փետրվարին աճուրդում հաղթեց և իրավունք ստացավ հիմնական սեփականատեր Լ. Ջոնսոնից գնելու թիմի վերահսկողության փաթեթների բաժնետոմսերը։[3] Այս կերպ Մայքլ Ջորդանն առաջին բասկետբոլիստն էր, ով դարձավ NBA-ի սեփականատեր։

Ներկա պահին հանդիսանում է «Շառլոթ Հորնեթս» ակումբի նախագահը։

Կենսագրություն[խմբագրել]

Մանկություն[խմբագրել]

Մայքլի ծնողները՝ Ջեյմս Ջորդանը և Դելորիս Փիփլսը, ծանոթացել են 1956 թվականին Ուոլեսում (Հյուսիսային Կարոլինա նահանգ), բասկետբոլի մրցախաղից հետո։ Ջեյմսն այդ ժամանակ ծառայում էր ԱՄՆ ՌՕՈՒ-ում, իսկ Դելորիսը սովորում էր Թասկիջյան ինստիտուտում։ Շուտով նրանք ամուսնացան։ Մայքլի ծնողները միջահասակ էին և աչքի չէին ընկնում սպորտային կազմվածքով։

Մայքլ Ջորդանը ծնվել է 1963 թվականի փետրվարի 17-ին Բրուկլինում (Նյու-Յորք), որտեղ նրա հայրը սովորում էր «Ջեներալ էլեկտրիկ» կազմակերպության ուսումնարանում։ Մայքլը հինգ երեխաներից չորրորդն է. ունի երկու ավագ եղբայր՝ Լարին և Ջեյմս-կրտսերը, ավագ քույր՝ Դելորիսը, և կրտսեր քույր՝ Ռոզլինը։ [4] Մայքլի ծնունդից քիչ անց ընտանիքը տեղափոխվեց Ուոլես, որտեղ հայրն աշխատում էր գործարանում՝ որպես բեռնասարքի օպերատոր, իսկ մայրը բանկային ծառայող էր։ 1970 թվականին Ջորդանները տեղափոխվեցին ավելի խոշոր քաղաք՝ Ուիլմինգտոն, որտեղ և մեծացել էր Ջեյմսը։ [5] Այստեղ Մայքլի ծնողները պաշտոնների բարձրացում ստացան. Ջեյմսը դարձավ արտադրամասի պետ և սարքավորումների բաժնի ղեկավար, իսկ Դելորիսը բանկում գլխավորեց հաճախորդների հետ կապերի բաժինը։ Ընտանիքը դարձավ բավականաչափ ապահովված և կարողացավ իրեն թույլ տալ նոր տուն գնել ծովափին։ Մինչ քույրերն ու եղբայրները դասերից հետո լրացուցիչ աշխատանքով օգնում էին ծնողներին, Մայքլը, ծուլանալով, ամեն կերպ խուսափում էր տնային հոգսերից։ Դպրոցում էլ առանձնապես չէր փայլում, կարգապահության հետ էլ խնդիրներ ուներ։

Ջորդանը զբաղվում էր մի շարք մարզաձևերով, բայց ամենաշատը սիրում էր բեյսբոլ և երազում էր ապագայում դառնալ պրոֆեսիոնալ բեյսբոլիստ։ Այս մարզաձևում Մայքլը մանուկ հասակում հասավ որոշ հաջողությունների. 12 տարեկանում իր թիմի հետ նա հասավ մինչև կրտսեր լիգայի եզրափակիչ փուլ։ Ավելի ուշ դարձավ նահանգի չեմպիոն և ճանաչվեց նահանգի լավագույն խաղացող։ Այնուհետև Մայքլը լրջորեն տարվեց բասկետբոլով, որը տեղի սևամորթ երիտասարդների շրջանում ամենատարածված մարզաձևն էր։ Ջորդանն առանձնապես աչքի չէր ընկնում բարձր հասակով և հուժկու կառուցվածքով, ուստի, սեփական թերությունները փոխհատուցելու նպատակով, կատարելագործում էր թռիչքը։ Մայքլի մշտական խաղընկերը հարազատ եղբայրն էր, որի հետ հաճախ բասկետբոլ էր խաղում տան բակում։

Ծանոթագրություններ[խմբագրել]

Արտաքին հղումներ[խմբագրել]