Հունաստանի տոներ և հիշատակի օրեր
Հունաստանի տոները ու հիշատակի օրերն ունեն կրոնական, ինչպես նաև պետական և ազգային նշանակություն։ Տոների մեծ մասի ժամանակ Հունաստանի Հանրապետությունում հայտարարվում է ոչ աշխատանքային օր։
Հունաստանում նշվում են հետևյալ տոները՝
Հունաստանի տոներ և հիշատակի օրեր)[Ն 1] | ||
Ամսաթիվ | Անվանում | Սեղմ տեղեկություններ տոնի անցկացման վերաբերյալ |
---|---|---|
Հունվար | ||
հունվարի 1 | Նոր տարի | Հունաստանում Նոր տարին նշվում է ավելի քան 10 օր՝ դեկտեմբերի 25-ից մինչև հունվարի 14-ը։ Մինչև նոր տարվա կամ «Պրոտոխրոնիի» գալուստը, Հունաստանի եկեղեցիներում հնչեցվում են փողեր, որոնք ավետում են Քրիստոսի ծնունդը։ Հույները եկեղեցի գնում են դեկտեմբերի 25-ին, որպեսզի մասնակցեն Հիսուս Քրիստոսի ծննդյան օրվան նվիրված միջոցառումներին և արարողություններին։ Այս իրադարձություններից հետո հունական ընտանիքներում սկսում է ամանորյա տոնակատարությունը։ Հույն ժողովրդի համար ամանորը ամենաընտանեկան տոներից մեկն է։ Նոր տարվա գիշերը հույն ընտանիքները սովորաբար չեն անցկացնում սեփական տանը, այլ անցկացնում են իրենց ամենամեծ ազգականի տանը։ |
հունվարի 6 | Թեոֆանիա | Թեոֆանիան կամ Աստվածահայտնությունը հունական կրոնական տոներից է, հետևաբար՝ անշարժ տոն է։ Նշվում է երկրի բոլոր անկյուններում։ Այս տոնի ընթացքում քահանան կատարում է խաչի օրհնման արարողությունը, որից հետո տոնախմբության մասնակիցները ջրի մեջ որոնում են հոգևոր սպասավորի խաչը։ |
հունվարի 8 | Գինիկոկրատիա | Այս տոնը նվիրված է հույն կանանց և փոխարինում է մարտի 8-ին՝ կանանց միջազգային օրվան։ Այս օրը Հունաստանի տարբեր քաղաքներում կազմակերպվում են բազմաթիվ տոնախմբություններ և ֆեստիվալներ։ Ըստ ավանդույթի՝ հունվարի 8-ին կարճաժամկետ փոխվում են ընտանիքի անդամների դերերը։ Կանայք դուրս են գալիս տնից և իրենց օրն անցկացնում ռեստորանում կամ պարզապես վայելում հանգիստը, իսկ տղամարդիկ զբաղվում են տնային տնտեսությամբ։ |
հունվարի 28 | Ապոկրիես | Բարեկենդանի տոնակատարությունը Հունաստանում։ Այս օրը հույն ուղղափառ եկեղեցու որոշ հետևորդներ որոշ ժամանակահատվածում պահք են պահում՝ հրաժարվելով կենդանական ծագման սննդամթերքներից։ |
Մարտ | ||
մարտի 25 | Հունաստանի անկախության օր | Տոնի ընթացքում հույները և աշխարհի բոլոր ծայրերի ֆիլհելենները հարգանքի տուրք են մատուցում Հունաստանի ազգային-ազատագրական պայքարի ընթացքում զոհված մարտիկներին։ Հունաստանի անկախության օրվա տոնախմբությունը համընկնում է հույն ուղղափառ եկեղեցում Ավետման տոնի նշման հետ։ Ըստ Գրիգորյան օրացույցի՝ այն նշվում է ամեն տարի մարտի 25-ին[1]։ Հունաստանի մայրաքաղաք Աթենքում այս օրը տեղի է ունենում զինվորական շքերթ, տոնական երթ և զանգվածային տոնակատարություններ[2]։ |
Ապրիլ | ||
Փոփոխական ամսաթիվ | Զատիկ | Զատիկը Հունաստանի ամենահայտնի կրոնական տոներից մեկն է։ Զատիկը շարժական տոն է, այսինքն յուրաքանչյուր տարի նրա նշման օրը փոխվում է։ Զատկին նախորդում է ավագ շաբաթը։ Զատկի հետ առնչվող գլխավոր արարողությունները սկսվում են ավագ շաբաթվա շաբաթ օրը և ավարտվում երկուշաբթի։ Շաբաթ երեկոյան մատուցվում է Քրիստոսի հարության ճրագալույցի կամ ճրագալույսի պատարագ, որով վերջանում է Զատկին նախորդած յոթ շաբաթ տևած Մեծ Պասի շրջանը։ |
Մայիս | ||
մայիսի 1 | Աշխատավորների օր | Մայիս ամսվա առաջին օրը, ինչպես աշխարհի մի շարք այլ երկրներում, այնպես էլ Հունաստանում նշվում է աշխատանքի և աշխատավորների միջազգային օրը։ |
մայիսի 19 | Պոնտոսի հույների ցեղասպանության հիշատակի օր | Ամեն տարի այս օրը հույն ժողովուրդն իր հարգանքի տուրքն է մատուցում 1916-1923 թվականներին իրագործված Պոնտոսի հույների ցեղասպանության զոհ գնացած անմեղ զոհերի հիշատակին։ |
մայիսի 21 | Պիրովասիա | Այս տոնը հույներին է հասել հյուսիսային Հունաստանում ապրող անաստենարացիներից։ Եռօրյա տոնակատարությունը սկսվում է նրանով, որ փոքրիկ քաղաքների և գյուղերի բնակիչները սկսում են աղոթել, ապաշխարել, ազատվել մեղքերին և անդամ լաց լինել։ Դրանից հետո նրանք սկսում են պարել ազգային պարեր։ |
Հունիս | ||
հունիսի 23 | Ամառային արևակայության օր | Հունիսին տեղի ունեցող ամառային արևադարձի օրը Հունաստանում նշվում է, որպես յուրահատուկ օր։ |
Օգոստոս | ||
օգոստոսի 15 | Վերափոխումն Աստվածածնի | |
Հոկտեմբեր | ||
հոկտեմբերի 26 | Դիմիտրիոս Սալոնիկացու տոն | Տոնը նվիրված է Հունաստանի Սալոնիկ քաղաքի հովանավոր, հույն ուղղափառ եկեղեցու սուրբ և նահատակ Դիմիտրիոս Սալոնիկացուն։ |
հոկտեմբերի 28 | «Ոչ»-ի տարելից | Պաշտոնական համազգային տոն, որը նշվում է ոչ միայն Հունաստանում, այլև Կիպրոսում և մի շարք այլ հունաշատ երկրներում (այդ թվում և Հայաստանում)։ Նշվում է ամեն տարի հոկտեմբերի 28-ին՝ հիշատակելու Իտալիայի բռնապետ Բենիտո Մուսոլինիի ներկայացրած վերջնագրի մերժումը Հունաստանի վարչապետ Իոաննիս Մետաքսասի կողմից (1940 թվականի հոկտեմբերի 28)։ |
Նոյեմբեր | ||
նոյեմբերի 17 | Պոլիտեխինո[3] | Այս օրը Հունաստանի տարբեր համալսարանների ուսանողներ կազմակերպում են երթեր՝ ընդդեմ նախկինում Հունաստանում իշխան «սև գեներալների»։ |
Նշումներ[խմբագրել | խմբագրել կոդը]
- ↑ Վարդագույնով նշված են պետական հանգստյան օրերը։
Ծանոթագրություններ[խմբագրել | խմբագրել կոդը]
- ↑ Α.Ε., tovima.gr — Δημοσιογραφικός Οργανισμός Λαμπράκη. «tovima.gr - 25η ΜΑΡΤΙΟΥ». TO BHMA. Վերցված է 2017 թ․ մայիսի 8-ին.
- ↑ «Военный парад прошел в Афинах в День независимости Греции». РИА Новости (ռուսերեն). Վերցված է 2017 թ․ մայիսի 8-ին.
- ↑ [https://web.archive.org/web/20120322003357/http://web.ana-mpa.gr/anarussian/articleview1.php?id=5534 Արխիվացված 2012-03-22 Wayback Machine День памяти Событий «Политехнио» — ana-mpa]