Վարդգես Ահարոնյան

Վարդգես Ահարոնյան;
Ծնվել է	դեկտեմբերի 27, 1888
Ծննդավայր	Իգդիր, Երևանի նահանգ, Ռուսական կայսրություն
Մահացել է	փետրվարի 19, 1965 (76 տարեկան)
Մահվան վայր	Վաշինգտոն, ԱՄՆ
Քաղաքացիություն	Ռուսական կայսրություն
Կրթություն	Մոսկվայի պետական համալսարանի իրավաբանական ֆակուլտետ
Մասնագիտություն	իրավաբան, գրող, հասարակական գործիչ և մանկավարժ
Ծնողներ	հայր՝ Ավետիս Ահարոնյան
Կուսակցություն	ՀՅԴ
	Vartkes Aharonian Վիքիպահեստում

Վիքիպեդիայում կան հոդվածներ Ահարոնյան ազգանունով այլ մարդկանց մասին։

Վարդգես Ավետիսի Ահարոնյան (դեկտեմբերի 27, 1888(1888-12-27), Իգդիր, Երևանի նահանգ, Ռուսական կայսրություն - փետրվարի 19, 1965(1965-02-19)^[1], Վաշինգտոն, ԱՄՆ), հայ հասարակական գործիչ, իրավաբան, գրող, մանկավարժ։

Ավետիս Ահարոնյանի որդին է։

Կենսագրություն

Վարդգես Ահարոնյանը ծնվել է 1888 թվականին Իգդիրում։ Սովորել է Իգդիրի ռուսական գիմնազիայում, 1908 թվականին ավարտել է Երևանի պետական գիմնազիան և ընդունվել Մոսկվայի պետական համալսարանի իրավագիտության բաժինը։ Ահարոնյանի առաջին պատմվածքները լույս են տեսել Մոսկվայում ուսումնառության տարիներին։ Վարդգես Ահարոնյանը կազմակերպել է հանգանակություն` դաշնակցության գործերով բանտարկված և հյուծախտով հիվանդ հորը բանտից ազատելու համար։ Առաջին համաշխարհային պատերազմի (1914-1918) տարիներին Ահարոնյանը կամավորագրվել է Անդրանիկի գումարտակում, եղել թարգմանիչ-գրագիր։ Կամավորական գումարտակների լուծարումից հետո Անդրանիկի հետ մեկնել է Թիֆլիս։ Հայաստանի առաջին Հանրապետության տարիներին եղել է հանրապետության դատախազը^[2]։

ՀՀ անկումից հետո մեկնել է Փարիզ` հոր մոտ, 1923 թվականին՝ ԱՄՆ։ Զբաղվել է հայ մանուկների դաստիարակության գործերով, 1948-1958 թվականներին աշխատել է Նյու-Յորքի Ս. Լուսավորիչ մայր եկեղեցու վարժարանում, քաղաքի Վաշինգտոն Հայթս թաղամասում բացել Ահարոնյան դպրոցը, կազմել է հայերենի «Հրազդան» դասագիրքը կնոջ՝ Արմենուհի Տիգրանյան-Ահարոնյանի հետ։ Հրատարակել է Ավետիս Ահարոնյանի գործերի 10 հատորյակը (1946-1951)։ 1964 թվականին այցելել է Հայաստան^[2]^[3]^[4]։

Մահացել է 1965 թվականի փետրվարի 15-ին, Վաթերթաունում (Բոստոնի մոտերը)։

Երկեր

Յովհաննէս Թումանեան. մարդը եւ բանաստեղծը, Բոստոն, 1936։
Րաֆֆի. կեանքը, Նիւ Եորք, 1936։
Անդրանիկ. մարդը եւ ռազմիկը, Բոստոն, 1957։

Ծանոթագրություններ

↑ ^1,0 ^1,1 ^1,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Ով ով է. Հայեր. Կենսագրական հանրագիտարան, հատոր առաջին, Երևան, 2005.
↑ «historyofarmenia.am.am». www.historyofarmenia.am. Վերցված է 2018 թ․ դեկտեմբերի 27-ին.
↑ «Koha online catalog, Ահարոնյան, Վարդգես Ավետիսի». haygirk.nla.am. Վերցված է 2018 թ․ դեկտեմբերի 27-ին.

Վիքիդարանն ունի նյութեր, որոնք վերաբերում են «Վարդգես Ահարոնյան» հոդվածին։

Վիքիպահեստն ունի նյութեր, որոնք վերաբերում են «Վարդգես Ահարոնյան» հոդվածին։

[_84d316ac5f683c37-1] 1,0 ^1,1 ^1,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[Ով_ով_է-2] 2,0 ^2,1 Ով ով է. Հայեր. Կենսագրական հանրագիտարան, հատոր առաջին, Երևան, 2005.

[3] «historyofarmenia.am.am». www.historyofarmenia.am. Վերցված է 2018 թ․ դեկտեմբերի 27-ին.

[4] «Koha online catalog, Ահարոնյան, Վարդգես Ավետիսի». haygirk.nla.am. Վերցված է 2018 թ․ դեկտեմբերի 27-ին.

[1]

[2]

[3]

[4]