Վլադիմիր Կարապետյան

Վիքիպեդիայում կան հոդվածներ Կարապետյան ազգանունով այլ մարդկանց մասին։

Վլադիմիր Կարապետյան
Ծնվել է	մարտի 7, 1946(1946-03-07) (78 տարեկան) Ղրղի, Շամշադինի շրջան, Հայկական ԽՍՀ, ԽՍՀՄ
Քաղաքացիություն	Հայաստան
Մասնագիտություն	հոգեբան
Ալմա մատեր	Հայկական պետական մանկավարժական համալսարան և Մոսկվայի պետական համալսարան
Գիտական աստիճան	հոգեբանական գիտությունների դոկտոր և պրոֆեսոր

Վլադիմիր Սևանի Կարապետյան (մարտի 7, 1946(1946-03-07), Ղրղի, Շամշադինի շրջան, Հայկական ԽՍՀ, ԽՍՀՄ), հայ հոգեբան, հոգեբանական գիտությունների դոկտոր (1999), պրոֆեսոր (2008)։ 1989 թվականին նշանակվել է «Հուսո Փարոս» հոգեբանական կենտրոնի գլխավոր հոգեբան։ 2013 թվականին ընտրվել է Հոգեբանական գիտությունների միջազգային ակադեմիայի թղթակից անդամ 2007-2012 թվականների ռուսերենով, ուկրաիներենով և այլ լեզուներով կատարած աշխատանքների մրցույթի արդյունքում։

Կենսագրություն

Վլադիմիր Կարապետյանը ծնվել է 1946 թվականի մարտի 7-ին, Արծվաբերդ (այժմ՝ ՀՀ Տավուշի մարզում) գյուղում։ 1969 թվականին ավարտել է Հայկական պետական մանկավարժական համալսարանի մաթեմատիկայի ֆակուլտետը, 1969-1970 թվականներին սովորել է Դոնի-Ռոստովի պետական համալսարանի կենսաբանության ֆակուլտետում։ 1970-1971 թվականներին ծառայել է խորհրդային բանակում։ Ունի փոխգնդապետի զինվորական կոչում։ 1973-1978 թվականներին աշխատել է նույն համալսարանի հոգեբանության գիտահետազոտական լաբորատորիայում։ 1978 թվականին ընդունվել է Մոսկվայի պետական համալսարանի հոգեբանության ֆակուլտետի ասպիրանտուրան, իսկ 1981 թվականին պաշտպանել է թեկնածուական ատենախոսությունը՝ ստանալով հոգեբանական գիտությունների թեկնածուի գիտաստիճան։ 1983 թվականին մասնակցել է Կիևի ինժեներա-շինարարական ինստիտուտի ուսուցման ակտիվ մեթոդների լաբորատորիայի կազմակերպած դասընթացներին և ստացել «Գործարար խաղերի ղեկավար» մասնագիտությունը»։ 2003 թվականին նշանակվել է ՀՊՄՀ-ի հոգեբանության պրոբլեմային լաբորատորիայի վարիչ։ Հոգեբանական գիտությունների դոկտորի գիտաստիճանը ստացել է 1999 թվականին՝ Վրաստանի գիտությունների ակադեմիայի հոգեբանության ինստիտուտում դոկտորական ատենախոսությունը պաշտպանելով։ Պրոֆեսորի գիտական կոչումը ստացել է 2008 թվականին։ 2010 թվականին ընտրվել է Տարիքային և Մանկավարժական հոգեբանության ամբիոնի վարիչի պաշտոնում։ 2012 թվականին արժանացել է «Ռուսաստանի լավագույն հոգեբան» պատվո նշանին և մրցանակին։ Ներկայումս ղեկավարում է Հայկական պետական մանկավարժական համալսարանի Տարիքային և մանկավարժական հոգեբանության ամբիոնը։

Անդամակցություն

• 1983 թվականին ԽՍՀՄ հոգեբանների ընկերության անդամ և հոգեբանների Համամիութենական 6-րդ համագումարի պատգամավոր
• Մանկավարժության 020 Գիտական քարտուղար և Հոգեբանության 060 մասնագիտական խորհրդի անդամ (2001)
• Մրցույթով ընտրվել է կրթության միջազգային ամսագրի (Problems of Education in 21-st centyry) խմբագրական խորհրդի և փորձագետների խմբի անդամ (2009)
• Խ. Աբովյանի անվան պետական մանկավարժական համալսարանի Հոգեբանության և սոցիալական մանկավարժության ֆակուլտետի գիտական խորհրդի անդամ (2010)

Պարգևներ

• 2012 թվականին արժանացել է «Ռուսաստանի լավագույն հոգեբան» պատվո նշանին և մրցանակին

Երկեր

• Նեյրոլեզվաբանական ծրագրավորման համառոտ ձեռնարկ բոլորի համար, Երևան, 2004, 64 էջ։
• Տեսական մոտեցումներ հաղորդակցման հիմնահարցին և դրանց գործնական կիրառությունը կրթական համակարգում, Գիտական տեղեկագիր, Երևան, 2004։
• Հարցազրույցի արդյունավետ կազմակերպումը նոր կողմնորոշումներով, Գիտական տեղեկագիր, Երևան, 2004, էջ 58-65։
• Սկսնակ ուսուցչի գործունեության գնահատումը էմպիրիկ ուսումնասիրությունների մակարդակում, Կրթությունը և գիտությունը Արցախում, Ν 3-4, 2006, էջ 81-87։
• Ուսումնադաստիարակչական գործընթացների մի քանի դժվարությունների հոգեբանական ուսումնասիրությունների արդյունքներ, Գիտական հոդվածների ժողովածու, Երևան, 2006, էջ 58-66։
• Անձի ինքնագնահատականի էմպիրիկ ուսումնասիրումը հոգեբանական զրույցների միջոցով, ՙՀանրապետական գիտական նստաշրջան՚ նյութերի ժողովածու, Գյումրի, - 2007, էջ 311-315։
• Առողջ կենսակերպի ձեւավորման հոգեբանական գործոնները, ՙՀանրապետական գիտական նստաշրջան՚ նյութերի ժողովածու Գյումրի, 2007, էջ 315-317։
• Սոցիալ- հոգեբանական վարժեցումը և անձի ինքնգնահատականը -, ՙՀանրապետական գիտական նստաշրջան՚ նյութերի ժողովածու Գյումրի, 2007, էջ 317-323։
• Մասնագիտական ընտրության և մասնագիտական ուղղվածության հոգեբանական ուսումնասիրություններ մանկավարժական բուհերում, ՙԸնտանիք և դպրոց՚, 2, 2007:
• Անձի ինքնագնահատականի էմպիրիկ ուսումնասիրումը հոգեբանական զրույցների միջոցով, Մանկավարժական կրթություն. Հայացք դեպի ապագան, Մանկավարժ-2007։
• Հոգեբանական ծառայությունը կրթական համակարգում, Զանգակ-97, երևան, 2010, 458 էջ։
• Տարիքային հոգեբանության արդի հիմնախնդիրները, ՙՀատուկ մանկավարժություն և վերականգնողական հոգեբանություն, Գիտական հանդես, 1(1.) 2011, էջ 80-89։
• Сборник задач по психологии, Ереван, Издательство ”Зангак-97”, 2004, 228 с. (на армянском языке)
• Практическое пособие невербального общения, Ереван, Издательство “ Зангак-97”, 2001, 86 с. (на армянском языке)
• Особенности восприятия, понимания и усвоения учебного материала, Ереван, Издательство “ Наири”, 2000, 96 с (на армянском языке).
• Карапетян В. С, Косакян В. М. Столетие геноцида-потенциал национальной трезвости и перспективного развития(на арм.языке) Семья и школа, Национальный институт образования РА, 1, 2015 г. С. 9-14.
• Карапетячн В. С. Геворгян С. Р., Испирян М. М Аргументированные экспериментальные исследования как площадка для воплощения в жизнь концепций инклюзивного образования (подтекст психолого-педагогического анализа) Психология и образование 2015 г. 7(17) С. 13-19 /монография/
• Վլադիմիր Կարապետյան Փաստարկված փորձարարական հետազոտությունները՝ համագործակցային ուսուցման հայեցակարգերի իրագործման հարթակ Ընտանիք և դպրոց Գիտամեթոդական ամսագիր Թ. 2. 2015, էջ 3-16։
• В. С. Карапетян С. А. Розанова, Развитие мотивации к изучению математики в современном мире Москва, 2015 г.
• Ruben Mirzakhanyan, Srbuhi Gevorgyan, Vladimir Karapetyan Research as a Deliberate Chess Activity Software Testing Platform for Professional Dynamic Development of the Education Sector. Management Studies, Jul.-Aug. 2016.

Ծանոթագրություններ

Վիքիդարանն ունի նյութեր, որոնք վերաբերում են «Վլադիմիր Կարապետյան» հոդվածին։