Թբիլիսիի սպորտի պալատ

Թբիլիսիի սպորտի պալատ; თბილისის სპორტის სასახლე
Տեսակ	սպորտի պալատ
Մարզաձև	բասկետբոլ, ձեռքի գնդակ, ձյուդո, թենիս, բոքս
Երկիր	Վրաստան
Տեղագրություն	Վրաստան, Թբիլիսի, Մայիսի 26-ի հրապարակ
Տարողություն	9700
Բնակիչ	Վրաստանի բասկետբոլի ազգային հավաքական
Հիմնադրված է	մայիսի 12, 1961
Բացված	մայիսի 12, 1961
Ճարտարապետ	Վլադիմիր Ալեքսի-Մեսխիշվիլի
Վերանորոգվել է	2007 թվական
Իրադարձություններ	Մանկական Եվրատեսիլ 2017 երգի մրցույթ
Պաշտոնական կայք

Թբիլիսիի սպորտի պալատ (վրաց.՝ თბილისის სპორტის სასახლე), մարզական համալիր, որը գտնվում է Վրաստանի մայրաքաղաք Թբիլիսիում։

Արենան օգտագործվում է բասկետբոլի, ձեռքի գնդակի, ձյուդոյի, թենիսի և բռնցքամարտի մարզումների և մրցաշարերի համար։

Այն բանից հետո, երբ Վրաստանի ներկայացուցիչ Մարիամ Մամադաշվիլին հաղթանակ տարավ Մանկական Եվրատեսիլ 2016 երգի մրցույթում, պարզ դարձավ այն, որ 2017 թվականի Մանկական Եվրատեսիլն անց է կացվելու հենց այստեղ։

Պատմություն[խմբագրել | խմբագրել կոդը]

Թբիլիսիի սպորտի պալատը կառուցվել է 1961 թվականին, իսկ նույն տարվա մայիսի 26-ին տեղի է ունեցել համալիրի բացման արարողությունը։

Համարվում է վրացական «Դինամո Թբիլիսի» բասկետբոլային ակումբի տնային մարզադաշտը^[2]։ Այն խոշորագույն բասկետբոլային արենան է հետխորհրդային երկրներում։ Այն կառուցվել է ճարտարապետ Վլադիմիր Ալեքսի-Մեսխիշվիլիի, Յուրի Կասրաձեի, Բարա Ջափարիձեի և Դավիթ Կաճայայի։

2007 թվականին այն վերանորոգվել է և օգոստոսի 22-ին վերաբացվել։

Նախագծվում է անցնացնել վերակառուցողական աշխատանքների երկրորդ փուլը, որի ժամանակ կվերանորոգվի շենքի տանիքը։ Վերանորոգման ընդհանուր արժեքը գնահատվում է 5 միլիոն ԱՄՆ դոլար։