Ղուկաս Գալստյան
Ղուկաս Գալստյան | |
---|---|
Ծնվել է | 1912 |
Մահացել է | անհայտ |
Քաղաքացիություն | Ռուսական կայսրություն և ԽՍՀՄ |
Մասնագիտություն | մանկավարժ |
Պարգևներ և մրցանակներ |
Ղուկաս Մուշեղի Գալստյան (1912 - անհայտ), հայ մանկավարժ։ ՀԽՍՀ վաստակավոր ուսուցիչ (1960), Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։
Կենսագրություն[խմբագրել | խմբագրել կոդը]
Ղուկաս Գալստյանը ծնվել է 1912 թվականին, Արևմտյան Հայաստանում։ Ցեղասպանության տարիներին նրա ընտանիքը տեղահանվել է և շուրջ տասը տարի դեգերել Պարսկաստանում և Իրաքում։ Հայաստան վերադարձել են 1925 թվականին և բնակություն հաստատել Արարատ գյուղում։
Գալստյանը տարրական կրթություն ստացել է Իրաքում, մանկավարժական մասնագիտական կրթություն ստացել է Ռոստովում՝ Ազով-Սևծովյան երկրամասի հայկական մանկավարժական տեխնիկումում։ 1934 թվականի օգոստոսին ընդունվել է Մոսկվայի Բուբնովի անվան առաջին մանկավարժական ինստիտուտը, հետագայում տեղափոխվել է Կալինին քաղաք, ուսումը շարունակել տեղի պետական մանկավարժական ինստիտուտում։ 1938 թվականի հուլիսին ավարտել է ինստիտուտի պատմության ֆակուլտետը և վերադարձել Հայաստան և Սիսիանի Բռնակոթ գյուղի միջնակարգ դպրոցում եղել տնօրեն[1]։
1939 թվականին Գալստյանը զորակոչվել է կարմիր բանակ։ 1940 թվականի ամռանը մասնակցել է Բեսարաբիայի ազատագրմանը։ 1940 թվականի աշնանը տեղափոխվել է 31-րդ տանկային գունդը, որից հետո նշանակվել է Տ-34 տանկի հրամանատար։ 1941 թվականի հոկտեմբերի վերջին դասակի հրամանատար Ղուկասը մարտնչել է Ստալինգրադի մատույցներում։ 1942 թվականի ամառը տեղափոխվել է Հյուսիսային Կովկասի ռազմաճակատ։ 1943 թվականի նոյեմբերից մինչև 1944 թվականի հունվարի 1-ը սովորել է Պոլտավայի տանկային ուսումնարանում։ 1944 թվականի գարնանը 69-րդ գվարդիական տանկային գնդի կազմում մասնակցել է Ստանիսլավի ուղղությամբ մեր զորքերի հարձակմանը։ 1944 թվականի ամռանը Ղուկասը տեղափոխվել է 1454-րդ ինքնագնաց հրանոթային գունդը, 8-րդ տանկային կորպուսը, որպես ՍՈւ-85-ի հրամանատար։ Մասնակցել է Պերեմիշլ քաղաքի ազատագրմանը, Վիսլա գետի անցմանը, 1945 թվականի ապրիլի 13-14 -ին՝ Ավստրիայի մայրաքաղաք Վիեննայի ազատագրմանը, որտեղ էլ դիմավորել է մայիսի 9-ը։ 1946 թվականի հոկտեմբերին գվարդիայի լեյտենանտը զորացրվել է։ Գալստյանը արժանացել է կառավարական մի շարք պարգևների[1]։
1947-1950 թվականներին աշխատել է Սիսիանի շրջանի Նորավան գյուղի դպրոցի տնօրեն։ 1950-1956 թվականներին աշխատել է Բռնակոթ գյուղի միջնակարգ դպրոցի տնօրեն[1]։
Պարգևներ[խմբագրել | խմբագրել կոդը]
- ՀԽՍՀ վաստակավոր ուսուցիչ (1960)[1]։