Թիկնոցակիր մողես
| Թիկնոցակիր մողես | ||||||||||||||
|---|---|---|---|---|---|---|---|---|---|---|---|---|---|---|
_(8691487073).jpg) | ||||||||||||||
| Գիտական դասակարգում | ||||||||||||||
|
||||||||||||||
| Լատիներեն անվանում | ||||||||||||||
| Chlamydosaurus kingii Gray, 1827 |
||||||||||||||
| Հատուկ պահպանություն | ||||||||||||||
| Արեալ | ||||||||||||||
 | ||||||||||||||
|
|
Թիկնոցակիր մողես (լատին․՝ Chlamydosaurus kingii), մողեսակերպերի կարգի ագամաների ընտանիքին պատկանող մողեսի տեսակ։
Իր անվանումը ստացել է պարանոցի մասում լայն ատամնաեզր օձիքի (թիկնոցի) առկայության պատճառով, որն ընդգրկում է ամբողջ պարանոցը, ընդհատվում է ծոծրակի և կոկորդի հատվածում[1]։
Տարածվածություն[խմբագրել | խմբագրել կոդը]
Տարածված է միայն Օվկիանիա աշխարհամասում։ Տարածվածության արեալը ներառում է Ավստրալիայի հյուսիսարևմտյան մասը և Պապուա Նոր Գվինեայի հարավը։
Ապրում են չոր անտառներում և անտառային տափաստաններում։
Նկարագրություն[խմբագրել | խմբագրել կոդը]
Թիկնոցակիր մողեսի երկարությունը հասնում է 80 սմ-ի։ Ունի վարդագույն կամ մուգ գորշ գունավորում։ Արուի թիկնոցն ունի խայտաբղետ գեղեցիկ գունավորում։
Ապրում է ծառերի վրա, բայց իջնում է գետին և սնվում միջատներով ու մանր կենդանիներով՝ այլ մողեսներով և մկներով։
Հանգիստ վիճակում օձիքը լինում է կոկորդի հատվածում ծալքավորված։ Անհանգիստ, գրգռված վիճակում իսկույն ընդարձակվում է։ Միաժամանակ բացում է երախը։
Նման ձևով վախեցնում է նույնիսկ օձերին և շներին։ Այդ վիճակը նախազգուշացնող է և նա կարող է հարձակվել և կծել։ Նա կարող է նաև վազել հետևի վերջույթների վրա՝ մարմինը պահելով ուղղաձիգ դիրքում։
Ծանոթագրություններ[խմբագրել | խմբագրել կոդը]
- ↑ Հ․Ջ․ Գրիգորյան, Ողնաշարավորներ, Հայերեն կենդանաբանական տերմինաբանություն (վերլուծություն և սկզբունքներ) (խմբ. Հ․Գ․ Խաչատրյան), «ՀՀ ԳԱԱ Գիտություն հրատարակչություն», 2008, էջ 208 — 264 էջ. — 300 հատ, ISBN 978-5-8080-0723-9։
 | Վիքիցեղերն ունի նյութեր, որոնք վերաբերում են «Թիկնոցակիր մողես» հոդվածին։ |
 | Վիքիպահեստն ունի նյութեր, որոնք վերաբերում են «Թիկնոցակիր մողես» հոդվածին։ |
| ||||||||||
