Ֆիլ Դոնահյու

Ֆիլ Դոնահյու; անգլ.՝ Phil Donahue
Ծնվել է	դեկտեմբերի 21, 1935 (88 տարեկան)
Ծննդավայր	Քլիվլենդ, Օհայո, ԱՄՆ
Քաղաքացիություն	ԱՄՆ
Կրոն	կաթոլիկություն
Կրթություն	Նոտր Դամ համալսարան
Մասնագիտություն	կինոպրոդյուսեր, հեռուստահաղորդավար, լրագրող, թոք շոու վարող և կինոռեժիսոր
Ամուսին	Մարլո Թոմաս
Պարգևներ և ; մրցանակներ	Փիբոդի պարգև և Ցերեկվա Էմմի մրցանակ
	Phil Donahue Վիքիպահեստում

Ֆիլ Դոնահյու (անգլ.՝ Phillip John «Phil» Donahue, դեկտեմբերի 21, 1935(1935-12-21)^[1], Քլիվլենդ, Օհայո, ԱՄՆ^[2]), ամերիկացի լրագրող, հաղորդավար և ռեժիսոր։

Կարծիք կա^[3], որ 1960-ականներին նրա շնորհիվ է հեռուստատեսությունում ստեղծվել թոք շոուի ժանր^[4]։ 1996 թվականին TV Guide-ի «Բոլոր ժամանակների 50 լավագույն հեռուստաաստղեր» ցուցակում (անգլ.՝ 50 Greatest TV Stars of All Time) 42-րդ տեղն է զբաղեցրել^[5], իսկ նրա «Ֆիլ Դոնահյուի շոու»-ն 2002 թվականին «Բոլոր ժամանակների 50 լավագույն հեռուստաշոուները ըստ TV Guide-ի վարկածի» ցուցակում 29-րդ տեղը։

Խորհրդային հեռուստադիտողի մոտ առավելագույն ճանաչողության է հասել ԽՍՀՄ—ԱՄՆ հեռուստակամուրջները վարելու ժամանակ^[6]։

Կենսագրություն[խմբագրել | խմբագրել կոդը]

Կրթություն[խմբագրել | խմբագրել կոդը]

Դոնահյուն Սուրբ Էդուարդ դպրոցի առաջին շրջանավարտներից էր, ավարտել է 1953 թվականին
Ավարտել է Նոտր Դամ համալսարանը, և 1957 թվականին դարձել գործարարական վարչարարության բակալավր^[4]։

Հեռուստատեսություն[խմբագրել | խմբագրել կոդը]

Սկսել է որպես ռեժիսորի օգնական KYW ռադոկայանում և Քլիվլենդի հեռուստատեսությունում։
Եղել է CBS հեռուստաալիքի երեկոյան թողարկումների արտահաստիքային լրագրող։
Օհայոյի WHIO-TV հեռուստաալիքում վարել է առավոտյան նորությունների հաղորդաշարը։
1967 թվականի նոյեմբերի 6-ին Դեյթոնում (Օհայո) սկսել է սեփական «Ֆիլ Դոնահյուի շոուն» (WDTN)։
1986 թվականի հունվարի 22-ին գնացել է ԽՍՀՄ (Լենինգրադ, Կիև, Մոսկվա)։ Նույն թվականին խորհրդային միությունում հեռարձակվել է նրա թոք շոուն։
Մինչև 1996 թվականը Վլադիմիր Պոզների հետ CNBC ալիքով վարել է շաբաթական Posner & Donahue թոք շոուն։
1996 թվականի մայիսին հեռարձակվել է վերջին «Ֆիլ Դոնահյուի շոուն», որը իր տևողությամբ ամերիկյան հեռուստատեսության թոք շոուների մեջ ռեկորդակիրն է։
2002 թվականի հուլիսին MSNBC հեռուստատեսության հրավերով Դոնահյուն եթեր է վերադարձել, բայց այս անգամ նրա շոուն միայն յոթ ամիս է տևել։ 2003 թվականի փետրվարի 8-ին Իրաքում ռազմական գործողությունների սկսվելուց քիչ առաջԴոնահյուին ազատել են աշխատանքից, պատճառաբանելով, որ ցածր վարկանիշ ունի, թեև ըստ անկախ հետազոտողների նա գրավում էր վարկանիշային երրորդ տեղը։ Ֆիլ Դոնահյուն իր ազատումը որակել է, որպես քաղաքական որոշում^[7]։
2007 թվականին Դոնահյուն անկախ ռեժիսոր Էլեն Սպիրոյի հետ եղել է «Body of War» վավերագրական կինոնկարի պրոդյուսերը։ Կինոնկարը պատմում է 24-ամյա զինծառայող Թոմաս Յանգի մասին, ով վիրավորվել էր Իրաքի պատերազմում։ 2007 թվականի նոյեմբերին կինոնկարը այլ 15 վավերագրական նախագծերի հետ մտել է Օսկարի ներկայացված վավերագրական կինոնկարների ցանկի մեջ^[8]։

Ընտանիք[խմբագրել | խմբագրել կոդը]

Ֆիլ Դոնահյուն 1957 թվականին ամուսնացել է դերասանուհի Մարջ Կունիի հետ, 1975 թվականին ամուսնալուծվել են, ունեցել են 5 երեխա։
Երկրորդ անգամ ամուսնացել է 1980 թվականին Մարլո Թոմասի հետ։

Պարգևներ[խմբագրել | խմբագրել կոդը]

«Ֆիլ Դոնահյուի շոուն» հաղորդման համար ոչ մեկ անգամ ստացել է «Էմմի» ցերեկային մրցանակը։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

↑ ^1,0 ^1,1 Bauer P. Encyclopædia Britannica
↑ Биография Фила Донахью
↑ Donahue's Last Hurrah, People Magazine May 20, 1996. Ըստ People Արխիվացված Մարտ 3, 2016 Wayback Machine-ի, «Դոնահյուն յուրահատուկ գիծ ուներ, նա լսարանի հետ աշխատող առաջին թոք շոուի հաղորդավարն էր».
↑ ^4,0 ^4,1 «Фил Донахью. Биографическая справка». Արխիվացված է օրիգինալից 2015 թ․ հունիսի 24-ին. Վերցված է 2015 թ․ օգոստոսի 24-ին.
↑ «Special Collectors' Issue: 50 Greatest TV Stars of All Time». TV Guide (December 14-20). 1996.
↑ Влад Листьев. Пристрастный реквием. — М.: «Зебра Е», 2012. — С. 68.
↑ За что уволили Фила Донахью? — Владимир Познер обличает США
↑ Melidonian, Teni. 15 Docs Move Ahead in 2007 Oscar Race Academy of Motion Picture Arts and Sciences official website. 2007-11-19. Retrieved on 2007-12-3.

Արտաքին հղումներ[խմբագրել | խմբագրել կոդը]

Ֆիլ Դոնահյու Թվիթթերում
Phil Donahue (անգլ.) Internet Movie Database կայքում
Հարցազրույց, «Body of War» Արխիվացված 2008-03-26 Wayback Machine (անգլ.)
Donahue, Phil Արխիվացված 2013-09-23 Wayback Machine
Հարցազրույց Արխիվացված 2007-11-15 Wayback Machine (անգլ.)
Հարցազրույց (անգլ.)

[_e09070fa275ed513-1] 1,0 ^1,1 Bauer P. Encyclopædia Britannica

[2] Биография Фила Донахью

[3] Donahue's Last Hurrah, People Magazine May 20, 1996. Ըստ People Արխիվացված Մարտ 3, 2016 Wayback Machine-ի, «Դոնահյուն յուրահատուկ գիծ ուներ, նա լսարանի հետ աշխատող առաջին թոք շոուի հաղորդավարն էր».

[ria-4] 4,0 ^4,1 «Фил Донахью. Биографическая справка». Արխիվացված է օրիգինալից 2015 թ․ հունիսի 24-ին. Վերցված է 2015 թ․ օգոստոսի 24-ին.

[5] «Special Collectors' Issue: 50 Greatest TV Stars of All Time». TV Guide (December 14-20). 1996.

[6] Влад Листьев. Пристрастный реквием. — М.: «Зебра Е», 2012. — С. 68.

[7] За что уволили Фила Донахью? — Владимир Познер обличает США

[8] Melidonian, Teni. 15 Docs Move Ahead in 2007 Oscar Race Academy of Motion Picture Arts and Sciences official website. 2007-11-19. Retrieved on 2007-12-3.

[1]

[2]

[3]

[4]

[5]

[6]

[7]

[8]