Վլադիմիր Հարությունյան (ֆիզիկոս)
Անվան այլ կիրառումների համար տե՛ս՝ Վլադիմիր Հարությունյան (այլ կիրառումներ)
Վլադիմիր Հարությունյան | |
|---|---|
.jpg) | |
| Ծնվել է | օգոստոսի 30, 1940[1] Երևան, Հայկական ԽՍՀ, ԽՍՀՄ |
| Մահացել է | հոկտեմբերի 11, 2022[2] (82 տարեկան) Երևան, Հայաստան |
| Քաղաքացիություն |  Հայաստան |
| Մասնագիտություն | ֆիզիկոս |
| Հաստատություն(ներ) | Ռադիոֆիզիկայի և էլեկտրոնիկայի ինստիտուտ |
| Գործունեության ոլորտ | Ռադիոֆիզիկա |
| Ալմա մատեր | Կիևի պոլիտեխնիկական ինստիտուտ |
| Կոչում | պրոֆեսոր |
| Գիտական աստիճան | ֆիզիկամաթեմատիկական գիտությունների դոկտոր, պրոֆեսոր և ակադեմիկոս |
| Պարգևներ | |
Վլադիմիր Միքայելի Հարությունյան (օգոստոսի 30, 1940[1], Երևան, Հայկական ԽՍՀ, ԽՍՀՄ - հոկտեմբերի 11, 2022[2], Երևան, Հայաստան), հայ ֆիզիկոս։ Ֆիզիկամաթեմատիկական գիտությունների դոկտոր (1979), պրոֆեսոր (1981), ՀՀ ԳԱԱ ակադեմիկոս (1996, թղթակից անդամ՝ 1990)[3]:
Կենսագրություն
[խմբագրել | խմբագրել կոդը]Վլադիմիր Հարությունյանը ծնվել է Երևանում։ 1964 թվականին ավարտել է Կիևի պոլիտեխնիկական ինստիտուտը, 1969 թվականին՝ Հայաստանի գիտությունների ակադեմիայի Էլեկտրոնիկայի և ռադիոֆիզիկայի ինստիտուտի ասպիրանտուրան։ 1965-1974 թվականներին եղել է ՀՀ ԳԱԱ Ռադիոֆիզիկայի և էլեկտրոնիկայի ինստիտուտի ինժեներ, գիտական աշխատող, ինստիտուտի գիտական քարտուղար, ավագ գիտական աշխատող, 1972-1974 թվականներին՝ կիսահաղորդչային սարքերի ֆիզիկայի լաբորատորիայի վարիչ, 1974 թվականից՝ ԵՊՀ կիսահաղորդիչների և դիէլեկտրոնների ամբիոնի վարիչ և դրան կից հիմնախնդիրների լաբորատորիայի գիտական ղեկավար, 2007 թվականից՝ Կիսահաղորդչային սարքերի և նանոտեխնալոգիաների կենտրոնի գիտական ղեկավար։
Աշխատանքները վերաբերում են կիսահաղորդիչների ֆիզիկայի և էլեկտրաքիմիային, կիսահաղորդչային սարքերի, միկրոէլեկտրոնիկայի, օպտոէլեկտրոնիկայի, արեգակնային էներգետիկայի բնագավառներին։ Ուսումնասիրել է անհավասարակշիռ երևույթները կիսահաղորդչային սարքերում, կիսահաղորդչային նյութերի ֆիզիկական և էլեկտորաքիմիական հատկությունները[4]։
Անդամակցություն
[խմբագրել | խմբագրել կոդը]- Ռուսաստանի բնական գիտությունների ակադեմիայի արտասահմանյան անդամ
- Ֆրանսիական միջազգային ինժեներական և ֆրանսիական «Արարատ» Գիտությունների ակադեմիաների անդամ
- Journal Alternative Energetics and Ecology ամսագրի գիտական խորհրդի անդամ
- «Հայկական բանակ» ամսագրի գիտական խորհրդի անդամ
- Նյու-Յորքի գիտությունների ակադեմիայի գործող անդամ
Պարգևներ
[խմբագրել | խմբագրել կոդը]- «Անանիա Շիրակացու» մեդալ
- Հայաստանի Հանրապետության Նախագահի մրցանակ, 2007
- ՀՀ Վարչապետի հուշամեդալ, 2009
- ՀՀ կրթության և գիտության նախարարության ոսկե մեդալ
Երկեր
[խմբագրել | խմբագրել կոդը]- Ֆոտոընդունիչներ. անցյալը, ներկան, ապագան, Երևան, 1986 (համահեղինակ)։
- Միկրոէլեկտրոնիկայի ֆիզիկական հիմունքներ։ Ուսումնական ձեռնարկ, Վլադիմիր Միքայելի Հարությունյան, Երևանի համալսարանի հրատարակչություն, 1995։
- Կիսահաղորդչային սարքեր։ Երևան, Երևանի համալսարանի հրատարակչություն, 1996 (համահեղինակ)։
- Գերբարձր հաճախականային կիսահաղորդչային էլեկտրոնիկայի հիմունքներ։ Ուսումնական ձեռնարկ, Երևանի պետական համալսարան, Երևան, ԵՊՀ հրատարակչություն, 2008 (համահեղինակ)[5]։
Ծանոթագրություններ
[խմբագրել | խմբագրել կոդը]- ↑ 1,0 1,1 http://am.hayazg.info/index.php?curid=10611
- ↑ 2,0 2,1 2,2 https://www.sci.am/newsview.php?id=590&arch=&langid=1
- ↑ «ՀՀ գիտությունների ազգային ակադեմիայի իսկական անդամներ». Վերցված է 2023 թ․ հունիսի 8-ին.
- ↑ «ՀՀ ԳԱԱ ակադեմիկոսների կենսամատենագիտություններ». Վերցված է 2023 թ․ հունիսի 8-ին.
- ↑ «ՀՀ ԳԱԱ հիմնարար գիտական գրադարանի էլ․ քարտարան- Վլադիմիր Հարությունյան». Վերցված է 2023 թ․ հունիսի 8-ին.
 | Վիքիդարանն ունի նյութեր, որոնք վերաբերում են «Վլադիմիր Հարությունյան (ֆիզիկոս)» հոդվածին։ |
| ||||||
- Օգոստոսի 30 ծնունդներ
- 1940 ծնունդներ
- Երևան քաղաքում ծնվածներ
- Հոկտեմբերի 11 մահեր
- 2022 մահեր
- Երևան քաղաքում մահացածներ
- Անանիա Շիրակացու մեդալակիրներ
- Պողոսյան մրցանակի դափնեկիրներ
- ՀՀ գիտության վաստակավոր գործիչներ
- Գիտնականներ այբբենական կարգով
- Անձինք այբբենական կարգով
- Հայ ֆիզիկոսներ
- Ֆիզիկամաթեմատիկական գիտությունների դոկտորներ
- Հայ պրոֆեսորներ
- ՀՀ ԳԱԱ ակադեմիկոսներ
- ԵՊՀ դասախոսներ