Կազիմիր Մալևիչ

Վիքիպեդիայից՝ ազատ հանրագիտարանից
Picto infobox artiste.png
Կազիմիր Մալևիչ
Kazimir Malevich - Self-Portrait.jpg
Իքնանկար, 1933, Պետական Ռուսական թանգարան, Սանկտ Պետերբուրգ։ Դաստակի դիրքը հիշեցնում է «Սև քառակուսին», որը նաև Մալևիչի ստորագրությունն է՝ ներքևի աջ կողմում
Ընդհանուր տեղեկություններ
Ի ծնե Казимир Северинович Малевич
Ծնվել է փետրվարի 23, 1878
Ծննդավայր Կիև, Ռուսական կայսրություն
Մահացել է մայիսի 15, 1935
Մահվան վայր Լենինգրադ, ԽՍՀՄ
Ազգություն ռուս
Ժանր Ավանգարդիզմ
Ֆուտուրիզմ
Կուբիզմ
Սուպրեմատիզմ
Իմպրեսիոնիզմ
Գործունեություն նկարիչ
ռուսական ավանգարդի դրոշակակիր
կոնստրուկտիվիտ, սուպրեմատիզմի հիմնադիր
Պորտալ Nuvola apps kcoloredit.svg Արվեստ

Կազիմեր Սևերինովիչ Մալեվիչ (ռուս.՝ Казимир Северинович Малевич, փետրվարի 23, 1878, Կիևմայիսի 15, 1935, Լենինգրադ), ռուս նկարիչ, ռուսական ավանգարդի դրոշակակիր, կոնստրուկտիվիտ, սուպրեմատիզմի հիմնադիր։ Ազդվել է ֆրանսիական պոստիմպրեսիոնիստներից, ֆովիստներից, կուբիստներից։ Նրա աբստրակտ-սուպրեմատիկ «Սև քառակուսին սպիտակ ֆոնի վրա» կտավը համարվում է աբստրակտ արվեստի թագակիր։ Կազիմիր Մալևիչը ծնվել է 11 (23)փետրվարի 1879թ և կնքվել 1-ին (13) մարտի 1879թ-ին:Նրա հայրը Սեվերին Մալևիչը ծառայում էր որպես կառավարիչ շաքարի արտադրությամբ զբաղվող հայտնի արդյունաբերող Նիկոլայ Տերեշենկոյի մոտ,մայրը՝ Լյուդվիգա Ալեքսանդրի Գալինովսկայան եղել է տնային տնտեսուհի,և նրանց պսակադրությունը տեղի է ունեցել Կիևում 1878թ-ի փետրվարի 26-ին: Ծագումով նրանք լեհեր էին, և նրանց ընտանիքում ծնվում են 14 երեխաներ, սակայն հասուն տարիքի են հասնում միայն 9-ը՝ 5 տղա և 4 աղջիկ:Կազիմիրը նրանց ընտանիքի առաջնեկն էր: Մալևիչների ընտանիքը համարվում էր լեհական ընտանիք, խոսում էին լեհերեն: Ժամանակակիցները նրան համարում են լեհ, ինքը նույնպես իրեն համարում էր լեհ, սակայն 1920թ.-երին ինչ-որ անկետաներում Մալևիչը իր ազգությունը գրել է<<ուկրաինացի>>, ինչպես նաև որոշ աղբյուրներում փնտրում են նրա հոր մոտ բելոռուսական արմատներ: Մինչև 17 տարեկանը Մալևիչը և իր ընտանիքը ապրում են Պոդոլում /Կիև/: 1895թ-ին նա սովորում է Կիևի Ն.Ի. Մուրաշկոյի նկարչական դպրոցում: Կյանքը Կուրսկում (1896-1907) 1896թ-ին Մալևիչների ընտանիքը տեղափոխվում է ք. Կուրսկ: