Վերափոխման տաճար (Վլադիմիրովսկայա)
Անվան այլ կիրառումների համար տե՛ս՝ Սուրբ Աստվածածնի Վերափոխման եկեղեցի (այլ կիրառումներ)
| Վերափոխման տաճար | |
|---|---|
 | |
| Հիմնական տվյալներ | |
| Տեսակ | տաճար |
| Երկիր |  Ռուսաստան |
| Տեղագրություն | Վլադիմիրովսկայա |
| Դավանանք | ուղղափառություն |
| Թեմ | Շախտիի թեմ |
| Հիմնական ամսաթվերը | 1830 |
| Հիմնադրված | 1830 |
 | |
 | |
Վերափոխման տաճար (ռուս.՝ Успенский храм), ուղղափառ եկեղեցի Ռուսաստանի Ռոստովի մարզի Կրասնի Սուլինի շրջանի Վլադիմիրովսկայա գյուղում։ Ենթարկվում է Ռուս Ուղղափառ եկեղեցու Մոսկվայի պատրիարքության Սուլինի գործակալության Շախտիի և Միլլերովոյի թեմին։
Տաճարի հասցեն՝ Ռուսաստան, Ռոստովի մարզ, Կրասնի Սուլինի շրջան, գյուղ Վլադիմիրովսկայա։
Պատմություն
[խմբագրել | խմբագրել կոդը]Վլադիմիրովսկայա ստանիցայի Վերափոխման տաճարը ներկայիս Ռոստովի մարզի Կրասնի Սուլինի շրջանում կառուցված առաջին ուղղափառ եկեղեցին է։
Վերափոխման եկեղեցին կառուցվել է 1830 թվականին նախքան Վլադիմիրովսկայա բնակավայրի ձևավորումը։ Այն պատկանում էր Նովոիվանովկա ստանիցային, որը հետագայում անցել է Վլադիմիրովսկայա ստանիցային։
Տաճարը կառուցվել է փոխգնդապետի կնոջ՝ Մարիա Իվանովնա Բոբրիկովայի և ծխականների միջոցներով։ Դա քարե հիմքի վրա փայտե եկեղեցի էր։ Եկեղեցին չուներ զանգակատուն. զանգերը կախել էին սյուներից։
1874 թվականին ստանիցայում որոշեցին կառուցել նոր եկեղեցի, իսկ հնի գերանակապվածքը 1877 թվականին վաճառեցին Ուստ-Բելոկալիտվենսկայա ստանիցայի Սվինարյով խուտորին։ Նոր փայտե եկեղեցին 1874 թվականին կառուցվել է կազակ Ստեպան Շևիրևի միջոցներով։ Նոր եկեղեցին նույնպես փայտե էր, քարե հիմքի վրա, միաթոռ։ Եկեղեցու շինարարությունն արժեցել է 18500 ռուբլի։
Տաճարը կանգնած է եղել Մոսկվա-Կովկաս մայրուղում, որը Մոսկվան և Սանկտ Պետերբուրգը կապում էր Դոնի, Կուբանի և Կովկասի հետ։ Այդ պատճառով նրա հարևանությամբ ճանապարհորդների համար կառուցվել էր իջևանատուն։ Այնտեղ ժամանակին կանգ են առել Ալեքսանդր Պուշկինը, Նիկոլայ I-ը և Ալեքսանդր II-ը, որոնք այցելել են կառուցված Վերափոխման տաճարը։
19-րդ դարի վերջին - 20-րդ դարի սկզբին Վերափոխման եկեղեցու ծխում գործում էին Վլադիմիրովսկայա, Պրոխորովսկո-Կունդրյուչենկայա և Կալինովսկո-Օսիպովսկայա եկեղեցական-ծխական դպրոցները։ Դպրոցներն աշխատում էին Դոնի թեմի և տեղի ծխականների միջոցներով։
Ռուսաստանի քաղաքացիական պատերազմի ժամանակ Վլադիմիրովսկայայի գյուղացիները դուրս եկան բոլշևիկների դեմ՝ ձևավորելով հեծելազորային գունդ։ Դա գյուղացիների բռնաճնշումների պատճառ դարձավ։ Այստեղ երեք անգամ տեղի է ունեցել կազակաթափություն, կազակների մի մասը ենթարկվել է բռնաճնշումների։
20-րդ դարի 20-ական թվականներին Վերափոխման տաճարը փակվել է, այն որոշ ժամանակ օգտագործվել է որպես պահեստ։
Հայրենական մեծ պատերազմի տարիներին, գերմանական օկուպացիայի ժամանակ, 1942 թվականին տաճարը վերաբացվել է ծիսակատարությունների համար։ Տաճարը կրկին փակվել է 1950-ական թվականներին, այնտեղ տեղակայվել է մշակույթի տունը։
Կղերականություն
[խմբագրել | խմբագրել կոդը]- Դյաչենկո Վասիլի Տիխոնովիչ (1861-1880)
- Մարտինով Գրիգորի Իվանովիչ (1880-1900)
- Բորիսով Վասիլի Անդրեևիչ (1900-1907)
- Պոպով Նիկոլայ Վիկտորովիչ
Գրականություն
[խմբագրել | խմբագրել կոդը]- Кудрявцев В. Успенская церковь ст. Владимировской / В. В. Кудрявцев // Криница. – 2002. – 22 авг. (№34) - С.4.
- Кудрявцев В. Успенская церковь ст. Владимировской / В. В. Кудрявцев // Сулинская земля: страницы истории. – Ростов н/Д., 1999. - С.121 – 125.
- Мякинченко В. Успенская церковь / В. А. Мякинченко // Сулин и сулинцы: слов. – справ. – Красный Сулин, 2002. – С.101.