Սվետլանա Անտոնովսկա
Սվետլանա Անտոնովսկա | |
|---|---|
 | |
| Ծնվել է | ապրիլի 6, 1952 Բելգրադ, Հարավսլավիայի Դաշնային Ժողովրդական Հանրապետություն |
| Մահացել է | հոկտեմբերի 7, 2016 (64 տարեկան) Սկոպիե, Հյուսիսային Մակեդոնիա |
| Մասնագիտություն | մաթեմատիկոս, վիճակագրագետ, պաշտոնյա և քաղաքական գործիչ |
| Հաստատություն(ներ) | State Statistical Office of North Macedonia? |
| Գործունեության ոլորտ | Վիճակագրություն[1][2] և քաղաքականություն[2] |
| Տիրապետում է լեզուներին | մակեդոներեն[2] |
Սվետլանա Անտոնովսկա (Светлана Антоновска, ապրիլի 6, 1952, Բելգրադ, Հարավսլավիայի Դաշնային Ժողովրդական Հանրապետություն - հոկտեմբերի 7, 2016, Սկոպիե, Հյուսիսային Մակեդոնիա), մակեդոնացի հասարակագետ (սոցիոլոգ) և վիճակագրագետ, ով լայն ճանաչում ու համբավ է ձեռք բերել որպես Հյուսիսային Մակեդոնիայի Հանրապետությունում ժամանակակից վիճակագրական գիտության հիմնադիր։ Նա 1991 թվականին հիմնադրել և հիմնադրման օրից մինչև 2001 թվականը ղեկավարել է այդ երկրի վիճակագրական ծառայության գրասենյակը, զգալի ջանքեր է գործադրել նրա գործունեությունը բնականոն հունի մեջ դնելու, միջազգային վիճակագրական մի շարք խոշոր կազմակերպությունների հետ սերտ կապեր հաստատելու և պահպանելու համար։ Սվետլանա Անտոնովսկան մեծ ավանդ է ներդրել Հյուսիսային Մակեդոնիայի Հանրապետությունում առաջին մարդահամարը պատշաճ մակարդակով կազմակերպելու աշխատանքներում[3][4]։
Կենսագրություն
[խմբագրել | խմբագրել կոդը]Սվետլանան ավարտել է Վ. Ա. Ստեկլովի անվան մաթեմատիկայի ինստիտուտի կիրառական մաթեմատիկայի ֆակուլտետը։ Սովորել է նաև Սկոպիեի համալսարանի բնական գիտությունների ու մաթեմատիկայի ֆակուլտետում, որտեղ նրան շնորհվել է հատուկ՝ Միխայլո Պետրովիչի անվան դիպլոմ (դա Հարավսլավիայի Դաշնային Սոցիալիստական Հանրապետությունում համարվում էր բարձրագույն ուսումնական հաստատությունն ավարտողին տրվող ամենաբարձր գնահատականը)[5]։
Հետագայում՝ արդեն աշխատանքային գործունեության համար ևս Անտոնովսկան բազմաթիվ պարգևների է արժանացել։ 1996 թվականին պարգևատրվել է «Արծաթե աստղ՝ վաստակի համար» շքանշանով, 1999-ին՝ ամերիկյան կենսագրական ինստիտուտի կողմից՝ Հազարամյակի ոսկե մեդալով՝ միջազգային վիճակագրագիտության բնագավառում ներդրած գնահատելի ավանդի համար։
2001 թվականին Սվետլանա Անտոնովսկայի անունը ներառվել է «21-րդ դարի 500 ստեղծարարների» ցանկում, այդ նույն տարում նա ճանաչվել է «Տարվա կին գործիչ», արժանացել է նաև աշխարհի առաջատար ինտելեկտուալներին շնորհվող մեդալի...
Ծանոթագրություններ
[խմբագրել | խմբագրել կոդը]- ↑ Czech National Name Authority Database as Linked Data, Báze národních jmenných autorit v podobě propojených dat
- ↑ 2,0 2,1 2,2 Չեխիայի ազգային գրադարանի կատալոգ
- ↑ «Почина Светлана Антоновска,основоположник на современата статистика во самостојна Македонија» [Svetlana Antonovska, founder of contemporary statistics in independent Macedonia, passed away], Ohrid News (Macedonian), 2016 թ․ հոկտեմբերի 7
{{citation}}: CS1 սպաս․ չճանաչված լեզու (link) - ↑ «Почина Светлана Антоновска, прв директор на ДЗС» [Svetlana Antonovska, the first director of the SSO, died], Večer (Macedonian), 2016 թ․ հոկտեմբերի 7, Արխիվացված է օրիգինալից 2019 թ․ հունվարի 1-ին, Վերցված է 2020 թ․ մայիսի 19-ին
{{citation}}: CS1 սպաս․ չճանաչված լեզու (link) - ↑ Іван Антоновський, Світлана Антоновська - Македонська сталева леді, Іван Антоновський, Скоп'є, 2018, с. 3 -18.
|
