1882-1884 թվականներին սովորել է Պետերբուրգի Գեղարվեստի ակադեմիայում, Վ․ Դ․ Օռլովսկու մոտ։ 1884-1900 թվականներին դասավանդել է Կիևի նկարչական դպրոցում։ Շրջիկ գեղարվեստական ցուցահանդեսների ընկերության անդամ 1899 թվականից, 1893 թվականից՝ ցուցորդ։ Պիմոնենկոն բանաստեղծականորեն պատկերել է ուկրաինական ժողովրդի կենցաղը և կյանքը՝ ժանրային տեսարանը հաճախ զուգակցելով բնապատկերի հետ («Ամպրոպից առաջ», 1906, ՈւԽՍՀ Ուկրաինայի արվեստի թանգարան, Կիև)։ Պիմոնենկոն ստեղծել է նաև ժամանակակից կյանքի հոռի կողմերը մերկացնող կտավներ («Մոլեռանդության զոհը», 1899, Խարկովի գեղարվեստական թանգարան)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 296)։