Վատիկանի դեղատուն
Վատիկանի դեղատուն Vatican Pharmacy | |
|---|---|
.svg) | |
| Տեսակ | Դեղատուն |
| Անվանված է ի պատիվ | Farmacia Vaticana |
| Հիմնադրված է | 1874 |
| Հիմնադիր | Էուսեբիո Լյուդվիգ Ֆրոնտման |
| Վայր | Վատիկան |
| Երկիր | Վատիկան |
| Տնօրեն | Բինիշ Թոմաս Մուլակալ |
| Արտադրանք | դեղ, կոսմետիկա |
| Աշխատողների թիվ | 69 |
| Կայք | farmaciavaticana.va |
Վատիկանի դեղատուն (Latin and իտալ.՝ Farmacia Vaticana) Վատիկանի միակ դեղատունը, որը հիմնադրվել է 1874 թվականին կրոնական գործիչ, բոնիֆրատր վանական Էուսեբիո Լյուդվիգ Ֆրոնտմանի կողմից[1]։ Վատիկանի աղբյուրների համաձայն՝ այն աշխարհի ամենածանրաբեռնված դեղատունն է, որն օրական սպասարկում է 2000 հաճախորդի[1]։ Այս հաճախորդների կեսը գալիս է դրսից՝ Իտալիայում անհասանելի կամ դժվար հասանելի դեղամիջոցների համար[2]։
Դեղատան ներկայիս տնօրենը Բինիշ Թոմաս Մուլակալն է՝ նույնպես բոնիֆրատր վանական[1]։ Չնայած դեղատան տնօրենը միշտ եղել է բոնիֆրատր վանական, վերջին 30 տարվա ընթացքում լրիվ դրույքով դեղագործները եղել են աշխարհականներ (2014 թվականին՝ 7 վանական և 53 աշխարհական)[3]։ Դեղատունը կառավարվում է Առողջապահության Դիրեկցիայի կողմից, որը Վատիկանի ութ վարչություններից մեկն է (իտալ.՝ Direzione di Sanità ed Igiene)[4]:
Պատմություն
[խմբագրել | խմբագրել կոդը]Դեղատունը հիմնադրվել է 1874 թվականին «Հռոմեական հարցի» գագաթնակետին, երբ պետքարտուղար կարդինալ Ջակոմո Անտոնելին խնդրեց Էուսեբիո Լյուդվիգ Ֆրոնմենին՝ բոնիֆրատ մի վանականի, ով ղեկավարում էր մոտակա դեղատունը, ստանձնել Հռոմի պապի և Վատիկանում բնակվող կարդինալների դեղորայքի ապահովումը[1]։ 1870 թվականին Իտալիայի կառավարության հետ վեճից հետո, երբ Հռոմը միացվեց Իտալիայի թագավորությանը, Պապերը սահմանափակված էին Վատիկանով[1]։
Դեղատունը պահեստային տարածք էր մինչև 1892 թվականը, երբ ստեղծվեց մշտական գրասենյակ՝ Հռոմի պապին, կարդինալներին և Վատիկանի եպիսկոպոսներին բժշկական ծառայություններ մատուցելու համար[1]։ 1917 թվականին դեղատունը տեղափոխվել է Սուրբ Աննայի Դուռ՝ Վատիկանի գլխավոր մուտքին մոտ[1]։ Այդ ժամանակ Վատիկանի դեղատունը մեծ ժողովրդականություն էր վայելում՝ առաջարկելով դեղամիջոցներ, որոնք Հռոմի այլ վայրերում չկային[1]։ Նույնիսկ այսօր, Իտալիայի կառավարության կողմից դեղերի հաստատման բարդ բյուրոկրատական գործընթացի պատճառով, դեղատունը հաճախ ամիսներ կամ տարիներ շուտ է դեղեր ստանում, քան իտալական դեղատները[1]։
1929 թվականին, Լաթերանյան պայմանագրերի կնքումից հետո, դեղատունը տեղափոխվեց իր ներկայիս վայրը Պալացցո Բելվեդերում՝ Վատիկանի կենտրոնական փոստային բաժանմունքի հետնամասում՝ սուպերմարկետի դիմաց[1]։ Ի տարբերություն իտալական դեղատների, Վատիկանի դեղատունը դեղերը վաճառում է արտասահմանյան դեղատոմսերով[5]։
Ընդունելիություն
[խմբագրել | խմբագրել կոդը]Վատիկանի քաղաքացի չհանդիսացող գնորդները պետք է ժամանակավոր անցագիր ստանան հատուկ գրանցման բյուրոյից, ինչպես նաև ունենան դեղատոմս և նույնականացման քարտ՝ դեղատնից օգտվելու համար[1]։ Վատիկանի մասնավոր առողջապահական ծրագրի 10000 մասնակիցներ ունեն դեղատուն այցելելու մշտական անցագիր[1]։
Քանի որ Վատիկանում հարկեր չկան, դեղատունը գործում է առանց տուրքի[1]։
Վաճառվող ապրանք
[խմբագրել | խմբագրել կոդը]Դեղատանը առկա է 42 000 անուն դեղ[2], որոնց թվում չկան այնպիսիք, որոնք հակասում են կաթոլիկ սոցիալական ուսմունքներին, ինչպիսիք են հակաբեղմնավորիչները կամ հղիությունը ընդհատող (վիժում առաջացնող) դեղամիջոցները[1]։ Դեղատանը չի վաճառվում նաև սիլդենաֆիլ (վիագրա)[6] կամ բժշկական մարիխուանա[7]։ Այդուհանդերձ, դեղատունը վաճառում է իսկապես «լավագույն ապրանքանիշերի կոսմետիկա» և օծանելիք[1]։ Այստեղ շատ ապրանքների գները 12-25%-ով ցածր են, քան մոտակա իտալական դեղատների նույնանուն ապրանքները[1]։ Դեղատունը նաև վաճառում է իր արտադրած որոշ դեղեր և քսուքները։
Ծանոթագրություններ
[խմբագրել | խմբագրել կոդը]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 Glatz, Carol. 2008, May 23. "World's busiest pharmacy? Vatican drugstore offers cut-rate prices." Catholic News Service.
- ↑ 2,0 2,1 Cindy Wooden (2017 թ․ օգոստոսի 20). «Vatican pharmacy does booming business». Cruxnow.com. Արխիվացված է օրիգինալից 2018 թ․ հունվարի 4-ին. Վերցված է 2018 թ․ հունվարի 3-ին.
- ↑ «Yearbook recounts life inside Vatican walls». Ucanews.com. 2015 թ․ օգոստոսի 7. Վերցված է 2018 թ․ հունվարի 3-ին.
- ↑ d'Onorio, Joël-Benoît. Levillain, Philippe (ed.). 2002. "Vatican City State" in The Papacy: An Encyclopedia. Routledge. 0-415-92228-3. p. 1591.
- ↑ Ward, Travis. 2002. Living, Studying, and Working in Italy. Macmillan. 0-8050-7306-X. p. 111.
- ↑ NewsRX. 1998, October 26. "(1998-10-26), Vatican Pharmacy Says No to Viagra, Impotence & Male Health Weekly."
- ↑ CWNews. 2002, May 23. "No Medical Marijuana at Vatican Pharmacy Արխիվացված 2003-11-18 Wayback Machine."