Լիպարիտ Մխչյան
| Լիպարիտ Մխչյան | |
|---|---|
| Ծնվել է | 1894[1] |
| Ծննդավայր | Կարս, Կարսի մարզ, Կովկասյան երկրամաս, Ռուսական կայսրություն[1] |
| Մահացել է | 1921[1] |
| Մահվան վայր | Մխչյան, Երևանի գավառ, Հայկական ԽՍՀ[1] |
| Գերեզման | Անգլիական այգի |
| Քաղաքացիություն |  Ռուսական կայսրություն և .svg){kind=small} Հայաստանի Առաջին Հանրապետություն |
| Կրթություն | Վլադիմիրյան ռազմական ուսումնարան[1] և Օմսկի բարձրագույն համակցված սպառազինության հրամանատարական ուսումնարան[1] |
| Մասնագիտություն | հեղափոխական |
| Կուսակցություն | ԽՄԿԿ[1] |
 Liparit Mkhchyan Վիքիպահեստում | |
Լիպարիտ Հովհաննեսի Մխչյան (1894[1], Կարս, Կարսի մարզ, Կովկասյան երկրամաս, Ռուսական կայսրություն[1] - 1921[1], Մխչյան, Երևանի գավառ, Հայկական ԽՍՀ[1]), Հայաստանում խորհրդային ռեժիմի հաստատման աջակից, ԽՄԿԿ անդամ (1917)։
Ավարտել է Վլադիմիրյան զինվորական ուսումնարանը և Օմսկի գնդացրային դպրոցը։ Առաջին համաշխարհային պատերազմի ժամանակ եղել է Արևմտյան, 1917 թվականից՝ Կովկասյան ռազմաճակատում։ Ծառայել է Ալեքսանդրապոլում (այժմ՝ Գյումրի) և Սարիղամիշում։ Բոլշևիկյան քարոզչական գործունեություն է ծավալել զինվորների շրջանում։ 1920 թվականի Մայիսյան խռովության օրերին ընտրվել է Սարիղամիշի ռազմահեղափոխական կոմիտեի կազմում, եղել կարմիր զորքերի կայազորի պետ։ Ռուսական 11-րդ կարմիր բանակի կողմից Հայաստանը գրավելուց և երկրում խորհրդային վարչակարգի հաստատումից հետո[2] նշանակվել է հայկական կարմիր բանակի առաջին առանձին հրաձգային բրիգադի կոմիսար։ 1921 թվականի փետրվարյան ապստամբության ժամանակ եղել է Ղամարլուի (այժմ՝ Արտաշատ) ռազմաճակատի հրամանատարը և սպանվել մարտական գործողությունների ժամանակ։
Թաղվել է Երևանի 26 կոմիսարների անվան զբոսայգում (այժմ՝ Անգլիական այգի)։
Արարատի մարզի Իմանշալու գյուղը 1935 թվականից կոչվում է Մխչյանի անունով։ Նրան է նվիրված Եղիշե Չարենցի «Իմ ընկեր Լիպոն» բանաստեղծությունը։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 637)։ 
|