Քլեյ Թոմփսոն

	Քլեյ Թոմփսոն; Klay Thompson
	; Թոմփսոնը 2016 թվականին
Գոլդեն սթեյթ Ուորիորս
Ակումբ	Գոլդեն սթեյթ Ուորիորս
Դիրքը	Հարձակվող պաշտպան/ թեթև հարձակվող
Համար	№ 11
Ի ծնե տրված անունը	Klay Alexander Thompson; Քլեյ Ալեքսանդր Թոմփսոն
Ծննդյան ամսաթիվ	փետրվարի 8, 1990 (34 տարեկան)
Ծննդավայր	Լոս Անջելես, Կալիֆորնիա, ԱՄՆ
Ազգություն	Ամերիկացի
Հասակ	2,01 մ
Քաշ	93 կգ
Դպրոց	Սանտա Մարգարիտայի կաթոլիկ դպրոց; (Ռանչո Սանտա Մարգարիտա, Կալիֆորնիա)
համալսարան	Վաշինգտոնի նահանգային համալսարան (2008–2011)
Դրաֆթի տարի	2011 / ռաունդ՝ 1 / ընտր.՝ 11-րդ
Դրաֆթ ակումբ	Գոլդեն սթեյթ Ուորիորս
Կարիերայի պատմություն
	Գոլդեն սթեյթ Ուորիորս (2011-այժմ)
Մրցանակներ
	; 4× NBA չեմպիոն (2015, 2017, 2018, 2022); 5× NBA աստղ (2015–2019); 2× All-NBA երրորդ թիմ (2015, 2016); NBA All-Defensive երկրոդ թիմ (2019); NBA երեքմիավորանոց նետումների հանդիպման հաղթող (2016); NBA All-Rookie առաջին թիմ (2012); 2× All-Pac-10 առաջին թիմ (2010–2011); #1 խաղաշապկի հավերժացում Վաշինգտոնի նահանգային համալսարանի կողմից;

Քլեյ Ալեքսանդր Թոմփսոն (անգլ.՝ Klay Alexander Thompson, փետրվարի 8, 1990(1990-02-08)^[1], Լոս Անջելես, Լոս Անջելես շրջան, Կալիֆոռնիա, ԱՄՆ^[1]), ամերիկացի պրոֆեսիոնալ բասկետբոլիստ, հարձակվող պաշտպան և թեթև հարձակվող։ Հանդես է գալիս Բասկետբոլի ազգային ասոցիացիայի (NBA) «Գոլդեն սթեյթ Ուորիորս» ակումբում։

Ծնվել է Լոս Անջելեսում, մանկություն անցկացրել Լադերա Ռանչ բնակավայրում (Կալիֆորնիա նահանգ)։ Հաճախել է Ռանչո Սանտա Մարգարիտայում գտնվող «Սանտա Մարգարիտա» ավագ դպրոցը^[2]։ Դպրոցի ավարտական տարում Թոմփսոնը միջինը բերում էր 21 միավոր, որի օգնությամբ թիմը մրցաշրջանում ունենում է 30 հաղթանակ և ընդամենը 5 պարտություն, ինչի շնորհիվ էլ դուրս է ելնում մինչև նահանգային առաջնություն^[2]։ Նահանգային առաջնության ժամանակ Թոմփսոնը սահմանում է խաղային ռեկորդ՝ մեկ հանդիպման ընթացքում իրացնելով յոթ 3-միավորանոց նետում։ Դպրոցն ավարտելով 2008 թվականին՝ Թոմփսոնն ընդունվում է Վաշինգտոնի նահանգային համալսարան։ Համալսարանի առաջին, երկրորդ և երրորդ կուրսերում Թոմփսոնը միջինը բերում էր համապատասխանաբար 12, 5, 19, 6 և 21, 6 միավոր։

Ընտրվել է NBA-ի 2011 թվականի դրաֆթի առաջին ռաունդի 11-րդ ընտրությամբ՝ «Գոլդեն սթեյթ Ուորիորսի» կողմից։

2014 թվականին խաղընկեր Ստեֆեն Քարիի հետ (միասին հայտնի որպես «Սփլեշ եղբայրներ», "Splash Brothers") ռեկորդ է սահմանել կոմբինացիոն 3-միավորանոց նետումների ասպարեզում (484)։

2015, 2017, 2018 և 2022 թվականներին, «Ուորիորսի» կազմում ճանաչվել է NBA-ի չեմպիոն։

Թոմփսոնի հայրը՝ Մայքլ Թոմփսոնը ժամանակին հանդես է եկել NBA-ում՝ «Լոս Անջելես Լեյքերսի» կազմում 1987 և 1988 թվականներին դառնալով NBA-ի չեմպիոն։

Ուսանողական կարիերա

Թոմփսոնն ավարտել է «Սանտա Մարգարիտա» կաթոլիկական դպրոցը, որը գտնվում է Կալիֆորնիա նահանգի համանուն քաղաքում։ Դպրոցն ավարտելուց հետո 3 մրցաշրջան անցկացրել է Վաշինգտոնի նահանգային համալսարանի բասկետբոլային հավաքականում։

2008-09 մրցաշրջանում Թոմփսոնն անցկացնում է 33 հանդիպում՝ մանրահատակի վրա միջինում անցկացնելով 33 րոպե և գրանցելով 12 միավոր, 4 բլոկշոտ, 1 խլում, 2 արդյունավետ փոխանցում և 1 կորուստ^[3]։

2009-10 մրցաշրջանում Թոմփսոնն անցկացնում է ընդամենը 3 հանդիպում՝ միջինում խաղալով 35 րոպե և գրանցելով 20 միավոր, 5 բլոկշոտ, 1 խլում, 2 արդյունավետ փոխանցում և ունենալով ընդամենը 3 կորուստ^[3]։

2010-11 մրցաշրջանում Թոմփսոնն անցկացնում է 34 մարզական հանդիպում՝ մանրահատակի վրա միջինում անցկացնելով 35 րոպե և գրանցելով 21 միավոր, 5 բլոկշոտ, 1 խլում, 4 արդյունավետ փոխանցում և ունենալով ընդամենը 3 կորուստ^[3]։

NBA-ի կարիերան

Ընտրվել է 2011 թվականի NBA դրաֆթի առաջին ռաունդի 11-րդ ընտրությամբ «Գոլդեն սթեյթ Ուորիորս» ակումբի կողմից^[4]։

NBA-ում անցկացրած առաջին մրցաշրջանում Թոմփսոնը մանրահատակի վրա միջինում անցկացնում էր 24 րոպե, և իր հաշվին գրանցում 12 միավոր, 2 բլոկշոտ և 2 փոխանցում։ Մեկնարկային մրցաշրջանի բարձրագույն արդյունքը Թոմփսոնն ունենում է «Սաքրամենտո Քինգս» ակումբի հետ խաղում, որի ժամանակ հաշվին գրանցում է 31 միավոր։ Ընդհանուր առմամբ, Թոմփսոնը մեկնարկային մրցաշրջանում 10 անգամ հավաքել էր 20-ից բարձր միավոր։

2015 թվականի հունվարի 23-ին Թոմփսոնը NBA-ի նոր ռեկորդ է սահմանում «Սաքրամենտոյի» հետ հանդիպման ժամանակ՝ մեկ խաղակեսի ընթացքում հավաքելով 37 միավոր։ Հանդիպման երրորդ խաղափուլում Թոմփսոնն արդյունավետ կերպով արձակում է 13 նետում։ Հանդիպման ավարտին Թոմփսոնն իր հաշվին գրանցում է կարիերայի բարձրագույն՝ 52 միավոր։

Ծանոթագրություններ

↑ ^1,0 ^1,1 ^1,2 https://basketball.realgm.com/player/Klay-Thompson/Summary/4717
↑ ^2,0 ^2,1 «Քլեյ Թոմփսոնի էջը WSUCougars.com կայքում». Վաշինգտոն սթեյթ Քուգըրս. Արխիվացված է օրիգինալից 2011 թ․ հուլիսի 18-ին. Վերցված է 2010 թ․ ապրիլի 10-ին.
↑ ^3,0 ^3,1 ^3,2 Վիճակագրական տվյալները «Վաշինգտոն սթեյթի» հավաքականի կազմում
↑ НБА. Դրաֆթ-2011։ «Կլիվլենդն» 1-ին համարով ընտրում է Կայրի Իրվինգին, իսկ «Մինեսոտան» օգտագործելով 2-րդ համարը ձեռք է բերում Դերիք Ուիլյամսին(ռուս.)

Արտաքին հղումներ

Վիքիպահեստն ունի նյութեր, որոնք վերաբերում են «Քլեյ Թոմփսոն» հոդվածին։

[_490c8a565beade2f-1] 1,0 ^1,1 ^1,2 https://basketball.realgm.com/player/Klay-Thompson/Summary/4717

[Klay1-2] 2,0 ^2,1 «Քլեյ Թոմփսոնի էջը WSUCougars.com կայքում». Վաշինգտոն սթեյթ Քուգըրս. Արխիվացված է օրիգինալից 2011 թ․ հուլիսի 18-ին. Վերցված է 2010 թ․ ապրիլի 10-ին.

[stat_col-3] 3,0 ^3,1 ^3,2 Վիճակագրական տվյալները «Վաշինգտոն սթեյթի» հավաքականի կազմում

[4] НБА. Դրաֆթ-2011։ «Կլիվլենդն» 1-ին համարով ընտրում է Կայրի Իրվինգին, իսկ «Մինեսոտան» օգտագործելով 2-րդ համարը ձեռք է բերում Դերիք Ուիլյամսին(ռուս.)

[1]

[2]

[3]

[4]